#نصيبي
الحلقه 35
صفوان..مراد بناخذ رايك في موضوع
مراد..شن احكي
صفوان..ياسيدي نا بنخطب
مراد..والله
صفوان..اها يراجل
مراد..كل شي ع البركه يا طيري من هيا نعرفوها
صفوان..تقرا معايا في جامعه نشوف فيها
مراد..خلاص تمام امتى بتحكي لهلك عليها
صفوان..طبعا اول واحد انت حكيتلك وهلي تو نحكيلهم بعد نروحو من هنا
مراد..تمام يا طيري مبارك مقدماً
صفوان ضحك..تسلم يا دوله
خشيت لبست قونه بيضه وبلوزه سمائيه ووشاح ابيض ودرت بودره واحمر خدود وبخيت عطر وخذيت شنطتي وطلعت
اعميمه...ويننن وييين يا حنه طالعه هكي
ايهاب خش راقيله..تو نجو
اعميمه.. كيف تو نجو هذي وين ماشيين
ايهاب ضغط ع سنونه..اميييي خلاااص
اعميمه.. تعلي في صوتك عليا انااا امكك
اجديده...ترا اسكتي يا وليه كنك انتي خلي يمشو مالك ومالهم انتي
اعميمه.. بس.....
اجديده قصت عليها...أسس ترا وانتي متاعت وجيج
ايهاب مسك يدي وطلعنا
نا دموع في عيوني
ركبت في السياره وحطيت يدي ع فمي ونحاول نمسك روحي
ايهاب ركب وعلق ويبحت قدامه وراقيله
لميس وعت وطلعت لقت البنات في المطبخ
جوري.. صح النوم
لميس شيرتلها بحواجبها
لمار..ميسو كنك احكيلنا خواتك نحنا
لميس..منش حاكيه
جوري زارتها ضحكه..باهي تعالي ديريلنا كيكه
لميس بحتت في جوري بنص عين
جوري..تبش اديري عادي تو نديرها بس كيكتك انتي سمحه
لميس..تنفخي فيا ولا شنو
جوري ضحكت...حاجه زي هكي
لميس...مبردك هيتي تو ندير
جوري..بعدك حسن غالي عليه كيكتك
لميس بحتت في جوري
جوري ابتسمت..هيا لمار نطلعو انضمو الجنان بش نشربو فيه قهوه
لمار..هي نجيب تلفوني بس
جوري.. نراجي فيك بره
طلعن البنات وبدت لميس في الكيكه
حسن خش..اووووو اديري في كيكتك السحريه
لميس..اها
حسن بحت في لميس..نبي اميه
لميس..خوذ من تلاجه
حسن..لا انتي عطيني
لميس برمتت بتهزب حسن وفي يدها صونيه فيها دقيق انكب ع حسن وعليها شويه
لميس....هههههييييييي اسفه اسفه والله م نبيها لكي
حسن زار ضحكته...توااا معقوله هكي خليتي دبشي هكي
لميس شويه وتبكي..تو نغسله لكي
حسن زار ضحكته..وجه النحس هذ
لميس نزلن دموعها..نبيهش لكي نا
حسن كب عليها دقيق..بلا بكاء
لميس..هييييي يا باررد يا حيوان
حسن يضحك..وحده بوحده
لميس..تبيها هكي انت
حسن فنص لميس
جت تجري كبت عليه دقيق
حسن..تو تشوفي عدا كب عليها دقيق واميه
لميس....طحححح سععدك يا بارد والله تشوف
حسن عدا يجري ويضحك خش للحمام
لميس ...اوووف ياربي شن ندير توا نا قعدت تقول عجينه
فتحت ع اميه ساخنه وقعدت تسيق في المطبخ وتمسح
خش حسن مبتسم..طالع نا تبي شي
لميس التفتت عليه
حسن..ههههههههههههههههه قعد منظرك زي البطريق
لميس..بارد حيوان حقير طلعت خشت تحت الدوش
