السلام عليكم
المحرمات الي تناولناهم
اول شي كان اليأس من روح الله
وگلنه من الكبائر
وأخذنا الأمن من مكر الله جل وعلا
التعرب بعد الهجرة
معونة الظالمين
قتل المسلم
الغيبة
و السب
اليوم إن شاء الله راح نكمل والي راح ناخذهم مواضيع مهمة جدا
المحرم الثامن هو البهتان
8- البهتان على المؤمن:
وهو ذكره بما يعيبه وليس فيه
المشكلة هذا يحدث كثيرا هذه الايام
يعني إنسان جيد وصادق يتهمه بالكذب أو بالسرقة أوالتزوير وهو بريء هذا بهتان
گلنه فرق البهتان عن الغيبة
هو الغيبة أذكر الشخص بعيب هو فعلا بيه
أما البهتان ف أرميه بشيء مو بيه
مثلا أگول فلانة تتبرج وتضحك وي الشباب بالكلية وهي مابيهة هالصفة هنا أنا إفتريت عليها كذب وبهتان
أگول فلانة تكذب وهي مابيهة هالصفة هذا بهتان
المحرم التاسع النميمة
9- النميمة
كلام صدق ليس كذب لكن ينقله لأجل الفرقة بين المؤمنين
انقل كلام من هذا لهذا وأخوطهم خوط
تجي تگول يي ماحچيت چذب هي صدگ حچت عليهة وغلطت وسوت يي يروحي حتى لو صدگ
بس حرام أنقله هذي نميمة
اسوي مشاكل بين الناس والوص الجو
مو كل كلام ننقله
بعض الكلام ننظر لعواقبه اذا شر فهنا حرام أنقله
بالعكس
هي حچت عليهة
اجي اكلها ذكرتچ بكل خير وأصلح بينهم
هنا بدل مااسوي حرام اكون فعلت خير
النمام مريض ياحبيباتي
المحرم العاشر
الهجر
10- هجر المسلم أزيد من ثلاثة ايام اي خصام أخاك المؤمن على الأحوط وجوبا
تتعاركين وياهة وتهجريهة هذا من المحرمات
مهما كان لازم تبادرين للإصلاح
الدنيا ما تسوا
حبيباتي احنه بيوم من الايام راح نوگف بين ادين الله ونگله سامحنه
فهنا لو احنه كنا مانسامح الناس بأي وجه نگله سامحنا
احنه ماعدنا الملك الي عنده
احنه مو بعظمته
11- قذف المحصن والمحصنة
وهو رميهما بأرتكاب الفاحشة كالزنا من دون بينه عليه
فلا يجوز رمي النساء والرجال بدون بينة شرعية
وهي 4 شهود رجال شاهدوا الزنا بعينهم وليس كلام يقال من فلان
وفلانة مهما كان لابد من هذا
واذا الزوج هو رأى الزنا بعينه لزوجته مع اخر يذهب للحاكم الشرعي ويتم الحكم من قبله
المحرم ال 11 القذف
يعني الطعن بالشرف
حبيباتي مرات بكلمات بالنسبة النه عادية احنه نطعن بشرف شابة
فهنا لازم ننتبه حتى لكلماتنه
الشرف مو هين على الله
12- الغش للمسلم في بيع أو شراء أو أي معاملة أو في دراسة او خياطة
الغش بعيدا عن الحرام والحلال
هو بذاته صفة حقيرة جدا
صحيح والله 💔
انت نفسچ ماتقبلين احد يخدعچ تنجرحين لو فعل
فمن يأمنلچ شخص وتغشينه هذا أسوء من السوء نفسه
أستاذ يأمن واني أغشه
حتى شخص يوثق بيه ويشكيلي واني أطعن بيه وأغشه أن أستهزء بيه من وراه
اذا جاي تشوفون ماكو شي حرام الا وهو فعل قبيح يأذيالله
الله شگد حلو
خلاه حرام
لأن بعض الناس ماتتفكر وبس كلمة حرام ممكن تردعهة عن الفعل
لا تسب ولا تهين ولا تغش ولا تغتاب ولا تقذف شنو كل هالاوامر
عبدي مخلوقي غالي عليه ما أسمحلك تجرحه
ما أسمحلك تقلل من شأنه
وأعاقبك لو فعلت هالفعل
شنو هالجمال يا الله
انتهى درسنا على الدرس القادم ان شاء الله نكمل
