كيف نتقرب الى الله💙🌿
لازم نعرف شي مهم وهو احنه ماخلقنا الله سبحانه حتى ناكل وشرب ونلبس ونلعب ونام ونتزوج وبعدها نموت بدون هدف اكو حديث قدسي يقول
كنت كنزاً مخفياً فأحببت أن أعرف فخلقت الخلق لكي أعرف) اذا احنه نخلقنا للمعرفة والي ذكرته هذا زينة الحياة الدنيا الي تساعدنا حتى نعرف حتى ندرس حتى نوصل…
يعني لازم نعرف انوا الله سبحانه خلقنا لنعرفه . لنتقرَّبَ إليه ليش حتى يحبنه ونحبه…
الله حنون مهما نخطا مهما نبتعد عنه هو يقبلنا ويفرح بتوبتنا ومن نرجع الى هو رحيم وسريع الرضا و عطوف يغفر الذنوب جميعاً ويُصلِح العيوب ويُحبّ التوَّابين ويأخذ بيَد عبده المؤمن إذا توَكل عليه..
من اتقرر بنية صادقة أنك تسعى لِمَا يُرضي الله سبحانه وتعالى بعزم وإرادة مُستعيناً بالله تعالى ومُتوَكلاً عليه سيُعينك وياخذ بيدك..
بطريقك الى الله ابدا لا تسمح للشيطان اللعين بأن يخدعك إذا تراجعتَ يوم من الايام أو ضعفت
لا توكل على الله وجدِّد العزم وأكمل المسير…
ودائما تذكر الحديث القُدسيّ عن ربّ العالمين مَن تقرّب إليّ شِبراً تقرّبتُ إليه ذِراعاً ومَن تقرّب إليّ ذِراعاً تقرّبتُ إليه باعا..
لازم دائما انخلي في بالنا من سلكنا طريق الله سبحانه الطريق المستقيم لازم نتذكر هذا الطريق هواي بي مطبات وهواي اشواك لازم نجاهد نفسنا حتى نكدر نوصل ونتذوق لذة الوصول وماننسى اكو عدو خبيث يتربص بيك حتى يمنعك من المسير ويحاول بكل الطرق يحرفك عن الصراط،المستقيم ويوقعك في المهالك من حيث لا تعلم…
{قَالَ فَبِمَا أَغْوَيْتَنِي لَأَقْعُدَنَّ لَهُمْ صِرَاطَكَ الْمُسْتَقِيمَ * ثُمَّ لَآتِيَنَّهُمْ مِنْ بَيْنِ أَيْدِيهِمْ وَمِنْ خَلْفِهِمْ وَعَنْ أَيْمَانِهِمْ وَعَنْ شَمَائِلِهِمْ ۖ وَلَا تَجِدُ أَكْثَرَهُمْ شَاكِرِينَ}
[سورة الأعراف ١٦-١٧]
اشكد اكو ناس،انشوفهم يومية انحرفوا بسبب اتباعهم لخطوات الشيطان أو هما مؤمنين قرروا السير على الصراط المستقيم هنوب شنو ضعفوا وتراجعوا بعد أيام قليلة..
ليش،لان لازم نتذكر في بداية الطريق اكو عدوا يتربص حتى يمنعنا من المسير
اذ احنه ردنا ننجوا من كيد الشيطان ونسلم من وسوسته لازم نلتزم بالإستعاذة يوميا بالله من الشيطان الرجيم وتتوكل على الله عز وجل
{وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ ۚ إِنَّهُ سَمِيعٌ عَلِيمٌ}
هسه واحدكم يسأل اشلون اكدر اكون بعيد عن الشيطان حتى ماياثر عليه..
اولا: لازم إلتزم بقراءة المعوذتين (سورتي الفلق والناس) كل وحدة ثلاث_مرات بصوت عالي هنوب اقرأ بعدها آية الكرسي وكذلك من تگعد الصبح من النوم وقبل كل فريضة…
إلتزم بقراءة القلاقل الأربعة (الكافرون - التوحيد - الفلق - الناس) كل وحدة ثلاث مرات قبل النوم بصوت عالي..
وبعد إلتزم بهذا الذكر الصبح وبالليل وهو
اللهم صل على محمد وآل محمد (مرة واحدة)
اللهم اجعلني في درعك الحصينة التي تجعل فيها من تريد (ثلاث مرات)
اللهم صل على محمد وآل محمد (مرة واحدة)
ملاحظة :هذا الدعاء ينفع كذلك للأمن والسلامة
عن الإمام الصادق (عليه السلام) قل قبل طلُوع الشّمس وقبل غرُوبها عشر_مرات:
اعُوذُ بِاللهِ السَّميعِ الْعَليمِ مِنْ هَمَزاتِ الشَّياطينِ وَأعُوذُ باللهِ أَنْ يَحْضُرُونِ إنَّ اللهَ هُوَ السَّميعُ الْعَليمُ
هسه هذه الاذكار اشكد بسيطة وسهلة بس اشكد تأثيرها كبير هسه اذ نحاول نقراها يومية بحظور قلب وتوجه الى الله اشكد لها تاثير عظيم
حتى نتقرب الى الله هواي اكو اعمال احنه هسه تخيلوا احنه بحديقة وهذه الحديقة بيها انواع الزهور وانت تختار اي زهرة انت تحبها وراح تكدر تعتني بيها وتزرعها (زهرة الصلاة او الاستغفار او الزيارات او الادعية او المناجاة او او اواو هواي اعمال )
عمل سهل وحلو تكدر تتقنه وتحاول تتقرب به لله وتلتمس اثارة مع الوقت ك زيارة عاشوراء مثلا تقراها باليوم مرتين قبل النوم ومن تكعد الصبح…
يعني احنه من نلتزم بالاعمال الواجبة الصلاة والصوم وغيرها هذا واجب ولازم نؤدي حق الله سبحانه..
اضافة للاعمال الواجبة نضيف هذه الاعمال ك النوافل وغيرها راح تكون تعبيراً عن حبك لله وطلباً لمرضاته، فترفع مستوى أعمالك كثيراً..
التفكر ساعة خير من عبادة سنة لازم نحاول نلتفت دائماً إلى وجود الله عزّ وجلّ حاضر امامنا نتفكر في عنايته بينا والنعم العظيمة الي احنه بيها ..
من باب رد الجميل لازم نبادل إحسانه بالشكر، وذلك من خلال تخصيص حوالي ربع ساعة يوميّاً..
تتكلّم فيها مع الله بحب وإخلاص وتقوم فيها بعمل معين من قلبك تحاول تخلي لك جدول خاص بيك وتضيف الاعمال الي تحب تسويهم وتخلي عمل المناجاة ضمن برنامجك اليومي مثلا…
#يتبع
