أريد أكول شيء هسة أغلب البنات ديمرون بيه وشاغل أكثر وقتهم ومنطيه أهمية والبعض جداً درامي" بهذا الموضوع وهو الحُـب"!!!!
وخاصة لما تكون هي بعمر صغير وعمر مراهقة يعني تجي وحده عمرها 13 ,14 ،15 وله حتى 17 و18 أنتِ متعرفين نفسچ بهذا العمر قرارتچ مو صحيحه وخاطئة ومستعجلة سببها الفراغ في حياتچ وقلة الوعي ولأنه هالعمر متقلب المشاعر والمزاج و مراح تثبتين على قرار ...
يعني لما تكبرين أكثر بالعمر حتبقين تضحكين على تصرفاتچ وعلى تفكيرچ لأنه كل ماتقدمنا بالعمر حتتغير كثيير شغلات بداخلنا وننضج وتتصحح أفكارنه ونعرف شنو نريد أكثر ربما تردين الحُـب حالياً لكن لما تكبرين حتفقدين هالرغبه والفكره كلها او تختارين شخص وتعيشين جو العاطفي هسه وتشوفين بعد سنة او اكثر لما تتقدمين في العمر بعد مايهمچ ولاحتى أكو مشاعر حُـب تجاهه نهائياً ..
تذكري دائماً عمرچ هذا أهم من كلشي هالفترة بعمرچ أستغليها لصالحچ أفرحي ، أضحكي ، أتعلمي أدرسي تفوقي سافري أطلعي على كُـتب تثقفي أختمي القرآن اطلع على كتب دينيه مهدويه وثقافيه وتنمويه اطور من نفسي اهتم بيها وبصحتي حتى لما تكبرين ويجي الوقت اللي تكونين فيه واعيه لكلشي وقدوه لأهلچ وفخر وبنت يعتمد عليها وتعرفين ذاك الوقت تقررين وتختارين صح..
فـ كلشي في وقته المناسب أترك عاطفتي الساذجة اللي بس حتنطيني الحزن وتروح إبتسامتي الحلوة ويدمر قلبي وممكن انصدم بشغلات ممتوقعتها لأنك كنتِ بريئة ومجتمعنا ذئابه تستغلك ..
أكثر المشاكل الداشوفها حالياً بسبب الحُـب وحب النت وهم بعمر مراهقة!!
ولما تجين وتطلبين مني نصيحة عن هالشيء معناها أكو شيء موصحيح ومالازم تستمرين بيه لأنه لاأرادياً لما بديتي تستشيرين أحد على شيء انتِ بداخلچ متعرفيه خطأ ثم خطأ لأنه الله سبحانه وتعالى أنطانه عقل نفكر فيه فـ اني ماأختلف عنكم كلنا عدنا عقل ..
المطلوب عاطفتكم الساذجة وثقتكم الزايده في أي شخص أتخلصوا منها لأنه حيجي يوم وتندمون على كل لحظه بعمركم هذا ضيعتوها على لاشيء ، خلي يكون عندكم أرادة لإجبار النفس عن ترك الشيء الخطأ وأنه أطور من نفسي وأعيش هالعمر بسعادة وإيجابية گد ماأكدر وماأسمح يتعكر مزاجي بسبب شغلات فارغه وبالأخيرر كل شخص بيننا الله كاتب رزقه ونصيبه فـليش تستعجلون على المسؤولية..
وأرجع وأگول التلفون كـنز كبير بأياديكم أستغلوه بصورة صحيحة أطلع على كتب او لغة أستغله صح..
وأكون ذكية واعية جداً واعية وماأسمح لأحد يستغلني ولاأسمح النفسي تكون مشردة عاطفية وتبحث عن أهتمام أهتموا بنفسكم ودللوها تقربوا من أهاليكم غيروا الفكرة الماخذيها عنكم ، كونوا أيجابيين وحبوا نفسكم ولاتسمحون لأحد يستغلكم كونوا قويات وحافظوا على قلبكم
و اول و آخر نصيحه من هذا المكتوب كله لترتبطين بأي شخص غير مولانا صاحب العصر و الزمان ‹عجل الله فرجه الشريف› و رب العالمين لترتبطين بأي شخص رب العالمين و اهل بيت النبوه و معدن الرساله لان ميفدنا بالدنيا و الاخرة لا مال ولا بنون فخلي نخلي اهل البيت ‹عليهم السلام› قدوتنا و رب العالمين سندنا لترتبطون بغيرهم لان مراح ينفعنا لا حب ولا هل الشغلات الي ما منها نفع. 🦋
