تعالوا بنــات
خلونة نحجي أخت لأختهة وحدة تنفع الثانية
نحجي عن الستر بصورة عامة بعيداً عن العباءة
للأسف اكو بعض البنات والشباب يعتبروهة تخلف
حتى الاهالي اكو بنات خطية عدهم رغبة بلبسهة ويمنعوهن ليش يعني؟
هي اللي راح تلبسهة لو انتم اتعجب على بعض البنات من تطلع وي امهة مكان عام تلكيهة مكياج وقراصة وبنطلون وووو عجيب!!
ومن تسأليهة تگلج ترتيب
اول شي اني من احجي عن العباية هنا مو يعني اذم الي ماتلبسها لو اقلل من قيمتها
اي لبس مستور سواء عباية او غير شي
اني احجي كل موضوعي عن الستر مو الي ماتلبس عباية مو خوش مو البس عباية واني حاطة قراصة
هي العباية للستر مو للزينة وحتى تطلعين بيها حلوة
مو البس عباية بالشارع وانزعها بالجامعة
ولد الشارع شنو فرقهم عن ولد الجامعة!!
ليش من تروحون مرقد اي امام تلبسون جواريب وعباية ولا مكياج ولا شعر طالع
النبي محمد صلى الله عليه وآله وسلم
بوقت اللي جان عايش بي ذكر نسائنا
ليأتي زمان على أمتي نسائهم فيه كاسيات عاريات رؤؤسهن كاسنام البخت العنوهن فأنهن ملعونات
تدرون بشنو شبه النساء هاي العلوة اللي تصير بضهر الجمل هيج شبه اللي تلبس قراصة كاسيات عاريات قصدة اللي تلبس حجاب وماتلبس جواريب اللي تلبس حجاب ولابسة تنورة نص اللي تلبس حجاب وريحتهه واصلة لآخر دنيا
وين الحجاب بالموضوع؟؟؟
اللي اهلهة مايقبلون تجي وياهم بالسياسة بدون عصبية يبقون هم ابوج وامج ومسؤؤلين عليج والهم حق
بس خلوا ابالكم
لا طاعة لمخلوق في معصية الخالق
صح اهل وبالوالدين إحسانا
بس مو بوقت طاعة الله
اذا انتِ مامرتاحة بلبسج وحجابج تحسي مو مستور
لبسي عباية
خلي يعترضون اهلج يوم يومين يسكتون
كليلهم هي لبسة حالها حال التنورة الفستان
وتحملي شهر شهرين يحجون
وبعد محد عليه بأحد
شبيكم اقل كلمة توكعكم!!
جا وين الجهاد
وين حب رب العالمين
وين التوكل ع رب العالمين!
﴿وَاستَقِم كَما أُمِرتَ وَلا تَتَّبِع أَهواءَهُم﴾
اذا احنا مانتقدم خطوة بسبب خوفنا من الناس وكلامهم
بعمرنا مراح نتقدم
بعدين خلي يحجون وشنو يعني
اول وتالي
بعدين كلمن يلتهي بحياته
وانتي اللي راح تخسرين نضرة صاحب الزمان الج وراح تأخرين ضهورة بأفعالج وبلبسج غير محتشم وتأذين گلبة
محد راح يضل يركز بيج
وشسويتي وشلبستي
والانسان كون بسبيل الله يتحمل الاذية
كلام الناس مايخلص والانسان الي يحب القال والقيل حتى لو ماتلبسين عباية راح يضل يحجي
وماطول انتِ لابستها بسبيل الله
فتأكدي
أن الله يدافع عن الذين آمنوا
لبس العباية تخلف!!
شنو الربط تلبس عباية ماتلبس عباية شنو الربط بالتقدم والتخلف!
تگدر تلبس العباية وتكون بروفسور شنو المشكلة يعني؟
الخلع ثقافة
والستر تخلف
صار بمجتمعنا للأسف
قبل بزمن الجاهلية جانوا عراء
اجه الإسلام كرمهم وسترهم
فزمنه زمن جاهلية
والعراء
باللبس الفاضح اليوم
ماكو فرق
فكافي بنضركم الي تلبس عباية مظلومة وخطية
ماكو خطية غيركم
ع القليل احنا ناس
متصالحين ويا نفسنه
مامتناقضين
نعرف الصح ومانحرفه
مو مثلكم
احنا ناس عدنه عقيدة واضحة
واضح الطريق الي نمشي بي
اللي يحاجيكم وينتقدكم عن العباءة لاتنطونة مجال يوصل الكم أيا كان
ثقوا بالله يجي يوم يگولون ياريت لو صرنة مثل فلانة وفلانة
ماألبس عباية مو فد مشكلة
بس المشكلة لا تقصرين بالستر
يعني شلون ماأقصر بالستر!
الحجاب حجاب مو بس الي يغطي الشعر
لا الحجاب الي يستر البدن كامل
مو بس البس ربطة
وملابسي ضيقة
لا هنا صار خلل
توقفي راجعي نفسج انتبهي لروحج قبل لاتطلعين تخيلي صاحب الزمان وفاطمة الزهراء تشوفج تكدرين تقابليهة بوجهج مسويتة قوس قزح ماكو لون مامخليتة لو بلبسج الضيق لو جواريب ماكو؟؟
ترة الله ميز الانسان عن الحيوان بالعقل
كافي من تتخيلون انو صاحب الزمان يقول لكم
((لم تخيبي ظني بك))
كل شيعية ملتزمة هي فلانة بنت الحجة ابن الحسن
وفشله بنات صاحب الزمان بلا عباية
هواي فشله……
