ليالي عاينت لياسمين بطرف عينها وقالت :- طيب حلو امشي فرحي أمي وأبوي وشوفي إذا لسة مصريين على حكاية إدارة ولا غيرو رايهم..وقامت دخلت الحمام وبقت تبكي💔..
"عند مجدي"
دخل الرقم بتاعه وبقى مترقب بخوف..وأخيراً ظهرت نتيجته قدامه..69 قال لنفسه:- ده المتوقع أصلاً...بعد كده الواحد يطلع يلعب كورة بمزاج...لِبس ملابس الكورة وقفل البيت كويس وبعدين طلع على الميدان..كل ما زول يسألو من ناس الحي " أها النتيجه كيف!؟" بِرد بإستهتار واضح وبمشي منهم..ما كان مُبالي ولا شايل هم حاجه..الكورة كانت حياتو والتأليف..أياً كان نوعه..تأليف قصص / أشعار/...
"بيت ناس المقداد"
_أيووووويوووي مبروك يا مقداد..ألف ألف مبروك يا ولدي..نتيجتك فرحتني شديد..المقداد قال بتبسُم:- الله يبارك فيك يا خالتي..الحمد لله الحمد لله..قالت ليهو:- باكر تخش الجامعه وتقرا إدارة وتمسكلك مؤسسة كبيييرة وتنفع نفسك وخالتك يا ولدي💙.المقداد سكت ومشى على اتجاه الصالون..كان في نيته يدرس موسيقى ودراما..بارع شديد في التمثيل وتقليد الاصوات💙..بس طالما رغبة خالتو إدارة أعمال..يبقى حبابها ألف..وما مهم هو عايز شنو..دي خالتو الربتو من وهو عندو 8 سنوات..بعد ما أبوهو استشهد في واحده من الحروب التابعه للدفاع عن الوطن..وأمه أتوفت بعد أبوهو بسبعة اشهر..ما كان في زول غير نفيسة اهتمت بيهو..ما أتزوجت بسببه..كان هو حياتها..ولدها وراجل البيت💙..فكان من سابع المستحيلات يكسر كلمتها..وقبل أقل من سنة إتعرض لحادث سير وفقد بصره..بالرغم من كده قدر يمتحن تالتة ويحرز نسبة 79..
"عند مجتبى"
_مجتبى يا معلم..ماف زوول فاتك فيها يا أخوي😍😍..مجتبى قال بإستعجال:- أها كم كم!!..ردت هالة:- 81..مبرووووك يا مجنون..بقى ينط ويصفر ويعمل حركات مجنونة بتدل على فرحه بالنتيجه..أمو زغردت ليهو وكل الحلة إنبسطت بنتيجة مجتبى..لأنو زول ما هين..رغم صغر سنه إلا إنه كان صاحب الكبير والصغير..زول حارة وما بقصر من الناس وود أصول..البسمة ما بتفارق وشه نهائياً..هو يمكن في الشكل ما جميل بس روحه حلوة ومستحيل تقعد معاه و وما تحبه💙...قال بصوت عالي :- ياااا فن جاااك زووول..أمه قالت ليهو:- فن شنوو يا ولد!!!..قال ليها:- في مية ألف حاجه في راسيي..فن تشكيلي // موسيقى ودراما..وو..قبل يكمل قالت ليهو:-مجتبى يا ولدي..اسي أفرح بنسبتك دي..لأنو غير إدارة ما بقريك لو تكسر رقبتك..زول عاقل جايب نسبتك دي يقرأ قراية فارغة زي موسيقى!؟..سكت ما حب يدخل في نقاش مع والدته..طلع الشارع ولقى أصحابه..كان بحسس كل المعاهو أنهم أحسن منو ونسبهم بالجد تفرح💙...!
"في بيتنا"
_كنت قاعده في الحمام مشغلة الماسورة وببكي..سامعه أبوي بقول:- والله لو تموت بالبكى ولا تخلي القراية كلو كلو..موسيقى ودراما ما بتقراها..عشان اخر المطاف تبقى لي ممثلة ولا فنانة..عنها ما قرت ولا بحنسها زاتوو..أمي قالت ليهو:أهدى ياحاج م كده..أنا بقعد معاها وبقنعها..اساسا الكلام ده لسسه بدري عليه...لزمن التقديم ربنا بحلها وهي زاتا بتقنع من القراية العاوزة تقراها دي💔...جات إنصاف بقت تضرب باب الحمام..قالت لي:- إيناس أطلعي ياخ..أطلعي عازماك..يا بت والله أبوي بتحنك بس أنتي خلي قوة راسك دي..يعني لو بس تعملي ليك أخلاق مع الناس وتتفاهمي بالهداوة صدقيني أبوي بقتنع..بس أنتي عنيدة وبتركبي راس..كدي أطلعي ياخ..قولته ليها بصوت عالي:- يا زوله ما طالعه..أمشي احتفلي براك بلا نتيجه بلا زفت معاكم يااخ ما تكرهونا..فجأه سمعت صوت محمد أخوي بقول:- إيناس أفتحي الباب ده قبل أكسرو...قلة الادب في شنو؟؟..بتعلي صوت وماف زول مالي عينك..أها ما ح تقريها القراية دي لو بقت مجااان..وخليك قاعدة كده أصلك ما تطلعي.."ده الشغال في الشرطة"..سكتا سااي لأنو عارفة لو زدت في كلامي ح يكسر عضامي💔... *نسبتي 77*
