_قولته ليهم :-ثواني ثواني..عمر الليبي شاف شُغلنا؟..لاقيتوا وين؟؟؟ والحاصل شنو بالضبط!؟..مجتبى قال لي:- روقي روقي..طلع قريب مجدي وما ح أصرح بأي شي تاني..بعد نطلع حته هادئة نقعد ونحكي ليكم القصة كلها..ليالي كانت لسة مبوذة..مجدي قال ليها :- ليالي ما تزعلي💛مجتبى ما كان عاوز يقول ليك عشان ما يشيلك همه..مقداد عِرف مني أنا "كذب ليها"..وإيناس عرفت صدفة..فشنو ما تكبري الموضوع...ليالي فصلت طوالي وقالت :- طالما الحكاية كده يبقى خلاص ما زعلانة..همستا ليها:- عشان بقى رُسلان مش؟؟..ضِحكت وضربتني في كتفي...!
"على لسان مجتبى"
_طلعنا من الجامعه ومشينا كافيه ظريف..ليالي قاعده جنبي ومجدي قصادنا..وإيناس ومقداد جنب بعض وبتأكلو في أيسكريم وضاربين ونسة إنفرادية😂💛..قولته ليهم :- هووي..إنتبهوا معانا شوية...مقداد قال:- أها أحكي..عمر الليبي قصته شنوو!؟..واحد مُبدع زيو عاوز بينا شنوو؟..انا زمان كنت مُتابعو اول بأول..قبل مقداد يكمل كلامه..قولته ليهو:- جاي عليك في الكلام يا مقداد..قصدك إنو ممكن يستغلنا ويسرق شغلنا خاصة اننا ما معروفين للناس وما ح نقدر نثبت عليه حاجه والكلام ده صح!؟..مقداد قال:- بالظبط..ما كل البنشوفهم رهييبين يبقوا رهيبين فعلاً...قولته ليهو:- طيب ح أحكي ليكم الحصل اليوم داك...أنا ومجدي كنا مستنين الفطور...
(*#فلاش_باك*)
_عاينا لبعض ورجعنا عاينا ليهو...قولته ليهو:- يا استاذ أنت متابع الصفحه دي!؟..قال لي:- وبحماااااس كمان..لي فترة طويلة ما شفت شغل بالاتقان ده..خصوصي شغل المكياج السينمائي ودمج الشعر مع القصص وتفصيل الحلقات والتنسيق والرسومات البتتعرض اخر حلقة بتوصف القصة حقيقي ماف اجمل من كده...مجدي قال:- طيب لو عرفتا إنو اصحاب الابداع ديل حالياً في منهم اتنين قاعدين قدامك..قولك شنوو!؟..قال كلامه ده بإستهتار وعمر اتصدم...قال ليهو:- جااادي يا مجدي..يا زول..لا اله الا الله..ياخ أنتو..انتو بعييدين عديل والله العظيم💛..حكينا ليهو بداية شغلنا واي حاجه من الاول للاخر...
"عمر الليبي ده أشرف مُخرِّج في السودان الكل يشهد بكده..ما عندو خساسة و ياما طلع ممثلين كتاار للناس بدون مقابل او مساومة او مصلحه..يعني شخصية اقل ما يقال عنها إنها نضيييفة وضميرها حي وصاحي↖💛"
قال :- طيب بما اني عندي فترة بفتش فيكم و ياما رسلت رسايل للصفحه بس ما جبتوا خبري هههه م علينا..المهم عاوز أساعدكم..لأنو حقيقي شغلكم مختلف وواقعي وبعيد كل البعد عن التمثيل الاتمثل اخر فترة...فخور بيكم💛..أهلكم لو عرفوا قدر شنو انتو مبدعين ح يتحسروا والله انهم ضيعوكم بالطريقة دي..أحلى ما في الموضوع انكم ساكييين أحلامكم وبترضوهم..ربنا يوفقكم ياخ💛...المهم انا متكفل بكل حاجه ممكن تحتاجوها..أدوات تصوير / اكسسوار / توزيع وانتاج أي حاجه أي حاجه أنتو بس يكون عليكم إيجار شقة ك استديو عشان شغلكم يكون عندو حته معينة ومحدده..وما عليكم بالباقي يا شباب🌻💛...أنا ومجدي كنا لسة مصدوميين وخصوصي أنا...شلتا رقمه وهو قال لي فاتح باقي شلتك في الموضوع ولما شقتكم تجهز أنا بكون جاهز وفي انتظاركم على أحر من الجمر...!
