_بعد وقعتا في الارض ما سِلمتا من الضرب..ابوي وقع فيني ضرب..ضَرب الضُباط الانتقامي داك..صراخي ملا المكان وأمي ما قادرة تعمل حاجه نهائياً وإنصاف بتبكي..من كترت الضرب أُغمى علي..ما عارفة حصل شنو تاني..صحيت تاني يوم لقيت أمي قاعدة جنبي وبتبكي..وانا ما قادرة أتحرك..ابوي جاا داخل وعاين لي مساافة..قال لأمي:- تعالي يا رشا عاوزك برة..أمي طلعت وخلتني..أنتو قادرين تتخيلوا لما شلتا المراية وعاينت لوشي بقيت أبكي بهيستريا ولما شفتا باقي جسمي..ما قادرة أتخيل أنهم عملوا فيني كده...عشان بس جربتا احقق حاجه نفسي فيها اتهِنتا كده..من أقرب اتنين المفروض انهم سند وضهر..كان نفسي واحد بس يتفاهم معاي..واحد يعرف اسبابي..واحد بس يثق فيني ويسمعني..حتى أحمد ما أتكلم معاي..اي نعم زعلان من تصرفات ابوي ومحمد بس برضو زعلان مني وما راضي يتكلم معاي..إنصاف جات دخلتني الحمام وسرحت لي شعري..قولته ليها:- إنصاف ياخ والله عندي ألم مبالغه في الحته دي "وختيت يدي تحت بطني" من أمس يا إنصاف من أمس..قالت لي:- ما تخافي إن شاء الله ما بتكون جاتك حاجه..أمي قاعدة تحاول تقنع أبوي نوديك المستشفى..رقدتني في السرير وقالت :- ح انضف ليك جروحك دي طيب💛..بعيداً عن الحصل..يا كلللبة أنتو مبدعين جد جد والله..قولته ليها:- ياخ ما وقتوو..قالت:- عارفة عارفة خلاص ما تبكي...
إحساس بالقهر والظلم وإنو الواحد أنظلم من أهله بشكل مبالغ فيه..بتحكموا في طريقة حياتنا..لبسنا اكلنا شربنا قرايتنا شغلنا..وبتوصل بيهم عااادي يختاروا شريك حياتك البناسب أحتياجاتهم هم او مبادئهم..وأنتي!؟
..طُز انتي منو اساسا!؟؟؟؟
..مجرد كائن أتولد في الحياة دي عشان ينفذ رغباتهم وأحلامهم هم..انتي ما تحلمي ولاتعيشي ولا تتنفسي حتى إلا بإذنهم..
وده كله ورا الجُملة الغبية العاملنها ستار.."مصلحتك بتهمنا"..ملعون مصلحتي لو كده..ملعونها شديد...
"بحكي عن الغالبيية العظمى👆🏻"
"في الجامعه__بعد ليالي عرفت الحصل"
"على لسان مجدي"
_ليالي لما حكينا ليها بقت تبكي حتى قبل تمشي تشوف إيناس..قالت:-يا جماعه اخووها صعب شديد والله العظيم..ما بتتذكروا خافت كيف يوم شافنا وما عِرفنا..حسبي الله ونعم الوكيل..ده عقاب ده ولا شنو!؟..ليه بحصل معانا كده..أكيد بكون قتلهاا..واي يااااخي💔...قولته ليها:- ليالي لازم تمشي تشوفيها...عايني ح تعملي كالاتي..تتصلي على اختك وتديني أتكلم معاها..هي سلفاً عارفة القصة كلها ونحنا محتاجين مساعدتها دي..ليالي كانت مترددة وخايفة وانا ما عارف من شنوو..المفروض أنو دي أختها ما لازم تخاف..بعد تفكير قالت:- طيب ح أتصل...اتصلت على اختها واتكلمت معاها..شلت منها التلفون وقولته:- سلام عليكم كيف الحال..الحمد لله..ااا أسمعيني..امممم..لالا ساعتين تقريبا..أيوة عشان تقدر ترجع قبل هو يجي..ظابط يا زولة يديك العافية إن شاء الله💛..بعد قفلتا..قولته لليالي :- الح يحصل كالاتي أنتي ح تمشي مع مجتبى يوصلك لحدي بيت ناس إيناس تمشي تشوفي الحاصل شنو..وبما إنو الليلة مفروض نطلع 2..يبقى لازم بعد شوية تتحركي..أختك ياسمين ح تتصل على ادريس ياخدها مشوار لحدي ما أنتي ترجعي الجامعه تمام؟!..قالت:- تمااام..ودموعا نازلة..مجتبى قال ليها:- ليالي الله يرضى عليك خلاص كفايه بكى...مفداد كان ساكت ومهموم..هو تقريباً حاصلة معاهو مشكلة بس ما حكى لينا..مع أني سألته كذا مرة وقال ماف شي...
