"وين الحماس التفاعلي وانا ما شايفة💅🏻💃🏼💃🏼💃🏼"
_بقيت مخلوعة ومطلعه عيوني لبرة..وبرجف من فوق لتحت..ليالي قالت لي:- في شنو يا بت بترجفي كده..قولته ليها:- م..محمد..محمد أخوي..هو كان قريب وحتى شايفنا..عيوني وعيونو أتلاقت..حيلي مات وقولته خلاص ح يقتلني💔..ليالي كانت كاتمة الضحكهه..محمد عاين لينا مسافة واتحرك...ليالي بقت تضحك هي وباقي الشباب على منظري وخوفي..قالت لي :-يا هبلة هو ما عرفك أصلاً..وطلعت مرايا وورتني وشي..لو ما عارفة من جواي أني إيناس وفي بداية شبابي..كنت حلفت ليكم أني عجووز بينها وبين الموت شِبر😂💔..مجتبى قال لي:- يا بت ليالي دي مُعلمة..يعني لو أبوك ذات نفسه وقفتي قدامه ما ح يعرفك..مقداد قال:- مجدي حفظني دوري يا ليالي..يلا أنجزوا عشان الوقت..أسي خالتي ح تضرب وتكون مقلقة..ليالي قالت ليهو:- ماشاء الله رُسلان لِحق يحفظك❤..عموماً يلا رُسلان وقف لي مقداد هنا..أمممم أيوة بس هنا.إيناس أقعدي في الكرسي ده..مجتبى انت..ثواني...شالت ليها عصاية واقعه في الارض وأدتها لمجتبى..قالت ليهو:- أمسكها وأحني ظهرك واقيف قصاد إيناس...هي ومجدي وقفوا مقاصدننا.شغلت الكاميرا وقالت ثري تو ون..أكششششن❤ "سلفاً جيت الجامعهه بعباية ومجتبى جا بجلابية.."
#المشهد
الاب:- يا ولية..ألف مرة حدثتك الجنى ده ما يمرق يلعب مع الاولاد الكبار ديل..
الام:- هيي يا حاج أنا ما بقدر أمنعو.اليوم كلو ينطط في الحوش بغفلني ويمرق
الاب:- باكر يكسر كرياعتو ديلا ويعذبنا نحنا
"بجي المقداد داخل في المشهد وبصوت عالي بقول"
المقداد:- يابا انا طالع ألعب كورة
الاب:- ما تمرق يا ود..بلا كورة بلا كلام فاضي
الام:- أسمع كلام ابوك واترزع يلا
المقداد:- يابا الليلة عندنا مباراة مهمه..واحتمال يشيلوني لفريق كبيير ما معروف..ما نفسك ابقى لاعب كورة مشهور
الاب:- ده كلام فاضي يولد هييي..خليك في قرايتك وعلامك..أت شماشي شان تلعب وتنطط زي الجهلة..
الام:- شهادتك هي الح تنفعك اا ولدي
المقداد:- لالا يا يمة..الكلام ده ما عندو علاقة بشهادتي..أنا ح ألعب واقرأ..دي هوايتي ولازم أنميها واطورها..ح أشرح ليكم أي حاجه بس خلوني أمشي ألحق المباراة
الاب والام:- لا يعني لا
الاب:- قومي يا ولية أفتحيلنا الاذاعة وسويلنا الغداء..بنسحب المقداد بهدوء وفي وشه ظاهر الانكسار
"بِخلص المشهد.."
فيما بعد ليالي ضافت صوتها وهي بتقول:-
هكذا تُكسر مجادِفُنا..هكذا نخسر المعارك دون مقاومة
المسدس ملئ بالرصاص يتوجه صوبنا..من المتهم..ومن الضحية!!
نحن الضحايا والقتلة الابرياء هم الاهالي💙💔
_حصلت لحظة صمت بعد خلصنا..كل واحد فينا بفكر في هواياته ورغباته..كل واحد جاا ماري بيهو منظر أهله وهم رافضين رغبته لأسباب غير مُقنعة.أهلنا بقرونا عشان يتفشخروا بينا..طالما المجالات اللي نحنا عاوزنها ما فيها فشخرة يبقى لا وألف لا💔...مجدي قال:- لو خلصتوا أنا ح أمشي..مجتبى قال ليهو:- سوق ليالي في طريقك..تقريباً شارعكم واحد..وانا وإيناس ومقداد طريقنا واحد..مجدي هز راسه وعاين لليالي...ليالي قالت ليهو:- من اسي لو ما بتونسني ما تباريني😒😒..قعدنا نضضضحك💙💙😂..قالت :- ح نتفاهم في موضوع الرحلة بعدين في القروووب..وما تبقوا مراسير..في مشاهد كتيرة في راسي عاوزاكم بكرة تعملوا مشهد واحد منها..قولته ليها:- ليالي..من زمان نفسي أمثل..شكراً على التجربة دي..قالت لي:- الجاااي أظبط يا مخملية..قولته ليها بإستغراب:- مخملية🙄..قالت لي:- ااااي ااااي💙🌼..يلا أتخااارجوا خلاص😂...
