"بعد مرور أسبوع"
_بعد الحصل الاسبوع الفات وكلام مجدي معاي..بالفعل حظرتا دكتور ناجي وأنا مطمنة...مشيت الجامعه والبحث معاي..لاقيت شلتي سلمت عليهم وحضرنا محاضرات...في نص اليوم قولته ليهم :- ماشة أسلم البحث ده وجاية..مجدي قال لي:- ح أمشي معاك💛..اتحركنا سوا لحدي مكتب ناجي..قال لي بنبرة كده م فهمتها:- سلمي وبدون اي كلام كتير تعالي طالعه...دخلت المكتب واتصدمت من الشفتو..ناجي كان وشو كله كدمات ويدو مكسورة...ملامحه ماظاهرة عديل من كترت الضرب..أول ما عاين لي إتلبش..ختيت البحث قدامه وكنتا طالعه..قال لي:- أنتي عندك اخوان!؟..قولته ليهو:- أيووة..وطلعتا طوالي...بقينا ماشين أنا ومجدي..قبل نصل البوابة قولته ليهو:- أنت العملت فيهو كده صح!؟..قال لي :- أنسي الموضوع ده..ولقدام ما تتعاملي مع أي دكتور ولا استاذ مهما أظهر ليك هو كويس..ما كلهم يا إيناس يستاهلوا تعامليهم بعفوية وطِيبة...ما كلهم💛..واي يا ستي عملت فيهو كده ومستعد أعمل اكتر من كده ولا واحده فيكم تتعرض لموقف زي ده..طالما أنا هنا إن شاء الله ما بتجيكم عوجهه..وصلنا عند الشباب وانا مبتسمة..قادرين تتخيلوا 🌻💛💛💛كلام مجدي علم على قلبي..حسيت أنو عندي ضهر بالجد..وصُحبة الجامعه والخوة ما كلام ساي لا مووواااقف...!
"على لسان مجدي"
_الضرب الضربناهو لناجي يستاهله..كل واحد بتحرش بالبنات سوا بالفعل او الكلام فهو يستاهل اي حاجه تحصل ليهو...ضربناهو بليل وفي شارع الحركه فيهو معدومة..لابسين أسود×اسود وكابات ولافين وشوشنا بشالات..كل واحد طلع الغبينة الجواهو..وبعدين خليناهو سايح في دمه..قولته ليهو انا أخو إيناس..ولو أتعرضتا ليها تاني أعتبر نفسك حفرتا قبرك بيدك..ومشينا خليناهو...أنا صح ما عندي اخوات...بس إيناس وليالي خط أحمر عندي💛..إيناس أخت..وليالي أخت حتى ولو في يوم بقت حبيبة وزوجة...!
مرت فترة من السمستر التاني والضغط علينا زاد..كنا بالصباح بنمشي الجامعة..بنطلع العصر على الاستديو نصور مشاهد وبعدها نطلع..ديك كانت أظبط فترة واصعب فترة..إحساس الاجتهاد في الحاجه البنحبها والحاجه المجبورين عليها ده كان احساس مختلف...!
مرت أبوي كانت بتسألني من مجتبى دايماً وكأنها عاوزة تفتح معاي مجال ونسة بأي طريقة...أو كأنو مجتبى بقى سبب قوي عشان هي تتكلم معاي..عشان هي سلفاً عارفة أي حاجه بتتعلق بمجتبى أو مقداد أنا ما بقدر اتجاهلها🌻💛
"على لساني"
_قبل الامتحانات بفترة مقداد عزم مجتبى ومجدي عندو غداء...مجتبى قال بهظار :- الله قعدة ما فيها إيناس وليالي واخيراً😍😍..جريتو من شعرو وليالي بقت تحمر ليهو...قال :- بهظر بهظر..ما شافعات مرقة خالص..وبعدين شعري ده أنا بقيف ساعة في المراية عشان أظبطه..قولته ليهو:- بعد ده أريتو لو بظبط😆😆..ليالي قالت:- بالضبط..عان منفووش كيف..بس للصراحه حلو😑..المهم ما عافيين ليكم أي قعدة بدونااا..مقداد قال:- كان الود ودي أعزمكم..بس ناس حلتنا وعارفهم بتاعين حركات..ده غير أنو خالتي دقه قديمة..فشنوو ح أعوضكم ليها بفطور ظابط في توتي من الصباح..والسيد مجتبى يطربنا بصوته..مجتبى قال لمقداد بهظار:- بالله يا مقداد رايك شنو في قميصي؟!😎..مقداد قال وكأنه شايف💛:- أمكن مكنة في المكنات والله ماف كلام طول عمري بقول عليك أنيق💛..وبعدها بقينا نضحك كلنا..؟
