_بعد أتفقنا على أنو المسرحية تكون بعد سنة التخرج..عمر إستأذن مننا وطلع..الزمن كان بدري حوالي الساعه 2 كده...بقيت أتونس مع مقداد واعرف أخباره..حكى لي عن وعد💙 وإحساسه ناحيتها بالطمأنينة..ختم كلامه ب:-ما عارف ده إحساس وح يروح مع الوقت ولا ح يثبت..البت دي كل يوم بتشدني ليها..فيها حاجه غريبة..قولته ليهو:- أنت بتتكلم عنها بكل حُب..يارب تطلع بتبادلك نفس الشعور..قال لي:- ودي منو دي الح ترضى بواحد أعمى!!..قولته ليهو:- مقداد ح ترجع وتشوف من تاني صدقني💙..حتى لو ما شفتا..هي لو بتحبك ح تتقبلك زي ما أنت...مجتبى جاا قعد بينا وهو بياكل 😂😂..قال:- بتتكلموا في شنو..شاركوا جدكم ده..قولته ليهو:- عن وعد..يا سنجل يا بائس..قال لي:- مالي مال وجع القلب👏🏼..قالها بطريقة مُضحِكه😂😂..قولته ليهو:- غايتو بختهااااا الح تحبك دي..من أسي غيرانة منها..قال لي:- يا بت حب شنو!!..أصل القمة..ميلانو اول حاجه..أظبط نفسي تماماً بعدين الباقي هين..لكن في الوقت الراهن ما بخش علاقة..علاقة شنو يا إيناس وأنا ليالي واقفة لي في العزيزة لو واحده سلمت علي في الجامعه ساي تعمل لي سين وجيم..الله يعرس ليها ويخارجها مني..ليالي جات طالعه من المطبخ وقالت:- سمعتك على فكرة..امها داعية عليها الح تحبها دي..كلمتك من اسي..انا بشاكلك انت وايناس تردح ليها هي..دي شغلتهاا😌😂..خالتو فاطمة كانت في المطبخ لمن جات غيرنا الموضوع..بقينا نتكلم عن زمان لما كنا برالمة وكده..ليالي قالت لينا:-أمس القريبةدي بتفرج في فيديوهاتنا اللي في الكاميرا..اقسم بالله اشكالكم مبالغة😂😂😂..مجتبى لا شنب لا دقن..اسي عامل لي دقنه الخفيفة دي..ولا العجب إيناس..الضعفة قاتلاك😂😂😂..قولته ليها:-الفيديوهات دي اتخلصي منها بالله..مالك ياخ عاوزة تذكرينا بالماضي الأليم...مجدي كان ساكت وبلعب في التلفون..ليالي قلعته منو وقالت:- نحنٌ هنا..حذرتك ألف مرة من حركتك البايخه دي..والله يا خالتو ولدك ده سغيل سغالة...خالتو فاطمة قالت:-لالا ما كده..هو بحب يوصل للناس فهم إنو ما مركز معاهم وهو مركز شديد💙..ليالي قالت:-اممممممم..تركيز لكن..قال ليها:-قارياني صح💙..""كلامه لخالتو فاطمة"...
"على لسان مجدي"
_بعد مرت ابوي جهزت الغداء..طلبت مني انا ومجتبى نرصه في الصينية الكبيرة..لأنو ليالي كانت بتعمل ليها في عصير وإيناس بتتونس مع مقداد..اخر صحن كان حق زيتون شلته من المطبخ عشان اختو برة..ليالي قالت:- تعال تعال اديني زيتونه..يديها كانت ماسكه بيهم جك الخلاط ومصفاة..قولته ليها:- شيلي..عاينت لي وعاينت ليدينا..شلت قطعه وأكلتها ليها💙..لحظتها كنت عاوز اقول ليها ليالي انا بحبك..بس مجتبى جاا داخل وهو بغني :- قولي احبك كي تزيد وسااامتي..فبغير حبك لن اكون وسييم لالالالا..المشكله كان بتعاور جد جد..ليالي قالت ليهو:-واصل ليفل عالي من التفاهه وقلة الادب..قال ليها:-شغلتي كمان..جيب الصحن دا ياخ وارحكم ناكل..جعااااان..ليالي قالت:-استهدى بالله يا ولدنا..من جيت بتأكل..هدمتا اقتصادهم...قولته ليها:- أرح ناكل وبعدين تعالي اخلطي العصير...قعدنا أتغدينا كلنا..مجتبى قام اخر واحد من الصينية😂..إيناس قالت ليهو:- اريتو لو بظهر فيك بعد ده...لملمت العدة في الحوض وليالي قالت هي ح تغسلها بعد نشرب العصير....بعد العصر قالوا ح يطلعوا عشان الزمن...طلعت معاهم..إيناس قالت لينا:- لو لقيت طريقة بجيكم الجامعه في يوم قبل اسافر...ليالي قالت:-اي حاولي ياخي..ح ننزل امتحانات السمستر ال6... كمان كم يوم...قالت:-موووفقين💙...هي ومجتبى ومقداد مشوا بنفس الاتجاه..وانا شلت عربية واحد صحبي عشان اوصل بيها ليالي...طول الطريق هي بتونس فيني لحدي ما وصلتها..قبل تنزل كانت بتعاين لي بنظرات ما فهمتها وبعدها قالت:-بينا الشبكهه ونزلت...!
