_مجتبى قال ليهو:- تشرفنا..أنا مجتبى وده المقداد..ودي ليالي والجنبها إيناس💙...أبتسم لينا..الولد أكد لمجتبى إنو الشيت طلع مشى أشتراهو وبعدها طلعنا..مشينا المطعم وطلبنا..الطاولة فيها سته كراسي..أنا قاعده جنب مقداد والكرسي الجنبنا فاضي..مقاصدين لينا ليالي ومجتبى ومجدي..بعد الفطور..ليالي طلعت عده المكياج ورصتها في الطاولة..قالت لمجتبى:- بسم الله..ح أعمل ليك مكياج لشخص مُسن..قال ليها :- ظابط...بدت شغل وكانت مركزة شديد ومجتبى ثابت..مقداد قلد صوت دكتور ناجي😂😂..مجتبى إلتفت مخلوع..ليالي حمرت لمقداد وقالت:- رغم جمال تقليدك إلا إنك خربت شغلي ياااخي😭😭..مجتبى قال:- يا زول ده شنوو..دخلت فيني شريحه والله😂😂..أرح يا ليالي م تركزي معاهو...رجعت عدلت جلستها وواصلت شغلها...مقداد قال ليهم:- شكلي ح أرهبكم كل فترة كده 😂😂..مجدي قال ليهو:- بتقلد أنت صح!!...مقداد:- أيوة من زمااان ههه..صحي يا مجدي أنت ما عرفتنا عليك زي الناس..يعني موهبتك شنو وكده..لعلمك الموجودين ديل كلهم عندهم مواهب مدفونة...مجدي قال:- بكتب أشعار وبألف قصص وبلعب كورة...مقداد قال:- ماشاء الله 💙.مجتبى قال:- سّمِعنا سمعنا...ليالي قالت:- مجتبى والله تتحرك تاني بديك كف...قول لينا شعر يا رُسلان...قال ليها:- بإستغراب..رُسلان!؟..قالت ليهو:- ح أناديك كده تاني.رُسلان جاي معاك اكتر من مجدي..المهم سمعنا💙...مجدي قوس حواجبه وبنظرة مثبتة على الطاولة قال:-
"حبيتك بلهفة وأبتسام
حبيت ملامحك الحُسان
حبيت معالم دنيتك
حبيت مناطق طلتك
حبيت وجودك في العدم
حبيت شبيهتك يا وطن
الجنة أصلاَّ بتشبهك
فردوس عالية مزينة
حبيت خديدات وجنتك
بالله يا سابقة البنات
بجمال روحك وطلتك
أنجيني من هذا العذاب
قاسميني حبي وأنصفي
ما أصلو نهاية الغرام
عقداً شهود...وإشهار كمان❤"
طبعا بقينا بنعاين ليهو مبهووورين..الوقت داك ليالي خلصت لمجتبى المكياج...مجتبى قال ليهو:- راااايع يا أبني راااايع...بقينا نضحك على شكل مجتبى😂😂ياخ كان طالع مباااالغه...ليالي تشيل وتصورو..بعد طلعنا من المطعم..قولته ليهم:- شباب شباب..أقيفوا ياخ ناخد سيلفي مع جدنا مجتبى😔💙..مجتبى قال لي:- دايماً جابرة بخاطر جدك ده..إلا البنية ليالي دي تشيل وتصور فوقي براي..وباقي العيال يضحكوا...وقفنا ونحنا مبتسمين للاخر😂💙...الصورة كانت جميلة شديد شديد..مجدي أتصور معانا مرة واحده بس..قال ما بحب كترت الصور..أما نحنا الهبالة نخليها لمنووو😂😂😂...مقداد قال لينا:- كان نفسي اشوف الصور💔..قولته ليهو:- قررريب ح تشوف💙...أثناء ما نحنا ماشين كده..مقداد كان ح يقع..مجتبى قال ليهو:- حاسب حاسب..ما تقع...مقداد مسك فيهو قوي وقال:- طالما أنتو هنا..مستحيل أقع💙....اليوم ده كان الألطف على الإطلاق مما نزلتا الجامعه..ذكراه ح تفضل مدفونة في ذاكرتي وركن من قلبي...!
"عند مجدي وعلى لسانه"
_دخلت الجامعه بزيادة قروش بعدما شالوني كلية تربية وقدمت استقالتي..عملت ده كلو عشان أخلي ابوي يدفع قروش قولته ليهو عاوز أقرا في الجامعه الفلانية إدارة أعمال..وفعلا وافق..هو عاوز يستغل كل فرصة عشان يفهمني ويقرب مني..وانا بدوري بقفل كل الطرق دي💔..أول ما نزلت الجامعه ما كنت بقعد بعد المحاضرات..الدفعه كلها بحسها كيف كيف..ما حبيت ادخل في زول ولا زول يدخل فيني..بس يوم الليلة ده غير كل مخططاتي...مجتبى مقداد إيناس..و وليالي💙!...جات مرت ابوي وقالت لي:- مجدي تعال الغداء..عاينت ليها ببرود وقولته:- طالع الميدان..ثم أنك ما بتفتري..كل يوم تعال اتغدا وانتي عارفة أنو جوابي واحد..أنا وانتي صينية واحده مستحيل تلمنى...💔
"عندي.."
_بعد العشاء فتحت تلفوني لقيت رسايل كمية من قروبنا..ليالي مرسلة الصور وهي ومجتبى بتونسوا..المقداد رسل مقطع صوتي في ما بعد كان ده صحبه المرسلو..طلب مننا نقرا ليهو أول عشر صفحات من شيت إسلامية لأنو بكرة عندنا تيست...فتحت الشيت وبصوت واضح ومسموع وبطئ قريت ليهو الصفحات وشرحتها💙...مجتبى رسل لينا جزء من لوحاته..الولد ماشاء الله..رساااام رساااام💙...ليالي قالت لينا "فمقطع عشان المقداد يكون معانا في الخط" :- شباب بكرة تعالوا بدري..نراجع وكده..وبعد اليوم يخلص نمشي شارع النيل..جايبة معاي كاميرا فيديو وعاوزاك يا مجتبى مع إيناس تعملوا لي مشهد درامي من تأليفك يا إيناس بس ح أعدل على كم حاجه المهم أكتبي خربشة بتتكلم عن ام اب وولدهم...الخ المشهد ما بياخد مننا أكتر من نص ساعة..وح أنزلوا في حسابي في الانستجرام..وللمعلومية الحساب ده ماف زول عارف أنو حقي ههه..رغم أنو نص أهلي متابعنوو..بس لو عرفوا دي أنا كان قالوا كلام فاضي و بتاع... برسل ليكم الرابط..أدخلوا شوفوا شغلي و اكيد رايكم بهمني.."
"بعد قفلت الشبكه سامعه أصوات كواريك برة.."
_بسم الله..ديل بكوركوا ليه!؟..طلعتا شايفة خالتي بتبكي ومعاها ولدها الكبير منزل راسه.. أحمد أخوي بتكلم معاها قال:- عموماً يا خالتي الموضوع عندي..أنا كده كده بطلعو من القضية حتى لو كفالة..بس رجاءً اتكلموا معاهو..ما ممكن البعمل فيهو ده..مرة قضية مخدرات مرة حبوب..عاوز يصل لشنوو هو!؟..حيرنا زاتو ياخ...ود خالتي عباس قال:-والله يا احمد غلبنا النسوي معاهو..كورسات تبع مجاله دخلناهو..سفر سفرناهو ما نفع..وظيفة حاولنا نلقى ليهو ما نفع..وشوف عينك كل يوم والتاني مشكلة شكِل..خالتي قالت:- رافعين وكيلنا لله وعليك يا ولدي...مشيت سلمت عليهم..وكالعادة فتحوا موضوع مجالي وبقوا يضاحكوا على المجال الكان نفسي أقراهو💔...
ودخالتي عمرو 24 سنة ملموم على شلة كعبة شديد..كل يوم والتاني داخل في مشكلة..يا تعاطي يا تجارة حبوب💔..مبشتن أهله ..هو طيب شديد وحتى لما يكون واعي صلواته بتكون في وقتها..بياخد فترة كويس ويرجع ينتكس💔...!
"اليوم التاني_الجامعه"
_الصباح بعد راجعنا للتيست دخلنا..كل واحد مستأ بعاين لأخوهو...دخلنا واشتغلنا كويس ما بطال...بعدها بدت محاضرة تانية...
_أثناء ما كنا في المحاضرة..ليالي كانت بتلعب ليدو مع مجتبى فجأه الدكتور قال لمجتبى :- ممكن تطلعوا تكملوا لعب في النشاط...أنا كنت بتكلم عن شنوو!؟..مجتبى قال ليهو:- عن أسس الادارة وكيف الواحد يبقى مسوؤل عن مؤسسة كاملة ووو...القاعه كلها بقت تعاين ليهو بإنبهار..الدكتور قال ليهو:- أقعد وركز معاي..بعد قعد..ليالي قالت ليهو:- يخرررب بيت ده عقل❤👌🏻..قال ليها:- الله أكبر في عيونك يا شيخه😂😂..بعد المحاضرة مشينا فطرنا..مجدي جاا زمن المحاضرة التالتة..قعدنا كلنا في بينش واحد...ليالي قالت لينا:- شباب عليكم الله خلونا نطلع رحلة يوم الخميس سوباااا..قولته ليها:- نتفاهم بعد المحاضرة..عشان لو الاستاذ ده طردنا تاني ما ح ندخل لنهاية السمستر...أبتسمت وسكتت..بعدها طلعنا على شارع النيل..وأخدنا مجدي معانا غصب..ليالي زنت عليهوو وكذلك مقداد...بعد وصلنا وقعدنا في حته مناسبة وبعيدة...ليالي ظبطت لينا المكياج..كان لشخصيين كبار في العمر💙 أنا وريتهم الحوار شكله ح يكون كيييف..بقينا نقراهو ونكرروا..في الاثناء دي جاا ماري بينا محمد أخوي..💔
"عارفة الحلقات بسيطة بس التقيل جاي ورا😁😁🏃🏼"
#نتلاقى💙
