_بقت تعاين لي مسافة وقالت :- دي شنو النبرة دي انا أختك الكبيرة على فكرة...قولته ليها:- يا شيخه كبيرة على نفسك..أنتي شايفة تصرفاتك دي تصرفات ناس كبار؟! من طول عمري ما حصل ودخلت في خصوصياتك..بتدخلي فيني ليه!؟..كل ما احاول امنع أحساسي بأنك بتكرهيني ما بقدر..بتصرفاتك بتثبتي لي الكلام ده يا ياسمين..اديني مبرر واحد بس يخليك تعملي معاي البتعملي..حتى يوم ابوي اخد الكاميرا انا واثقة انو كان في أمكانك تمنعي من أنو ياخدها بس أنتي مستحيل تفوتي فرررصة إلا وتتشفي فيني..ليه الحقد ده ليه الانانية دي ليه ؟!؟..ردت لي :- عشان أنتي الصغيرة العاقلة..حبيبة أبوها وأمها..عشان حتى لو عملتي الغلط مُغتفر عندهم..عشان حتى لما جبروك تدرسي ادارة وافقتي عشان تظهري إنك مثالية..عشان وجودك فارق وانا..انا وجودي عدم💔..قاعده عادي...ما هنا عادي..ما مفقودة..ياخ ما ليالي حبيبة الكل فيَّ..ياسمين دي منو اساساً..الانا كنت بعملو ولسه ح اعملو ما هو إلا نتاج تفرقة ابوي وامي بينا..تفضيلك علي..دايما مميزة وفي نظرهم ملاك ماشي على الارض..تقدري تقولي لي رد فعلهم ح يبقى عامل كيف لما يعرفوا انك ماشة في طريق غير اللي هم رسموا ليك..قادرة تتخيلي؟؟..صدمني كلامها💔..ما عرفتا أحن عليها ولا أنفعل فيها..لقيت نفسي مكتفه ما عارفة اعمل شنو..المفروض في موقف زي ده اتصرف كيييف!!..قالت لي:- ما تخافي..والله يا ليالي سرك في بير..مهما أعمل عمري ما ح أكون في نظرهم ليالي..فهمتي💔!!...وإلتفتت أدتني ضهرها وبقت تبكي..لقيت نفسي حاضناها وساكتة..لا هي اتكلمت ولا انا...زحتني منها براحه وقالت:- ما تفكري تتعاطفي معاي أو تحسي بالشفقه ناحيتي...في النهاية ده شعورهم وانا ما بقدر أغيرو..كنت غبية لما فكرتا..فكرتا أحكي ليهم كل حاجه عرفتها انتي بتعمليها..بس عارفة الوقفني شنو!!؟..إنو كده كده ما ح أستفيد...تصبحي على خير...
الموقف ده هزاني من جوه...ح اتعامل معاها كيف تاني!؟...هي ما ظالمة..هي مظلومة..عايشة والفترة ديك كلها جواها كبد وغيرة وغل ويمكن وصل لحد الكره احساسها اتجاهي💔..وكلو سبب معاملة أمي وابوي لي...يارب تربط على قلبها يارب💛
اليوم التاني الشباب مشوا الاستديو انا ما قدرتا أمشي..حرفيا قضيت اليوم براقب في ياسمين وما عارفة المفروض يحصل شنو أو انا اعمل شنو عشان أمحي السوء اللي هي حاسه بيهو..الموضوع مُرهق شديد..لما تكتشف إنك عادي وغير مرغوب ووجودك زي عدمك ما مفقود..و عادي شديد تهون على البتحبهم...!
"يوم النتيجه"
"على لسان مجتبى"
_أبللللل الادارة والقراية والحماااااااس..وبقيت اصرخ وانا رااافع راسي لفوق مخلي أشعه الشمس داااخله جوه عيوني..إمتياز طلعتا من أولى بإمتياز اول الدفعه💛..ليالي جيد جداً..إيناس نفس الشي..مجدي جيد..مقداد إمتياز..الاختلاف في المُعدلات..إيناس قالت:- تستاااهلها يا مجنون💛..قولته ليها:- الجاي أحلى وكلو امتيااااز..مجدي قال:- مباااارك يا زولي..ومبارك لينا كلنا...مقداد :- بس ليالي ليه ما جات..معقولة عشان حبة صداع ما تجي تشوفنا!..قولته ليهو:- مستهبلة ساي..بكون عندها موضوع ولا حاجه..المهم أحلى حاجه إنو طلعنا من أولى..سنااااير يشباب💛..جات بت من دفعتنا قالت لي:- أشطر ولد في إدارة..أنت اتخلقتا عشان تقرأ إدارة يااااخ😍😍..قولته ليها مُبتسم:- إتخلقتا عشان أتقن الفن والرسم..والادارة ما هي إلا سُلمي الخفي..!
