_ليالي بقت تعاين لي مُبتسمة..قالت:- رهيييب رهييبب ماشاء الله💛ح أمشي أكتبه بالنص في قوقل ويارب ألقى أسم الشاعر..بعدين رسلو لي طيب!؟..قولته ليها:- طيب..عمر كان برة..جاا راجع وجايب لينا معاهو غداء..قال لينا:- سموا الله يلا..ناكل مع بعض بعدين اطلعوا...مقداد قال لي:- نادي مجتبى ده والله من قبيل في المطبخ شكله جاع😂😂..مشيت ناديتوو وجينااا قعدنا بقينا ناكل
"على لساني"
بعد الغداء عمر استلم مني سيناريو #أضاءت_عتمتي..الجزء الاول والتاني ولو احتاج تعديل ح يوريني المفروض اعمل شنوو..على كده خلص اليوم ورجعنا بيوتنا..كان لازم افتح أضان اهلي على موضوع العرس من بدري عشان ما يعترضوا..جيت لأمي بروواقة كلمتها في الاول رفضت بس انا اصريت فوافقت💛كلمتا ابوي أعترض خليتو يروق لبعد كم يوم وتاني جيت كلمته وإنصاف حنسته معاي وافق امشي بشرط أحمد اخوي يوصلني ويجيبي...بديت قصه طلبها مني عمر لرمضان..اسمها #حبوبة_السُرة_السمحه..تفاصيلها عن العادات والتقاليد القديمة بحكيها بإتقان وتشويييق💛..على طول اعتمدها وقال نبدا فيها..بس ح نستعين ببعض من الممثلين على ضمانته عشان الشخصيات كتيرة..!
"على لسان ليالي"
_اااا..امي انا عندي عرس بعد فترة ولازم امشي
أمي قالت:- العرس عصر ولا بليل ووين بالضبط؟..قولته ليها:- غالباً بليل..في امدرمان ()...عاينت لي مسافة بعدها قالت:- طيب تمام....للوقت داك ربنا يسهل..تتصلي على اي واحد من اولاد عمك يوصلك ويرجعك..قولته ليها:- حاضر..دخلت الغرفة على غفلة..لقيت ياسمين ماسكة تلفوني ومركزة فيهو أول ما شافتني أتلبشت وبقت تتمتم..في الاول ما ختيت فيها حاجه بس لما اتوترت حسيت انها كانت بتعمل في حاجه او شافت حاجه وما في بالي القروب حقنا وكلامنا وتخطيطنا💔...قولته ليها:- ياسمين..ماسكة تلفوني ليه!؟..قالت لي:- عادي يعني..كنت بحاول اتصور..تلفونك بِجدع صور رهيييبهه...شلتو منها وقولته:- خلاص تعالي نتصور سوا..كانت فاتحه الفيسبوك...بعد اتصورنا كم صورة..عملت لتلفوني باسورد..مع أني بكره الحركه دي بس اتضطريت ليها...رسلت لمجدي عشان يكتب لي النص..فعلاً كتبه بس في قوقل ما كان ليهو وجود..استغربتا طبعا بس مشيت الموضوع واكتفيت بالنص اللي هو كتبه💛..
"قبل الامتحانات بأسبوع"
"على لسان مجدي"
_في يوم خميس مشينا الجامعه عشان في شيتات ما اشتريناها و عشان نبدا نقرا للامتحانات..بعد خلصنا من المواضيع دي..مقداد قال:- نفسي أمشي البحر..إيناس قالت:- وإيناس كمان😔💛..مجتبى قال:- خلاص ارححح..قولته ليهم:- ياها حركاتكم ياناس امدرمان امشوا امشوا..ليالي قالت:- بحر شنو اسي..بدل تقولو كافيه ولا مطعم ظريف..تقولوا بحر🙂💔...مجتبى قال:- ده تنمر منكم بس يا راسطات وبرضو بنمشي...وعلى علمكم بعدو ح نشرب قهوة ظريفة ونتفكفك...انتو بس اختونا😏..ليالي قالت ليهم بهظار:- امشوا امشوا..جد جد ما قادرة استحملكم...طلعوا قدامنا..نحنا قعدنا نراجع في شيت كده..خلصنا الساعة 5..الجو كان حنين وشبه مُمطر...ليالي قالت لي:- خلينا نمشي بالشارع الطويل ما المختصر..الجو جو مشيي💛..وافقتها وبقينا ماشين..جينا مارين بشفع صغار بلعبوا كورة..شاتوها ناحيتنا..بقيت أعمل حركات وأستعرض قدامهم...شُتها ليهم..واحد قال لي:- معلم والله💛..ليالي أبتسمت ولما مشينا قدام شوية قالت لي:- أنت جاهز تشوت في اي لحظة كده!؟...عاينتا ليها شديد ونطقتا بكلام أقرب للهمس :-بحِبها يا سُرمدية...ما أحِبها💛!؟..قالت:- حِبها يا رُسلان..حِبها..!
