كنتا ببكي وانا بقول ليهم كده..ختيت يدي في وشي..ليالي ختت يدها على كتفي وقالت:- أهدي💛..ما عندي كلام اقولو..حرفياً انا في اللحظة دي حاسة بوخز في قلبي..كأنه..كأنه زول شايل دبوس وبطعني بيها..حاسة بيك وحاسة بوجعك..انا بس عاوزاك تعرفي إنو ربنا دائماً بختنا في مواقف صعبة وظروف بتكون أقوى مننا..بس عافري..انا كمان ح أعافر..صدقيني ح نوصل في يوم من الايام..انا سيناريست قدر الدنيا..وانتي كاتبة ومؤلفة..ومجتبى رسام عالمي وفنان..ومقداد بتقليدو واااصل لفوق شديد..مجدي بأشعارو ح يألف كُتب..ده ما كلام ساي..الحاجه دي ح تبقى واقع..بكرة تقولوا ليالي قالت💛..مجتبى قال:- أنتي عارفة دي أصعب مواقف أمر بيها...تعامل اهلك أنتي وليالي معاكم بمنتهى الوحشية..ووصلوكم للنقطه دي..ما كان نفسي نوصل هنا..أنا كنت متفائل شديد..كنت شايف إننا ح تمر علينا سنين وح نكون فيها سوا..ما ح يفرقنا شي..ما عارف كنت غطان ولا لا..
المهم بطريقة ما انا كنت السبب في الحصل..وما ح ألوم زول غيري..مجدي قال:- مجتبى ممكن تبطل تخت اللوم والذنب عليك..الحاجه دي كانت اتفاق..ماف زول جبر التاني..وبعدين نحنا بنتكلم في الماضي ليه!؟..خلينا نتكلم عن أسي..مقداد ده كله ما فتح خشمه..كان ساكت بس..ليالي قالت:- طيب عاينوا انا حالياً لازم امشي..بس أخر يوم ح أجازف أحنك إدريس ده ما يجبني بدري عشان أقضي وقت أطول مع إيناس..مجدي قال ليها بغِيرة واضحه:- بعيداً عن إيناس..تحنكي منووو!؟..عايني هنا هو مهمته يوصلك وبس لا أقل لا أكتر..!!
شنو عاوزة تفتحي معاهو باب ونسة وبتاع..ليالي عاينت ليهو مستغربة لأنو أنفعل جد جد ما كان بهظر..مجتبى أنقذ الموقف وقال :- اي ما تتونسي معاهو..أخوانك لما يقولوا حاجه تسمعي كلامهم مفهوم!؟💛..أبتسمت وقالت:- مفهوم..يلا بايات..!
قعدتا معاهم شوية وكنت قايمة..مجتبى قال لي:- أسف..حقيقي أسف شديد..قولته ليهو:- المرة الجاية ح أضربك شنو اسف دي..وبعدين مقداد ده مالو ساكت وما معانا..مقداد قال:- معاكم معاكم..مضايق شوية بس..قولته ليهو:- امممم طيب..أمشي انا..بعد بكرة تعالوا بدري وخصوصي انت يا مجتبى عشان تشرح لي المادة ما فاهمه ليها شي..قال لي:- تأمري...مشيت منهم وانا طول الطريق قلبي واجعني..حبيت أبين قدامهم أني عادية عشان مجتبى ما يتحسس اكتر من كده...وصلتا البيت لقيت محمد في وشي..حاولت أتجاوزو وقف قدامي..قال لي:- أتأخرتي مالك؟؟..قولته ليهو:- ز..زحمة مواصلات..قال لي:- المرة الجاية ما ح أعرف ليك يعني شنو زحمة..تخلصي امتحانك وتطلعي طوالي..كلها اسابيع بس وتتخارجي من هنا..كنت منزلة راسي وغضابة منو غضب ما عادي..مشيت الغرفة لقيت إنصاف بتبكي..أستغربتا!!..قولته ليها:- الاخت..بتبكي مالك!؟..قالت لي:- هو شنو الما ببكي ياخ استغفر الله بس..قولته ليها:- احكي أنا ماناقصة تشويق..قالت لي:- علي..قولته:- مالو! واصلي ما تحرقي روحي..قالت :- عاوز يتقدم لي..بقيت أعاين ليها بدهشهه..قبل أتكلم حكمت على دهشتي وقالت:- أكيد ح تقولي سكاري وما نافع وو..قاطعتها:- يا بت أنتي هبلة..علي من يوم طلع من المصحه بقى كويس وطبيعي💛..خلي يتقدم طوالي...قالت لي:- طوالي شنو..أبوك واخوانك مستحيل يوافقوا..اول حاجه هو أكبر مني بسنتين بس وما لقى شغل لسه..غير شقته البانيها ليهو أبو فوق ما عندو شي تاني..قولته ليها:- لو رفضوا ح يبقوا سطحيين..بس يا إنصاف لو جيتي شفتي الموضوع من ناحيتهم ك أهل..أكيد ح يرفضوا..ح يفتكروا أنو ممكن يرجع للسكر تاني او ما يحافظ عليك..ح يضربوا حساباتهم ولو رفضوا ما تلوميهم..الظاهر غير الباطن💛..قالت لي:- بعد العملوا فيك بتقولي كده!؟..ابتسمت إبتسامة باردة ورديت:- يا بت انا قتلوني..عمرك شفتي ميت بحس و بشتكي؟؟؟..عموماً علي كويس و كويس شديد..أتمنى يوافقوا🌻💛..!
