وانت ماري فوت+كومنت عشان تظهر لغيرك💅🏻❤
"على لسان مجدي"
_مشيت ليها في المطبخ لقيتا بترص في الصينية..أول ما شافتني قالت لي:- ما يكون صاحبكم مشى بس..خلاص جهزتا الاكل..أرفعوا ولو نقصت ليكم حاجه كلمني..كانت بتتكلم ومركزة مع الاكل وماشة وجاية...شلت الصينية وطلعت بيها لاصحابي..مجتبى قال:- يا سلاااام ياخ واخيراً..قعدتا وبدينا ناكل..ما كنت مركز مع ونستهم..كنت بفكر وشريط ذكرياتي مع مرت ابوي من لما دخلت البيت..شنو السبب المخليني عدائي اتجاها..ايوة السبب أنها جات في الوقت الغلط..بعد وفاة أمي بأقل من سنة💔..هل كرهي لزواج أبوي منها هو المخليني نافر كده؟؟..رغم أنها ولا مرة ما شكت لابوي مني..ولا مرة كلت او ملت بتعمل اي حاجه عشان توصل لرضائي..بس برضو لا..هي ما أمي..هي مرت أبوي..مستحيل أعتبرها أمي في يوم مستحيل يحصل كده حتى لو بقت ملاك نازل من السماء💔..قطع حبل افكاري صوت مقداد وهو بقول:- ماشاء الله ده الطبيخ ولا بلاش..ما بستطعم أكل خالتي بس ما في يدي حاجه غير أقول أنو اكلها سمح عشان ما تزعل 😂😂..بقينا نضحك..بعدها مرت ابوي عملت الشاي..قريب المغرب مقداد قام ماشي..قولته لمجتبى بقدمه وبجيك...!
"على لسان مجتبى"
_بعد طلعوا..شلت عدة الشاي ووديتها المطبخ..لقيت خالة فاطمة بتغسل في العدة..قولته ليها:- ممكن سؤال يا أمي؟؟..قالت لي بإبتسامة:- أتفضل يا ولدي..قولته ليها:- مجدي..لاحظت ليهو معاملته معاك جافة شديد..وانتي بدورك لطيفة لأقصى حد..ما عاوز أدخل بينكم بس..بس أنتي بالجد بتعتبري زي ولدك ولا بتعملي كده عشان عم الطاهر؟؟..أسف لو سؤالي ضايقك بس عاوز أسمع الاجابة منك!!..نشفت يديها من الموية والتفتت علي وعيونها فيها حبة دموع وقالت :- لو جبتا ولد من بطني وربيتو مع مجدي سوا..كنت ح أحب مجدي أكتر منو❤..أيوة صح معاملته ناشفة..بس اللين يغلب القسوة..بحاول لي عشرة سنوات معاهو..ح أفتر قولك ولا أمِل؟؟؟...أنا بعمل كده عشان أنا محتاجه ولد..سند بالجد..ومجدي محتاج أم❤..يمكن زواجي من أبوهو تم بسرعة وبعد وفاة والدته طوالي..بس صدقني يا ولدي أنا نيتي اتجاهو صاااافية..ما عاوزة منو شي غير يتقبلني❤..أتنفستا بصوت وقولته ليها:- ما عارف أقول شنو..بس صدق قولك اللين يغلب الشدة والقسوة..جاا مجدي من برة..طلعتا من المطبخ وقعدتا معاهو في الصالة..كان ساكت وسرحان..ما حبيت أضغط عليه..قال لي:- أسمعني ارح نشرب قهوة بعد المغرب..قولته ليهو:- ظاابط..أستحمى واجيك..ختيت تلفوني على التربيزة ومشيت الحمام
"على لسان مجدي"
_تلفون مجتبي ضرب..في الأول ما لاحظت للمكالمة..تاني ضرب رفعتوو كان مسجل ب السرمدية الأسراني..عرفتها ليالي طوالي رديت :- ألوو....قالت :- ألو دي شنوو..المهم وين من الصباح ما داخل الواتساب؟..قولته ليها:- معاك مجدي يا ليالي ما مجتبى..قالت مستغربة:- مجدي؟؟..أنت معاهو في البيت ؟؟...قولته ليها:- أممم لالا هو معاي بجاي..طالعين نشرب قهوة عشان كده غشاني..حالياً هو في الحمام..قالت لي:- اهاااا..طيب لما يجي خلي يرجع لي❤..قولته ليها:- تمام..وعلى كده قفلت...لما مجتبى جا كلمته طوالي شال التلفون ورجع ليها..بِرغوا مع بعض أكتر من نص ساعة..ضحك وهظار وبرضو ما كلمها أنو معاي بصورة دايمة..يمكن ما حابب يقلق بيها..بعد خلص صلينا وطلعنا..مرت أبوي قبل نطلع طلبت مننا ما نتأخر..مجتبى قال ليها :- ساعتين بس وبتلقينا قدامك❤..طلعنا ولفينا قعدنا في حته قهوة كده..هناك أتونسنا وجات سيرة ليالي على لساني بدون ما أرتب كلامي أو اعرف انا بقول في شنو..لقيت نفسي بقول لمجتبى :- ليالي دي شكلها بتعزك شديد..أبتسم مع أنو استغرب من كلامي بس قال:- زوولتي ليالي دي❤..أنت عارف إنها أحلى بت عرفتها في حياتي قلباً وقالبا..وبقى يتكلم عنها بكل لطافة لدرجه أني اتغظتا..حسيت عروق يدي ظهرت من العصبية💔..البحصل لي ده مستحيل يكون طبيعي مستحيل...!
