_ساعات متواصلة من الرحلة بدون توقف..عيني للطُرقات..المحطات..ما قادرة أحدد إحساسي كان عامل كيف..ساكتة وما ببدي أي ردة فعل..ما بفكر في شي..ذهني خالي وصافي تماماً..وصلنا حوالي الساعة 7 مساء..أستقبلنا عمي في المحطة..سلم علينا..راجل في نهاية الستينات..وشو مريح ولسانه طيب وجابر💛..ركبنا معاهو تاكسي لحدي بيتو..اول ما نزلنا استقبلونا اولادو الاتنين وبناته وزوجته..ما قعدنا زي الناس لقيناهو ضابح خروف وبستعجل في زوجته وبناته أنهم يعملوا عشاء💛..أتونس معانا عِرف أخبار ابوي وناس البيت..بعدها نادى على جميلة :- يا بت..جميلة تعالي سوقي بت عمك جوه خليها تاخد راحتها لمن عشاكم يطلع..ساقتني على اتجاه صالة كده..قالت:- الحته دي خاصة بينا نحنا بس..دي غرفتي وديك غرفة سلوان وأريج وداك الحمام...ح تقعدي معاي في غرفتي طيب..أتمنى قعدتك معانا تخليك مرتاحة💛..كانت لطيفة جداً..دخلنا الغرفة سوا..فضت لي ضلفه..رصيت فيها ملابسي وبعدها دخلت ايتحميت...العشاء أتجهز..بعد العشاء عملوا شاي ظريف وكانوا بتونسوا وبضحكوا مع ابوهم..بقيت أعاين ليهم مستغربة..أنا ما بتذكر في مرة قعدتا مع أبوي قعدة فيها ضحك وهظار ورغي كتييير بعيداً عن الالتزامات والضوابط والقواعد اللي هو خاتيها لينا..حتى اللحظات الحلوة هم محوها بضربهم لي..ما قادرة أغفر ليهم..جواي بقى في خوف وهاجس..
"هل في أب حنون وبتعامل ك صاحب..اب مُحِب ومحتوي أطفاله ومحسسهم بقيمتهم..هل فيِّ!؟"...!
قطع حبل تفكيري صوت أحمد وهو قاعد جنبي وبقول:- أمسكي..التلفون ده اشتريتو ليك بدل حقك ومعاهو شريحة عشان نطمن عليك كل فترة وفترة..شلته منوو وأستأذنتهم عشان أنوم...ظبطت كل حاجه في التلفون..ما نزلت واتساب لأنو م عندي زول مهم اتونس معاهو..نزلت فيسبوك وكنت عاوزة أدخل صفحه أصحاب الابداع..بعد تردد..قفلت التلفون ونومتا..💛!
"صباح اليوم التاني"
"الخرطوم_عند مجدي أثناء الاجازة"
_صحيت من النوم على صوت تلفوني..رديت :- ألو..جاني صوت مجتبى وهو بقول:- فاضي شوية!؟..قولته ليهو:- ما رايق ليك..مستوعب الساعة كم؟؟..قال لي:- 7 وانا في شارع النيل وعاوزك تجي حالاً..قولته ليهو:- ليييه !؟..قال بإستهبال:- اشتقت ليك وعاوز اخلطك حبيبي انا🙈💛..قولته ليهو بعدم صبر:-مجتبى..قال لي:- خلاص خلاص..أطلع تعال ياااخ..عاوزك في موضوع مهم..قولته ليهو:-انا بجيك..وكده يطلع موضوع تافه زيك..ما محتاج أوريك ح اعمل فيك شنوو..قفلت فيهو الخط وقومتا دخلتا الحمام واقرب برمودة رياضية وتي شيرت لبستهم وجيت طالع..مرت أبوي كانت صاحية بتنضف..عاينت لي وقالت:- الجو بارد اشرب شاي وبعدين اطلع..طنشتها وكنت طالع اتحسستا جيبي لقيت التلفون ماف..رجعتا الغرفة شلتو وانا طالع شفتا كباية شاي في التربيزة..عاينت يمين شمال..شلت منها جغمة وطلعتا...وانا لسة مُصر شاييها ما حلو🙂...وصلت شارع النيل اتصلت لمجتبى وصف لي مكانه..مشيت لقيتو لابس نضارة شمسية وبشرب قهوته قولته ليهو:- بطلع زيتك لو ما عندك موضوع وجايبني فراغ منك..قال لي:- روووق وابرد...جاا ماري ولد ببيع علب سيجار ولبان..شلتا علبة وقطعتين لبان..اديت مجتبى واحدة..قال لي:- خليك كريم واديني سيجارة معاك..عاينت ليهو بطرف عيني وولعت سيجارتي..قولته:- بعيداً عن أزمتك..ما عشان انا بشرب انت تشرب..شُرب السيجارة لا شفتنة لا رجولة ولا شخصية..فشنوو خليك قي قهوتك ولبانك💛..بعد حكى لي الموضوع الفي راسه..قال لي:- هااا..نتوكل؟؟..سرحت شوية وقولته:- قدام..وانت جايبني عشان تستشيرني يعني..شوف يا مكنة أي حاجه أنت بتشوفا أعملا بدون ترجع لي💛..ونتوكل نتوكل يا شقيقي✊🏻..
