وأنت ماري فضلاً وليس أمراً فوت وكومنت عشان الحلقة تظهر لغيرك🌻🌻
_الطلبة كلهم أتلموا حوالين ليالي..قالت ليهم:- زحوا ياخ زحوا..هو ما قادر يتنفس..أنا ومجدي طلعنا وبقينا لافين بنسأل عن بخاخ..في كم طالب جاتو الازمة💔..لقينا واحد سنيرنا أدانا بخاخو..قال لينا :- ألحقوا سرعة وبعد يبقى كويس حاولوا أتلموا حوالينو بدون تكتموا نفسه عشان الغبار ده شكله لسه...مجدي قال ليهو:- وأنت ح تعمل شنوو؟؟..قال:- معاي بخاخ تاني..ما تخاف..ألحق صحبك❤..جرينا ورجعنا القاعة..لقينا ليالي دي أنشقت بالبكى..منظر مجتبى مأساوي شديد تحس روحه بتطلع منه💔...مديت البخاخ لليالي..شالتو بسرعه وهي بترجف وقومت مجتبى شوية..بختو ليهو وبعدين هو مسكه❤..مسافة حتى نفسه رجع طبيعي...مجدي قال ليهو:- خوفتنا يا زول..أسي كيييف!؟..قال :- الحمد..الحمد لله..مقداد قال ليهو:- بخاخك ما يطلع من شنطتك لأي سبب فاهم..الظروف ما معروفة💔...قال :- إن شاء الله...ليالي بس كانت بتعاين ليهو وعيونا مليانة دموع..بكت وهي بتعاين ليهو..بعدين شالت شنطتها وطلعت بره القاعة..قولته ليهم:- ح أشوفا ونرجع سوا❤..لحظتها مجدي كان مُتابع حركات ليالي كلها...
_لحقتا ليالي في الاستراحة..لقيتا بتبكي بكى..قعدت جنبها ضمتني ويدوب بكت زيادة..قولته ليها:- بسم الله..لولة في شنو بس💔..قالت لي:- ما شفتي..ما شفتي حالتو كانت كييف💔..قولته ليها:- شفتوو..وحالياً هو أحسن..بطلي بكى...وبقيت أعاين ليها بنظرة إتهام كده كأنها واقعه في الحب..قالت لي :- ما تفهميني غلط..أنا يا إيناس ما عندي أخوان..ومجتبى هو أول ولد أتعامل معاهو بكل عفوية وأريحية..وكان يستاهل الحاجه دي❤ ود محترم شديد..شفتا فيهو حنية الاخ وخوفه وهظاره💔..بختك شديد بأخوانك❤...لو مجتبى أو مقداد أو حتى مجدي..أنا عاداهم أخواني وبس والله العظيم❤❤..قولته ليها:- مصدقااااك..يلا أمسحي دموعك دي وخلينا نطلع ليهم..مسحت دموعا وغسلت وشها..طلعنا برة لقيناهم جنب البوابة..مجتبى أول ما شافها شاغلها ب:- ها العويرة الخوافة دي😂😂..أنا كويس والله..عايني ما متااا..شفتي كيف..قالت ليهو:- ياااخ سغيييل بكرررهك...مقداد قال:- بتكرهي وبكيتي ولميتي الدنيا والعالمين..لو بتحبي كان عملتي شنووو❤😂..مجدي ده حسيتو أضااايق ضيق..قال:- أنا أمشي يا شباب..مجتبى قال ليهو:- يا زول أصبر نطلع كلنا..بعدين ليالي دي بقت أمانتك ولا شنووو..ليالي قالت:- خليهو خليهو😒😒...قال ليها بزهج:- طيب لو ما عندك حاجه ممكن نتخارج...عاينت لينا بالصف إحساس ده مالوو وكده..مجتبى قال:- أحم أحم..خلاص أمشوا أنتو..نحنا ح نقعد شوية ونطلع...ليالي قالت لتبو:- خلي بالك من نفسك ولما تصل البيت طمني ها❤ م تخليني أقلق..عارفة تلفونك بكون صامت بس أتذكر تتصل علي..عشان لو أنا أتصلت صدقني ح أبلك😒😒..قال ليها:- حااااضر يا سرمدية..تأمري بس❤..يلا امشي.ودعتنا ومشت مع مجدي الكان واضح على ملامحه الضيق...
"على لسان مجدي"
_كنت مضايق وما عارف من شنوو..فكرة أنو ليالي بكت عشان مجتبى كانت خانقاني..حتى لو هو مجرد صاحب..طيب إيناس ليه ما بكت💔؟..ولا هو أقرب لقلبها..ولا في بينهم شي ؟؟..لو في بينهم شي كان عرفتا..ده شنو الصراع النفسي الانا فيهو ده..ليالي ما أتكلمت معاي ورغت زي عوايدها..أكتفت بالسكوت لما وصلتها محطتها..قبل تركب المواصلات قولته ليها:- تلفونك ده دخلي جوه البلد مليانه حرامية..قالت :-حاضر...قولتهه ليها:- ومالك زي المضايقة ولا زعلانة..في حاجه!؟..قالت لي بعدم صبر:- أنت المالك..حاساك ما تمام..قولته ليها:- أنتي ما فاهماني...قالت لي:- غريب!..أنت في أحيان كتيييرة ما فاهم نفسك منتظر زول يجي يفهمك!؟..قولته ليها:- أمي..أمي كانت بتفهمني💔..وقبل اوضح أي شي..مواصلاتها جات ركبت وكانت بتعاين لي مستغربة..لما رجعت البيت فتحت قروبنا..لقيتهم مندمجين في الونسة بالريكوردات..صوتها❤كفيل جداً أنو يعدل مزاج أي بني آدم مهما بلغت حالته من سوء...!
"على لساني"
_كان عندي مادة دكتور ناجي واقفه لي عارض ما قادرة افهمها..حتى بعد شرح مجتبى...قبل الامتحان حقو اتوكلتا ومشيت ليهو..بعد سلم علي..قال:-شوفي حالياً مافاضي وما ح افضى لنهاية اليوم..ح اديك رقمي بعدين رسلي لي وان شاء الله حاجه تغلبك ماف❤...قولته ليهو :-طييييب..كان لطططيف شديد..قولته شكلي كنت فاهمه الدكتور ده غلط...لما رجعتا البيت فعلا رسلت ليهو بليل وشرح لي الحاجات الغالباني❤
"فترة ما قبل الامتحانات"
_كنا مضغوطيين..بنقرأ وفي نفس الوقت أنا بظبط سيناريوهات لمشاهد بسيطة..في الفترة ديك التمثيل كان حق ليالي ومقداد..لأنو القصة أصلا بتتكلم عن بت أتزوجت واحد كفيف❤..القصة كلفتنا خمسة فيديوهات..كل فيديو مدته خمسة دقايق❤...ده غير إننا عملنا صفحه في الفيسبوك بأسم أصحاب الابداع..كل جمعه ثابت بننزل رسومات مجتبى بس بأسم كيرال😂❤❤❤عشان ما ف زول يعرفه..رسوماته ملت السوشيال ميديا بس بدون أدنى علم عن شخصيته الحقيقية..كل فيديو بنزله بنكتب عليه..
تمثيل :- السرمدية...رُسلان...ديمكس
سيناريو وحوار:-مخملية
تصوير :- كيرال
مونتاج:- سرمدية واحيانا مخملية
كلمات شعرية ل:- رُسلان
واحيانا بنزل فيديوهات تقليد لديمكس❤💅🏻
أخر فترة أشتهرنا بس على السوشيال ميديا وده المطلوب.❤وده كان إنجاز عظيم بعيد عن أهلنا وإدارة..
مجدي ومقداد عسكروا في بيت ناس مجتبى والقراية ماشة معاهم زي الفل❤..ونحنا لو حاجه غلبتنا براجعوها لينا..جات الامتحانات وكانت من سهلة لصعبة لوسط..جازفناها غايتوو..وكان في زول بمتحن لمقداد❤❤...خلصنا أمتحانات السمستر الاول...أخر يوم كنا مخططين نطلع..بس،مجدي أعتذر وقال ما ح يطلع معانا...قولنا ليهو:- ليييه..رد لينا رد صدمنا كلنا...قال اليوم الذكرى السنوية لأمو الله يرحمها❤..ولازم يمشي يزورها..الفترة ديك كلها ما كان مبين لينا حاجه زي دي💔..ليالي قالت:- خلاص مالو..طوالي نمشي نزور خالتو❤...مجتبى قال:- وهو كذلك...مجدي قال لينا:- دي أول مرة..زول يزورها معاي..كل سنة بمشي براي...مقداد قال ليهو:-تاني لو مشيت براك بنزعل منك والله...على كده طلعنا ومشينا المقابر❤.. بقينا ندعي ليها كتييير شديد...بعدها مجدي وزع بلح وأتصدق عنها...حاول يمسك دموعه..بس عيونه كانت محمرة وصوته متغير..حتى مقداد نفس الشي💔...خلص اليوم ونحنا بنودع بعض..حكاية تلاتة شهور ما ح نشوف بعض ولو شفنا بعض ما زي أيام الجامعهه بصورة يومية💔...
"أثناء الاجازة"
"بيت ناس ليالي"
_أبو ليالي كان عاوز الكاميرا عشان يشوف فيديو صوروا قبل فترة..سأل أمهم من الكاميرا وكده..قالت:- بتكون عند واحده من البنات...مشى غرفتهم لقى ياسمين سألها من الكاميرا..أبتسمت وقالت:- في الدرج داك....أبوها شالها بشنطتها وطلع بره...ليالي جات طالعه من الحمام..قعدت تسرح شعرها..إلتفتت يمينها ما شايف شنطة الكاميرا "شنطة صغيرة ما كبيرة❤"...سألت ياسمين:- أنتي رفعتي الشنطةة..ولا طلعتي الكاميرا..قالت:- لااا أبوي جاا شالها..قالت بصدمة:- كيييف كيييف..وانتي كيف تخلي يشيلها..ناسية فيها شنووو..الليلة ح يقتلني💔يا الله لاا..ياسمين قالت مُبررة:- أوبسس نسسسييت يا لولة..كيف نسيت انا اسفة أسفة والله💔..ليالي عاينت ليها بعدم تصديق وطلعت برة الغرفة على أمل تلحق أبوها قبل يشوف الفيديوهات وكل تعبها التعبتو الفترة الفاتت مع اصحابها يضيع سُدى...!
#نتلاقى💙
