وأنت ماري فضلاً وليس أمراً فوت + كومنت عشان تظهر لغيرك🌻❤
_ليالي مشت ووقفت بقت تعاين لأبوها بينها وبينه خطوه..ضربات قلبها زايدة نفسها عالي..بتدعي في سرها مشت بثبات وهدوء..قالت :- أبوي..عاوزة الكاميرا بعد أذنك..رفع بصره عاين ليها ونزلو..خافت شديد..فجأه قال:- تصويرك للجامعه حلو..يعني الجامعه عاجباك!؟ م بقصد ك مجال..ك بيئة❤..أستغربت لأنها ولا مرة ما صورت الجامعه..قعدت جنبو وبقت تشوف الفيديوهات كانوا أكتر من 5 فيديو للجامعه عموماً من قاعة لنشاط لساحة...بقت مستغربة إنو منو عمل كده!!؟...أبوها مد ليها الكاميرا وطلب منها توري فيديوهات معينة...أتخطت فيديوهاتها كلها وورتو❤..كانت قاعدة جنبه وهو بتفرج..خايفة يشيل الكاميرا ويعرف الحاصل كله...أمها أنقذت الموقف..نادت عليه..ليالي شالت الكاميرا وجرت جوه...عذرت ياسمين بس من جواها قالت " ما بأمن سري لزول غير أصحابي..لأنو سرنا واحد"..
"عندي"
_كنت متواصلة مع دكتور ناجي...طلع ظريف عكس الكلام اللي بقولو عليه الناس والكلام الانا خاتاهو..حتى هو قال لي ما تصدقي كلام الناس وكده..بعد مرات بأولو المواضيع...ونستنا كانت بالساعات..رغم تحذير ليالي الدائم لي💔..إنو ما ينفع نكون عفويين ومنفتحيين دائما مع أي بشري..مرات كتيرة العفوية الزايدة بتهلك صاحبهاا..كنت بطنش كلامها ومواصلة ونستي معاهو...خاصة فترة الاجازة بقى صحبي شديد ما بعدي اليوم لو ما أتكلمنا مع بعض..والحاجه دي كانت باسطاني❤...المساء كده عملت لناس البيت شاي لبن بكعك..أخر فترة لاحظت لنفسي إني هاملاهم..صح بحبهم بس ما بقدر أقولها بصريح العبارة..ومعظم الشعب السوداني كده..الحب عندنا مع أهلنا بنشوفوا عيب أو فيه خجل..مع أنو ده الحب الصح..ده المفروض نبقى فخورين بيهو..عملت الشاي وقعدنا في الحوش..كلنا ساكتين..أصلاً ممنوع زول يسبق أبوي في الكلام حتى أمي..واحده من القوانين الاتفرضت علينا...أبوي قال :- أحمد شغلك ماشي كيف!؟..وأنت يا محمد ما عندك مأمورية قريب..إنصاف ح تعملي الخدمة الوطنية متين!؟..بعد الكُل جاوب على السؤال الموجه ليهو..أبوي قال لي:- وأنتي يا ايناس..في الاجازة دي حاولي أعرفي معلومات أكتر عن مجالك..وقتها كان نفسي أصرخ وأطلع الجواي بس كتمتها💔..يعني أنا في أيام الجامعه ما طايقة الادارة بعد أأجز كماان أقراها في الاجازة💔...قولته ليهو:- إن شاء الله..جاتني مكالمة من ليالي..صمت التلفون...ممنوع في قعدة عائلية تشيلي تلفونك وتتكلمي🙂🙂..وليالي كانت مصرة تتصل..الحمد لله إنو أبوي طلع بره لواحد جارنا..شلت التلفون ودخلت جوه..رديت :- ليالي..قالت لي:- ززززفتة بتصل عليك ما بتردي ليه؟..عموماً خليني أقول واااي..إيناس أبوي كان ح يشوف الفيديوهات واي بس💔لو ما فيديوهات الجامعه كنا ح نتفضح..قولته ليها:- يا غبية ناسية إننا عاملين مكياج سينمائي..قالت لي:- يا بت صورنا اللي في المزرعة وكده💔وفيديوهات تبوو..كنت عاوزة أسألك أنتي صورتي الجامعه؟؟.قولته ليها:- لالا ده تبو زاتو..أظن قبل أخر امتحان كان بصور فيديوهات وبتعاور😂😂..قالت لي:- عوارتو دي أنقذتني الليلة 😂😂..أتونسنا شوية وقفلت...!
