_وبقوا يحكوا لي عن ملفو الوسخان..وضيع كم بت وربت بيها..يعني كل الفهمته إنو بهدد البنات يا إما يتونسوا معاهو ونسه ما تمام 💔ويجبرهم يرسلوا صورهم يا اما يربت بيهم او ينجحهم على مزاجو..حركات مُراهقين في عمر متأخر☑..واحد قال:- ياخ انا والله لو لميت فيهو اقسم بالله ما يحلو مني زول..ده حيوان ياخ عاوز تربية من اول وجديد..حناااك درجه أولى يكيف ليك البت في حنانها بالونسة..ياهو يا اما فصلت وده العاوزو هو..يا اما شاكلته وردحت وربت بيها☑..واحد تاني:- اي والله يا زولي..ينضرب كده لمن يقول كفاي والواحد يمسك عليه زلة عشان تاني ما يستعرض فينا..عامل فيها دكتور..إلا ما اطير ليهو الدكترة دي من راسه..قولته ليهو:- شكلك زعلان منو شديد...قال لي:- كيييف ياخ ربت بزولتي والله مرتيين..وبقى بحكي لي في القصة..لمحتا مجتبى ومقداد جايين..أستئذنتا من الشباب ومشيت قعدتا في حته بعيدة جوني ناس مجتبى..شربنا قهوتنا واخدنا ونستنا..أنا بالي كان مع إيناس وبدعي ربنا ما تكون عملت خطوة متهورة "زي انها رسلت صورها او او "...خلصنا وكل واحد أتحرك على بيته..!
"في الاستديو"
"على لساني"
_طيييب يا سرمدية خلينا نبدا ده حوار بسيط شديد بينك وبين رُسلان تمام اعلان للجزء التاني من #إنفصام_حبيب..المشهد كالاتي:-..."شرحت شرح كافي وافي "...استاذ عمر كان قاعد وبراقب فينا بدون ما يدينا ملاحظات او نصايح...بس وررانا الاكسسوار المناسب مع المشهد شنو💛..ليالي لبست عباية استقبال خليجية مع طرحه..وشها فيه شوية تغييرات مع المكياج...مجدي لابس على الله سوداء ومغير شكله برضو..عمر قال:- خلصتوا كده!؟..ماشاء الله ما محتاج نصك تعديل او اي حاجه...يلا يلا كل واحد يقيف في المكان المخصص ليهو...كان بِكورك كأننا في استديو حقيقي وحوالينا ناس كتار..الراجل حمااااسي شديد 😂💙..
بدأ المشهد..السرمدية قاعده في الصالة..في كرسي متحرك وبتقرا في كتاب..بجي داخل رُسلان زهجان بتقوم من الكرسي ببرود وبدور بينهم الحوار الاتي :-_
_وأخيراً أتذكرتا أنو عندك بيت!؟
=خليني في حالي لو سمحتي..ما عاوز اسمع صوتك
_ده كلو عشان بحاول أخليك تتعالج!؟
=أنا ما مريض..أنا ما مريض افهمي يااخ
"وفجأه بتقلب للشخصية الطيبة..بحرك تفاصيل وشو الجامده"
=أنا أنا أنا بحبك..هم كلهم عاوزين يرموني في المصحه ديك أنا ما مجنون ما مجنون أفهميني
_أنت ما مجنون بس لازم تخضع لعلاج
"بجي ناحيتها وبخنقها بطريقة هستيريا"
=أنتي السبب في كل الحاصل..أنتي السبب
#نهاية_المشهد
_بنصفق أنا ومجدي وعمر 💛...مقداد وقتها خلص من سماع المحاضرة رقم 96 من اللغة الفرنسية💛..عمر قال:- إبداع ما بعدو إبداع..كده تقريباً في مشهد تبع كيرال القلتي لي يا مخملية..."كان بنادينا بالاسماء دي عشان يزيد من حماسنا ويشجعنا اكتر "...قولته ليهو:- أيوة أيوة..المشهد ده ممكن يكون مدخل للجزء التاني..قال لي :- حلووو..بس انا عاوزك ترجعي تزيدي حلقات #أضاءت_عتمتي..أخلقي فيها أجواء درامية بحيث إنو الناس تصدقك..يعني ما تكون حاجه أوڤر...قولته ليهو:-بس البطل أتوفى...قال لي:- بس البطلة ما أتوفت..فممكن تعرضي ليهم طريقة حياتها ومعاناتها بعد الحصل..لو روقتي وفكرتي بهدوء متأكد ح تطلعي شغل ظابط..لأنو أنا عاوز أخرج ليكم العمل ده ك مسلسل رمضاني..وممكن تشوفي أفكار تانية..قصص مثلا عن العادات القديمة..الفرق بين الجيل الماضي والجيل الحاضر..في حاجات كتيرة وقصص لسة ما اتكتبت..انا مشكلتي إنو الدراما السودانية محصورة في زاوية معينة..ممكن تكون عالجت قضايا واثار سالبة في المجتمع..بس تحس التمثيل تمثيل وده غلط..الممثل الشاطر والكاتب والسيناريست لأزم يحسسوك أنك عايش جو القصة والتفاصيل...لو لاحظتوا اغلبية الشعب السوداني بتابع المسلسلات المصرية..ده ليه!؟..لأنو المصريين عندهم قدرة هائلة على الاقناع☑..طيب نحنا ناقصنا شنوو!؟..ولا شي..لو الدراما أتعملت بحاجات بتشبه الواقع النحنا عايشنه بدون زيادة أو نقصان..الناس تلقائياً ح تميل للدراما السودانية..مثلاً أنا للان اكتر الاعمال المؤثرة فيني #الدهباية و #أقمار_الضواحي..وغيرا من الدراما القديمة...أملي فيكم كبير يا شباب وحاسس إنكم ح تعملوا اعمال قويةة زي دي واحسن 💛🌻.!
