رواية لبوة ثائر
الكاتبه M. A. M
البارت السابع
اريد اصفن بوجهك صفنة الميتين
ماارمش لو شجيتني بسله ♥️
༺༽ثائر༼༻
كعدت الصبح على صوت حركه بغرفتي انه محد يدخل غرفتي غير هبة الله لانو منبه عليهم باوعت على ساعه جانت ب ٨ شفتها كاعده تكوي بالملابس مالتي و تخليهم بالجنطه
ـ ها بعد عمج صباح الخير
هي بسرعه وكفت مثل متفاجاة ـ بسم الله
ـ شكو لج شفتي جني
ـ لا عمو بس خوفتني عبالي نايم
كعدت تكمل شغلها و كالت ـ جهزت الك الحمام
رحت كعدت يمها ـ اشبيها بنيتي اليوم
ـ ماكو شيء عمو لا يضل بالك
ـ هبة الله اكو احد حاجي وياج
ـ لا عمو والله ماكو شيء بس انه خايفة عليك والله صارت بيه خوفه فدوه عمو لا تروح دكعد ويانه و اشتغل ويه جدو ضاري و عندك بستان يخبل ممحتاج هذا شغل انته لا تحرك كلبنا عليك مثل خالو
قربت راسها عليه و حضنتها بستها من راسها وبعدتهاـ انتي ادعي وان شاءلله ماكو اله كل خير
رحت دخلت لحمام و هيه بقت ترتب بملابسي
༺༽لبوه༼༻
جنه كاعدين كلنا بالحديقه وندك الباب راح ابويه فتحه وكال ـ هلا بشيخ هلا
اني و ماما بسرعه ركضنا للبيت اني مجنت لابسه حجاب بيبي راحت ترحب بيهم اذكرت سالفة البارحه عزاا هذا بس لا ثائر اجاء يحجي لابويه على يالي حجيته وياهم يبوو.....لا خل يحجي اصلا اني اريد يحجون بلكت نطلع منه بدل مو كل ساعه يمنون علينا و يكولون كعدناكم ببيتنا ماما وكفت تسوي جاي جديد واني واكفه يمها و افكر اشوية و اجاء بابا اخذ الجاي و كال تعالي ورايه باوعت لماما يالي تسويلي حركه بيدها بمعنى شكو
ـ مادري
رتبت شالي و دخلت على الاستقبال وراى بابا نزلت راسي وكلت ـ السلام عليكم
شيخه غزاله ـ هلا بلبوه تعالي تعالي كعدي يمي
رحت كعدت يمها ورفعت راسي اجت عيوني بعيون اشواك خزرتها و نزلت راسي مرة لخ
الشيخ ـ ابو حسين احنه اجينه اليوم حتى نحل سوه تفاهم يالي صار ويا البنات
علي ـ على راسي جيتكم... بس يا سوه تفاهم قصدك
حسام ـ ليش بتك محجتلك شيء
رفعت راسي بسرعه شفت بابا يباوعلي مستغرب
ـ لا والله
الشيخ حجه كل شيء لابويه بس مجاب سيرة انو اني حاجيه ويه ثائر يمكن ثائر مكاللهم الحمد لله
الشيخ عذاب ـ لوما بنتك جان هسه ثائر نايم بصف عمار مو احنه يالي النا افضل عليكم انتم يالي الكم فضل علينا لو ما هيه كتلت هذاك ارهابي جان هو كتل ثائر الحمدالله على كل حال.....وهسه اشواق تكوم تبوس راسها و تعتذر منها يله بنيتي
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
