لبوة ثائر

Part 24

رواية لبوة ثائر
للكاتبة M. A. M
بارت 24

ما متعوده اكضـي ايامي من دونج
خلي يطفآلي كلشي ولآ ضوه عيونج

༺༽لبوه༼༻

جنت نايمه و كعدت على صوت الموبايل مالتي شفت امي تتصل رديت

ـ الو صباح الخير ماما
نازك ـ صباح النور ماماتي... اكلج ترا نرجس و اهلها اجو هسه هما يمنه
ـ ليش
ـ غير علمود العرس
ـ ماما يا عرس ليش هما شوكت حددوها
ـ لج ماما انتي عايشه وياهم بالبيت لو لا..... شلون متدرين غير احمد مخابرهم كايللهم تعالوا و العرس يوم الخميس
ـ يا صدك يحجون و هيه شوكت تلحك تكمل اغراضها 
ـ شمدريني... مهم انتي بعدين تعالي يمنه
ـ اشوف ثائر شنو يكول بعدين
ـ تمام بنيتي الله وياج
ـ باي

سديت و خليت الموبايل بالشحن ثائر جان بعده نايم رحت غسلت وجهي و لبست الشال مالتي و نزلت جانوا كاعدين يتريكون صبحت عليهم و طلعت لحديقه جانت محبه كاعده هناك

محبه ـ صباح الخير لبوه
ـ صباح الورد محبه شعندج كاعده هنا
ـ كلت اشتم هواء قبل لا ينترس البيت بالناس
ـ هاي شنو كاعده تاكلين من صبح ههه
ـ ليمون و ملح ميته عليها هاي فتره
ـ حامضه يمه.... لج شهيتيني بيها وخري خل اكل وياج

كعدت وياها اكل ليمون يمه شكد حامضه

ـ هسه انه حامل و متوحمه انتي شكو
ـ اني احب ليمون اموت عليها
ـ اكلي اكلي هو اصلا حلالكم
ـ شلون يعني
ـ لج البارحه اشتهيتها و ركضت ورا انمار وين ميروح و يجي اكله اريد ليمون اريد ليمون اخر شي رايح جايبها من مزرعة ثائر يكول بعدها جديده اطيب من مالت محلات
ـ بالعافيه عليه و عليج هههههه

بقيت كاعده وياها و اكل ليمون مثل يالي مشايفه بحياتها بس صدك هذا ليمون جان طيب كلش شفت ثائر واكف باب مطبخ عفت ليمونه من ايدي و رحت يمه

ـ كعدت حبيبي
ـ اي
ـ لعد اكعد و اني هسه احضرلك ريوگ
ـ راح اكعد بالاستقبال
ـ تمام

سويتله الريوگ و اخذتها لاستقبال جانوا الشيخه و عمتي كاعدين و هو كاعد يلعب بالموبايل خليت الصينيه كدامه عاف الموبايل و تقدم حتى ياكل

ثائر ـ يله لبوه
ـ لا ماريد انته اكل بالعافيه
ـ ليش
ـ مو قبل شويه جنت كاعده اكل ليمون وياه محبه
ام حسام ـ اكو احد ياكل ليمون من صبح
لبوه ـ هههه شفت محبه شلون كاعده تاكل بيها اشتهيتها اني هم و كعدت اكلت وياها
الشيخه غزاله ـ بالعافيه بنيتي
لبوه ـ صدك ثائر اريدك تاخذني لبيت اهلي اهل نرجس اجو رايحه اشوفهم
ثائر ـ حضري نفسج اخذج يمهم و اروح اخذلج اجازه هل اسبوع
لبوه ـ تمام

من كمل هو رحت غسلت المواعين مالته و كملت شغلي بالبيت كلت لمحبه و هبة الله يحضرون نفسهم و يجون ويانه