لبوة ثائر

Part23

روايه لبوة ثائر
للكاتبة M. A. M
بارت 23

أرُحِني علىٰ صَدرُكَ
‏لأنُي مُتَعِبة مِثلُك
‏وجِئتُ إليكَ لا أدري لِماذا جِئتُ
‏فَخلِفَ الباب أمُطار تُطارِدُني
‏شِتاءٌ قائُِم الأنِفَاس يُخنِقُني
‏وأقُِدام بِلّون اللّيل تَسحُقني
‏وليسَ لديَ أحِبّْاب
‏ولابَيت لَيؤويني مِن الطُوفان
‏وجِئتُ إليكَ تَحِملُني
‏رياح الشك للأيمان
‏فَهل أرتاح بَعُض الوقت في عَينيكَ
‏أم أمُضي وحَّيدةً مَع الأحُزِان ؟

༺༽لبوه༼༻

اليوم تاريخ 10 يوليو 2017 التاريخ يالي مستحيل ينساها الشعب العراقي و خاصتنا اهالي الموصل هو تاريخ تحرير الموصل...

مرة سنتين بسرعه خل احجيلكم شنو صار بيهم نبدي بزهراء البنيه الصغيره يالي تحملت هوايه و خسرت طفلها بسبب زواج فاشل الله عوضها بـ اوس يخاف الله بيها بعد ما تزوجها طلعوا لسليمانيه و عاشوا هناك و قبل فترة رجعوا و سكنوا بيت وحدهم لانو يخاف عليها من امها و خواته انمار تزوج محبه بس علاقتهم مو ذيج علاقه قويه و مرات نسمع عيطاهم طبعا هما كاعدين ويانه بنفس البيت
هبة الله طالبة مرحله ثانيه قانون و احمد ياخذها وياه ويجيبها و احمد خطب نرجس بنت عمو وليد و منتظرين رجعت ثائر بسلامه علمود يزوجون
و غيث هذا بقاله سنه وحده و يخلص و يرجع للبصره ام اني و ثائر فحياتنا حلوه لانو متفاهمين بس هذا ما يعني انو ما اغار علي خاصتنا انو مر على زواجنا ٣ سنوات و الله ما رزقنا بطفل اكثر شغله تقهرني هاي و دوم اسمعهم يكولون لعمتي
ـ زوجي ثائر اذا يبقى وياها يبقى بدون جهال
و اني اخاف لا بيوم هو هم يمل من انتظر و يتزوج من اكله هذا حجي يكلي

ـ متخبل انه علمود اتزوج عليج انتي بنيتي و زوجتي و كلشي حلو صار بحياتي

اضافة الى مشاكلي ويه اشواق يالي متخلص نشرت سالفة انو اني ماجيب جهال بالعشيرة كلها و من عرف بيها ثائر تخبل عليها بس هيه ولا يمها عسى ما يكتلوها هم الخباثة تمشي وياه دمها تموت بدونها
ثائر كل شهر ينزل عشرة ايام و بعدها يلتحق

اليوم بتاريخ 10 يوليو 2017 خابرلي و يضحك

ـ شكو ثائر ليش تضحك
ـ ليش بعدج مسامعه بالاخبار
ـ يا اخبار
ـ چا كومي فتحي تلفزيون على قناة اخبار بسرعه

كمت شغلة تلفزيون رحت على قناة يالي هو جان يتابعها طلعلي خبر عاجل تحرير موصل من ايادي التنظيم الارهابي و اهالي موصل طالعين لشوارع و فرحانين ويه الجيش

ـ ثائر فدوه هذني اخبار صدك
ـ اي چا ما تسمعين صوت يمي
ـ والله من فرح مدري شنو اسوي اركص لو اهلهل فديتك ثائر الله يحفظك الي
ـ ههههه يله باي بعدين ادزلج صوره انتظريني عود
ـ تمام حبيبي

رحت غيرت ملابسي و جهزت نفسي اخذت جنطي و الموبايل و نزلت جوه

ام حسام ـ صباح الخير لبوه
ـ صباح النور عمه
ـ شفتي اخبار يمه
ـ اي عمه قبل شويه ثائر كلي و كلش فرحانه
ـ الله يديمها يا يمه