رواية لبوة ثائر
للكاتبة M. A. M
بارت 21
عيونچ غِنوة السِبعين وحچايات بَصرية
༺༽لبوه༼༻
دخلنا احنه للبيت رحت كعدت على درج سمعت صوت سيارات تدخل للبيت صعدت بسرعه لغرفتي اشواق و هبة الله اجوي ورايه باوعنا من شباك شفنه الشيخ عذاب واكف يحجي وياهم هو و ابنه منذر و عمو ضاري و هذاك يهدد و يكول اريد زوجتي و صياح و لا شيء ينفهم منهم شفته تقرب لباب البيت بعدها ما سمعنا غير صوت اطلاق نار من سمعنا صوت نزلنا راسنه بسرعه بعدها رجعنا نباوع شفت ثائر لازم السلاح بيده
ـ عززا هذا ثائر
و صياحهم و واحد يتعارك ويا الثاني ويالي جان قبل شويه يهدد واكع بالكاع و لازم رجله كله دم
اشواق ـ بس لا كتله
هبة الله ـ شلون مصيبه نزلت على راسنه
لبوه ـ اسكتوا خل نفهم
رياجيل بقوا يهددون ثائر على يالي سوا كللهم
ـ هذا فكر يخطي خطوه وحده وهيج صار بي انتم تعالوا مرة لخ و شوفوا نهايتكم
الشيخ عذاب ـ مالكم مره يمنه و امشوا اطلعوا من هنا و النا كعده ويا جبيركم
شالوا الولد و طلعوا راحوا ولد عمهم سدوا الباب رئيسي للبيت نزلنا احنه بسرعه
الشيخه غزاله ـ ها يمه بشروا شنو صار
اشواق ـ ثائر كتل واحد
ام حسام ـ عزا بعيني ياهوه هذا
لبوه ـ يمكن رجلها للبنيه شيخه هذا يالي جان يهدد
الشيخه غزاله ـ يمه انتي عوفي هذا سلاح من ايدج هسه لا انوب تكتلينه بيها
اذكرت سلاح رحت مرة لخ ضميتها بمكانها و نزلت
الشيخه غزاله ـ يمه كافي بجي و احجيلنا سالفتج علمود نكدر نساعدج قضيتج صار بيها دم
رجاء ـ اشربي ماي و كافي بجي موتي نفسج
شربة مي و حجت ويها تبجي
ـ انه انه..... زهراء بنت ابو محمد الفلاح
الشيخه غزاله ـ هاي انتي و انه اكول شكلج مو غريب عليه لج يمه هاي شنو مسوين بيج
لبوه ـ شيخه عرفتيها
الشيخه غزاله ـ اي ولكم هاي يالي انطاها ابوها فصيله لهذوله همج
هبة الله ـ اي والله صدك اذكرتها تتذكرين بوقتها عبالج انه
رجاء ـ اي يمه كملي ليش حالتج هيج
زهراء ـ ابويه من شافهم ابن شيوخ و عدهم خير من الله طمع طمع بيهم و نطاني الهم من رفضت كتلني انه و امي..... يالي زوجني متزوج قبلي هو و زوجته مانطوني يوم اعيشها براحه كل هاي اشهر انام على كتله و اكعد على كتله
ام حسام ـ سوده عليه لج بعدج صغيره والله شكد حجوا ويا ابوج بس مقبل انطاج يله ارتاح
زهراء ـ خاله راد يكتلني انه و ابني
كالت هيج و غطت وجهه بيدها و بجت حالها يكسر خاطر كعدت يمها و لزمت ايدها
لبوه ـ احنه وياج و شحده يالي يوصلج لتخافين انتي باي شهر هسه
ـ صارلي ٤ اشهر و راح ادخل بالخامس زوجته ميصير عدها جهال من عرفته بيه كل يوم تسويلي شغله علمود يموت ابني اخر شيء البارحه بليل اجا هو ضربني و بدون سبب و حركوا الغرفه يالي كاعده بيها لو ما امه طلعتني جنت ميته هسه طلعتني كالتلي اهربي من هنا ولا ترجعين بعد اذا رجعتي يكلتج و انه بطريق طلع هذا ولد كدامي حجيتله سالفه و جابني الكم
الشيخه غزاله ـ تمام يمه ان شاءالله الشيخ يحلها الج و ترجعين لاهلج
ببجي ـ لا فدوه ماريد ارجع لابويه انوب يبيعني لشخص ثاني لو يبقى يضرب بيه و الله تعبت انه
أنت تقرأ
لبوة ثائر
Bí ẩn / Giật gânفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
