رواية لبوة ثائر
للكاتبة M. A. M
البارت الثامن
ليله وهجرها الگمر روحي بلياهم
جبار الغزي
ثاني يوم من الصبح بابا و ماما و حسام وابنه احمد ام حسام وياهم حتى تبقى ويه امي..... راحوا لاربيل... و اجاء غيث اخذنه لبيتهم بيتهم يم بيتنه حايط على حايط الليل كلها مانمتها كضينها كل بجي كل ماغمض عيني تجي صورة خالتي و جهالها و رجلها كدامي ماوكفت من بجي و اتخيل اذا احنه بقينا جان حالنا نفس حالهم......
اجتي هبة الله يمي هيه و الشيخه غزاله ريحانه معافتني جانت كل ساعه تجي تكعد يمي و تواسيني وتبجي ويايه و عمتها تصبر بينه
فتحت الفيس كلت الهي روحي بيها و عساني لا فتحتها جان اكووو قنوات ناشرين صور عوائل دابحيهم الدواعش من ضمنهم صورة زوج خالتي الجسم بمكان و راس بمكان ثاني جوها صورة خالتي سوده عليه انصدمت صدمة عمري من شفت حالها ذبيت موبايل و بقيت الطم واضرب على وجهي اجت ريحانه تحضني و تبجي وياي و بيبي خطية انهد حيالها شنو جان ذنب هل ناس شنو جان ذنب اطفال بقيت ابجي لحد محسيت راسي راح ينفجر ونمت بحضن ريحانه محسيت غير اكو اصوات يمي و اني مغطاية بالبطانيه فتحت عيوني شفت اكو نسوان بيبتهم هبة الله اول مشافتني كعدت اجت كعدت يمي وكالت
ـ شلون صرتي والله وكفتي كلبي عليج
ـ الحمدلله
ـ اذا تكدرين كعدي زين زوجات اعمامي كلهم هنا و اذا متكدرين امشي اخذج لغير غرفة
ـ لا ماكو داعي راح اكعد
عدلت كعدتي و هما انتبهوا عليه و عزوني كلهم الدموع تجمعت بعيني من تذكرت
ام عمار ـ سوده عليه بنيتي الله ياخذ حقكم و حقنا منهم بجاه كل من الا جاه عنده
لبوه ـ ان شاءالله
سحر ـ لا عمه اكيد هيه مامقهوره هسه ترا قتل يمها شغله عاديه جا هيه مو قتلت واحد هم
من كالت هيج مدري ليش رجف كلبي كانما تكلي لا تنسين نفسج انتي و هما نفس شيء كلكم مجرمين متفرقين عنهم شيء
الشيخه غزاله ـ خيرج يا سحيره ترا هيه من كتلت مو من كيفها انما ساعدت ثائر لجان هسه ثائر اسم الله علي نايم جوه تراب هم
سحر ـ لا شيخه مقصدي
الشيخه غزاله ـ قصدج لو مو قصدج هاي سالفه لا تفتحيها بعد والا اخلي ابني يرجع يربيج من جديد
ام سحر ـ لا شيخه مقصدها واذا زعلت البنيه خل تمسحها بوجهي و سحر مثل اختها ان شاءالله
الشيخه غزاله ـ ريحانه كولي لغيث يخابر خاله وئام يجي يرجعنا للبيت ويرجع زوجات اعمام كل وحده لبيتها وانتم اخذوا راحتكم
ريحانه ـ ان شاءالله
هبةالله ـ فدوة شيخه خل ابقى هنا يم لبوه عليج الله شيخه
شيخه غزاله ـ بس بالليل خلي غيث يرجعج للبيت ترا ابوج ميرضه تباتين
هبة الله ـ ان شاءالله احبج هواية
اشوية كلهم راحوا واني بقيت افكر بكلام سحر اجتي بيبتي كعدت يمي تمددت وخليت راسي على رجلها وبجيت
ـ بيبي صدك اني قاتله مثلهم والله بهذاك اليوم مجان قصدي بس صارت
ـ لا يا حبيبة بيبيتج انتي ويالي سويتي دفاع عن نفس ولا تنسين انتي خلصتي حياة انسان مؤمن من الموت
ـ اه بيبي اه
ـ سلامتج من اه ياروحي كولي يالله
ـ يالله
ريحانه ـ كعدي تغذي ترا احنه تغذينه بس انتي جنتي نايمه ماردت اكعدج
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
