رواية لبوة ثائر
للكاتبة M. A. M
بارت 20
ترا الدمعات من تطيح بيهن حوبة يم الله
༺༽لبوه༼༻
بليل جنه كاعدين كلنا و ناكل من حلويات يالي جابهم بابا و نباوع على مسلسل اذكرت سالفة ثائر علمود السبت ارجع لانو اثنين راح يلتحق
ـ بابا
ـ ها بنيتي
ـ بابا ثائر يريدني ارجع يوم السبت
ـ ليش شكو مو على اساس تبقين للاحد
ـ اي بس هو راح يلتحق يوم الاثنين
ام علي ـ يا خطيه... اذا هيج من باجر رجعها عود من يلتحق جيبها تبقى يمنه
علي ـ يمه شنو سالفه
ام علي ـ اي غير تروح تحضر جنطة رجلها اغراضه تشوفه محتاج شيء ما محتاج الله يدري اشوكت يرجع بعد
لبوه ـ بيبي لا تكولين هيج فدوه
ام علي ـ لعد شكلج هو شغله هيج ماتعرفين جيته من رجعته
نازك ـ علي كلام امك صحيح اخذها باجر هو من يروح ترجع هيه يمنه تبقى اشكم يوم
علي ـ لعد باجر العصر اخذها خطيه البنات هنا باقين علمودها
نرجس ـ لا عمو عادي هو الخميس اخويه وليد جاي علمود يرجعنه نلحك نشوفها مرة لخ
علي ـ اذا هيج باجر العصر اخذج
خلصت كعدتنا من خلص المسلسل بيبي راحت تنام بغرفتها و بابا و ماما هم كاموا احنه هم طفينه تلفزيون و صعدنه فوك على غرفتي فرشنه النا بالكاع لانو تخت بس مالت شخص واحد تمددنا و خابرلي ثائر رحت كعدت يم الشباك و رديت
ـ الو
ـ نمتي
ـ لا هستوني جنت راح انام و خابرت انته
ـ اي و ينطيج كلبج تنامين انه صارلي ساعه اتكلب و مانمت و انتي ولا يمج
ـ اي شسوي يعني هو الواحد بليل شنو يسوي غير نوم يمكن انته الظهر نمت هوايه هسه مجاي تكدر تنام مو
بعصبيه ـ لبوه
ـ عيونها ههه
ـ نسيتيني شنو جنت رايد اكول.... ها صدك السبت اجي اخذج مو تنسين و لا طلعين سالفه جديده مال ما شعبت منهم و ماعرف شنو
يحجي و يقلد عليه ضحكت على تقليده قررت ما اكوله انو اني راجعه باجر و اسويها مفاجاه اله
ـ تمام...... زين شنو صار بالخطبه اليوم ان شاءالله تمت على خير
ـ اي الحمدلله
ـ الله يسعدهم
ـ بس انه بعدني ما مرتاح
ـ حبيبي تفائل بالخير
ـ عود اشوف هسه باي اريد اروح انام
ـ تصبح على الف خير يارب
ـ وانتي هم
سديت و رجعت لفراشي و نمت
الصبح كعدت البنات جانوا بعدهم نايمين تركتهم و نزلت واني بعدها النومه بعيوني شفت بابا كاعد هو و بيبي و ماما كاعدين يتريكون كعدت يم بابا و خليت راسي على جتفه مثل قبل لا اتزوج
علي ـ شكو بنيتي
ـ ماكو شيء بس مشتاگه لنومه على جتفك
ام علي ـ دكومي اغسلي وجهج و تعالي اكعدي ويانه
علي ـ عوفيها يمه مادام مرتاحه هيج
ـ يمه فديتك الله يحفظك الي يا رب
شلت راسي من جتفه رحت بست ماما من خدها و رحت غسلت وجهي و رجعت حضنت بيبي
ـ لا عبالج ناسيتج
ـ لج وخري من يمي كسرتي شكو عظام باقيه بجسمي اخ اخ يمه
ـ زعلت يعني انتي متحبيني بعد
ـ لج والله احبج هو منو الي غيرج يا المخبله اكص ايدي اذا مخبلتي الولد وياج
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
