اكـو يحچون من الصُبح للـ اليل وحرام ان چان تفهم شِـنهو يحچون واكو ساكت وحلگـة مخيّط خياط وحچية شگد حلو بـ نضرات العيون .
لــ عبد الحسين الحلفي 💙
🌿لبوه 🌿
بليل كاعدين كلنا بعد العشاء بابا يباوع على اخبار وبيبي تباوع ويا بس حرام اذا تفهم شيء كل ساعة تسال بابا و ماما بعد ما صار شحن موبايل ١٠٠ كعدت تحفظ بي ارقام خالاتي و خوالي بعد مخلصت خابرت على وحده من خالتي وشرحت كل شيء صار ويانه هاي فترة اما اني جنت كاعده اباوع على مفتاح يالي بيدي و سوالف بيبيتي يالي تموت حضك صارت الساعه ١١ بابا و ماما راحُ لغرفتهم و اني رحت انام ويا بيبي لانو غرفة فوك منظفتها لانو تعبت اول مدخلت كالت بيبي ـ وين مفتاح كتلها ـ هاي كالت ـ يله تعالي نامي
اني جنت تعبانه ومالي خلك اناقشها خليت مفتاح ونمت وصدك حلمت بس على حظي الحلو شفت ابو عيون صقر عيونه تخوف و هو يسحبني من ايدي و اعيط واكول اتركني عوفني والله اكتلك هل مرة عوفني لك فزيت باوعت بيبي نايمه طلعت مفتاح وخليتها جوه راس بيبي بلكتي تشوف جدي و تعوفني رجعت كملت نومي
مر اسبوع و احنه بهذا البيت بابا مرات يروح عدهم ويكعد ويا شيخ.... يوم اربعاء اجه ابنهم وئام وكال باجر تعالوا مسوين ثواب على روح الشهيد كله بابا ان شاءالله نجي
بليل حضرت ملابسي يالي اروح بيها لازم البس اسود مثلهم لانو ماما كالت نروح ساعه ٦ نساعدهم بالطبخ طلعت فستان اذكر اشتريتها على عرس ابن خالي بس حرامات طلعنا من موصل يعني مارح اشوف عرسهم صح اسود بس كلش حلو اني احب لون اسود اموت علي او اكثر شيء احبه بالفستان انو يكون ضيك من فوك و كلوش من جوه
🔔هذا فستان لبوتنه 😅
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ويها شال اسود اما حذاء لا تسالون عنها لانو كلهم بقوا بله موصل وطلعت بشحاطه ورديه ام وردة حمره تك موجود و تك مفقود من حرب ايران ههه منتظره ماما تاخذني للسوك حتى اشتري كلما اكللها تكول تعبانه او مالي خلك مثل كل ام عراقيه الصبح كعدت و جهزت روحي نزلت شفت ماما او بيبي كاعدين يشربون جاي و بابا يرش الحديقه
