رواية:- لبوة ثائر
للكاتبة M.A.M
البارت التاسع
هم حطت كحل بعيونها الحلوات
وهنه بلا كحل بلشوف چتالات
༺༽لبوه ༼༻
بعد مرجعت من دوام بدلت و نمت و نسيت سالفة اوس كلت من يجي أبويه اكله نمت و محسيت غير امي تكعد بيه
ـ لبوه ولج يمه لبوه كعدي
فتحت عين وحده وكلت ـ ها يوم شكو والله تعبانه من وكفه اليوم
ـ لج كومي غيث هنا يسال عليج
ـ ماما يا غيث هذا غيث عنده دوام ببغداد شيجيبه من هناك لهنا
ـ ولج كعدي و شوفي
من شفت ماما تلح كعدت بسرعه
ـ ماما غيث غيث من صدك هو مو عده دوام
ـ اي منطيهم عطله و جاي هنا
ـ وينه هسه
ـ كاعد ويا بيبيتج
خليت شال على راسي و نزلت طبعا غيث اعتبره مثل اخوية الصغير.. مانسى وكفته ويانه نزلت بسرعه صوته يحجي ويا بيبي و يضحك على سوالفها دخلت القيت تحيه مثل مايسون
ضحك كال ـ هاي شني
ـ الحمدلله على سلامتك شوكت رجعت
ـ قبل اشوية وصلت و اجيت اسلم عليج
ـ الله يسلمك شلونه دوام
ـ زين الحمدلله..... لبوه تعالي ويايه نروح نسوي مفاجأة لامي
ـ يا عزا بعدك مشايفها
ـ لا والله
ـ دمشي خل نروح هسه اكيد تفرح لو اشوف نجمتكم شلون صايره تخبل
طبعا احنه فتحنه باب ورا البيت نعبر منها لبيتهم حتى مو كلساع كدام العالم نروح و نجي لا فتحنه باب احسن رحنه اني ويا كتله
ـ شفتها
هو عرف بسرعه شنو اقصد كال ـ اي اول وحده كلت قبل لا احد ينتبه
ـ اي خطيه كل يوم تكعد تبجي خايفه كلش عليك الله يحفظكم لبعض
باوع انت ضل هنا واني اروح اجيبهم الك
ركضت بسرعه دخلت من باب مطبخ و ناديت على ريحانه
ـ ريحانه ريحانه عمه ام عمار وينج
ام عمار ـ بنيتي لبوه تعالي دخلي... خايبه ماكو احد تعاي
رحت دخلت شفتهم كاعدين و ريحانه منيمه نجمه فدوه لكلبها بحضنها و كاعده اخذتها من ايدها وهيه تباوع مستغربه تباوعلي
ـ لبوه شكو
ـ ريحانه مو وكت الحجي تعالي كومي يله عمه
ـ هسه غير نعرف وين
ـ هسه تعرفين
اخذتهم قبل لا نوصل نص طريق طلع غيث من ورا حايط و صاح يمه... اباوع على ريحانه جمدت بمكانه و عمه تبجي ذب الجنطه من جتفه واجا حضنهم ريحانه تحضن و تبوس بي من كل مكان و عمه كذلك وهو لازمهم حيل دمعت عيوني من شفتهم وخر كال
ـ يمه وينها نجمتي
ـ نايمه جوه يابعد امك
راح ركض يشوف اخته اني سلمت و طلعت كلت اتركهم براحتهم
دخلت لغرفتي شفت موبايل يهتز شلتها شفتها هبةالله دازتلي
ـ لبوه وصل وصل
لبوه صاير يخبل
لبوه اخاف البنات يلتمون علي واني اطلع من عرس بدون اكل
لبوه
لبوه
وينج
من تشوفين رسائل ردي اي
أنت تقرأ
لبوة ثائر
Mystery / Thrillerفتاة تهرب من بين يد الارهاب﴿داعش﴾ لتقع بين ايدي ﴿رجال عشائر﴾ وتكون اسيره لعادات وتقاليد لا علاقة لها بها #لبوه..........
