أنا نهاية قصتك (باللهجة الجزائرية)

♡ بارت 41 ♡

[ نيرة ]

حتى نسمعو واحد صفق بيديه عند الباب ، درنا كامل خزرنا فالباب باش نشوفو شكون هذا ، حتى لقيناه سعيد واقف ويتبسم ..

سعيد : اياا نتوما خلاصت دالتكم ..

خزرت فيه مستغربة وش راهو يقول ؟! خزرت في نضال لقيتو يتبسم ..
حتى نشوف سعيد يمشي من جهة مارية ، غير لحق عندها خزر فيها وعينيه يلمعو وتبسم ، جبد باطة من جيبو وركع عندها à jenou .. درت يديا على فمي وعينيا تعمرو بالدموع وانا نخزر فيهم في اكثر منظر كيوت فالعالم !

[ مارية ]

حسيت قلبي تزلزل وهو راكع عندي وفاتح الباطة لي كان فيها خاتم ويخزر فيا بكل حب ، حسيتو رفدني وحطني في عالم وحدوخر فيه غير انا وهو ، حاسة روحي جزت السعادة ، نحس باحساس وحدوخر كثر من الفرحة وكثر من اي حاجة فهاذ الدنيا .. واقيل هذا هو الحب ..
فيقني من تخمامي كي بدا يهدر بوااحد الصوت يا ربي رايحة نطيح ..

سعيد : مارية .. غلطت معاك علابالي وجرحتك ، بصح والله ماقصدتها الهدرة هاذيك قاع ، ندمت بزاف مور لي رحتي .. مارية انا نحبك ، وحق ربي غير نحبك ، دخلتي حياتي مامبا يامات قدرتي تبدلي بزاف صوالح في قلبي ، نتي اول وحدة اهتميت بيها وحبيتها تاع الصح وحايب نكمل معاها حياتي .. مارية تقبلي تتزوجي بيا ؟

طاحو دموعي وبقيت نبكي بالشهقة ، حطيت يد على فمي ويد على كتفو وحبطت للمستوى تاعو باسك حاسة روحي رايحة نطيح ومشي قادرة نحكم روحي ..

مارية (تبسمت معاه من قلبي) : قابلة سعيد قابلة

وانطلقو كامل يزغرتو ويصفقو ويصفرو .. ناض سعيد وقف خزر فيا وتبسم وااحد التبسيمة ياا الله قلبي ذاب معاها .. قربلي ودارلي وجهي بين يديه وباسلي جبهتي ، غلقت عينيا وتبسمت .. دنا عليا وخزر في نضال ونيرة ..

سعيد : ايا خلاص بزاف عليكم ، دوك دالتنا .. (خزر فيا) هايا مارية

مارية : وين ؟ وشنو دالتنا ؟

جبدني من يدي ، لحقنا وين كانو واقفين نضال ونيرة ، ضحك معاهم سعيد وهوما دناو شوية ووقفنا حنا في بلاصتهم ..

مارية (حشمانة) : وش راك دير ؟

سعيد : اسمعي ، هاذيا خطبتنا حنا تان ، درناهالك مفاجأة ، غير نيرة ونتي لي ماعلابالكمش .. شوفي هامليك يما وخياتي ، قلتلهم منذا زمان بلي حايب نخطبك وغير جاتنا الفكرة انا ونضال باش نديرو خطبة مشتركة بيسك نتي ونيرة خيات قلتلهم بلي رايح ندير مفاجأة لمارية مالا جاو لهنا على اساس فاميلة خالتي صليحة ..

دورت راسي خزرت في يماه وخياتو ، تبسمولي ، خااه من قبيل برك سلمت عليهم ومارديتش البال كامل باسك انا مانعرفش فاميلة طاطا صليحة اصلا .. رحت عندهم عاودت سلمت عليهم وانا نذوب بالحشومة ..