أنا نهاية قصتك (باللهجة الجزائرية)

♡ بارت 29 ♡

"اعلم ان هذا الوقت سيمُر ، لكنه يمُر بطيئا ، يمر بكامل ثقله على قلبي ، ويسرق من أيامي الكثير"

◇•◇•◇•◇•◇•◇•◇•◇•◇

لورا : اسمعو لازم نجوز للسبيطار باسك اليوم تكمل العطلة ديالي ، لازم نجيب البروغرام تاعي ..

حنا : اوك ..

رحنا للسبيطار وين تخدم لورا ..

لينة : نيرة ماشي قلتي حايبة تقراي طب ولا هندسة ، هايا ندخلو مع لورا للسبيطار تشوفي الحالة كيفاش ..

نيرة : ايه فكرة مليحة ..

دخلنا كامل للسبيطار .. راحت لورا تهدر مع الشاف تاعهم ، وحنا بقينا ندورو لتم ونشوفو .. غيروني الطبة لتم يدورو بليبلوز تاعهم وكامل ..

وانا ندور لتم جاز عليا واحد .. خزرنا فيه انا ومارية .. حسيت قلبي طاح ..
بقا يخزر فينا ووجهو كحاال من الشوك .. يعني واش هي نسبة اننا نتلاقاو بيه في بلاد وحدخرا فهاذ الدقيقة وهاذ الثانية بالذات !

نيرة : بهاء ؟

جا لعندنا ، خمس معانا وبقا يخزر فينا برك مشوكي ..

بهاء : وش راكم ديرو لهنا ؟

نيرة : قصة طويلة .. نتا وش راك دير لهنا ؟ وزيد فالسبيطار ؟

بهاء : راني ستاج ، الشركة تاعنا بعثتنا لهنا باش نحضرو مؤتمر ، ومرضت شوية كي كليت الماكلة تاع الاوتيل مالا جيت نشوف وش بيا ..

نيرة : ااه صحا .. وصافا خي راك مليح ؟

بهاء : الحمد لله ، انطوكسيكاسيون برك ..

بقينا نخزرو فبعضنا .. ماعرفناش وش نقولو ..

بهاء : هاذو خياتك نيرة ؟

نيرة : ايه ..

بهاء (تبسم) : فرحتلك لي تلاقيتيهم ..

تبسمت معاه برك ..

نيرة : نقدر نطلب منك حاجة ؟

بهاء : ايه ..

نيرة : ماتقول لحتى واحد بلي شفتنا لهنا فلالمان تعيش خو ..

بهاء : ايه كيما تحبي ..

نيرة : اييه .. حنا لازم نروحو ، اتهلا في روحك ..

بهاء : مام نتوما اتهلاو في رواحكم ..

جا رايح ، عاودت حبستو ، جبدتو من تريكو ديالو ، خزر فيا .. بقيت نخزر فيه حشمانة ..

نيرة : وش راهي طاطا صليحة ورنا وعمي مختار ؟

بهاء (تنهد) : لاباس ..

تبسمت معاه بوجيعة في قلبي تحرق فيا .. خزر فيا وزاد تنهد ، دار يديه في جيوبو وراح .. بقيت نخزر فيه برك ، توحشتهم كاملين ، توحشت ياماتنا ، كيفاش كنا نضحكو ، نتمسخرو ، نطيبو ، نداوسو .. توحشت كلش ، شغل فاميلتي وبعدت عليهم .. حايبة برك نعاود نعنق طاطا ، رنا ، نتمهبل مع بهاء ونضحك عليه ، نحشمو كي نجبدلو على اصالة ..