أنا نهاية قصتك (باللهجة الجزائرية)

♡ بارت 8 ♡

"... فضحكوا ايضا ، ولكن بلا روح ..."

◇•◇•◇•◇•◇•◇•◇•◇

[ نضال ]

كنت قاعد فبيتي نكونيكتي .. حتى جزت على وحد التصويرة تاع طفلة شعرها كحل وعينيها زروقا ، حتى جاتني في بالي نيرة .. يخاااه راني حافظ اسمها !! بقيت نتفكر فيها وكيفاش غطيتلها شعرها وتفكرت بلي كي سقسيتها اذا راها مليحة قاتلي لالا !! هذا وين جاتني في بالي .. زعما علاش قاتلي ليا لالا وليما قاتلها ايه !!

انا هكاك ، حتى نسمع العياط .. تخلعت ، نضت نجري للباكون ، لقيتها هي تعيط وصوتها يرعش وباينة بلي راها خايفة ، حتى نشوف يونس جبدها .. قلبي بدا يخبط ولحمي شوك !!

مفقتش بروحي كيفاش قلعت نجري لعند يما وانا عقلي كامل عندها ..

نضال (نعيط) : يماااااا يمااااااااا يمااااا

خرجت يما من الكوزينة مخلوعة وخايفة ..

يما : وشنو ؟؟ وش كاين ؟؟

رنا (جات وراها) : وش بيييك !!

نضال : يمااا !! الطفلة مرت يونس ، راها تعيط وتقول سلكوني ..

يما وجهها كحال وحسيت السكر حبطلها ..

يما : رنا ، ازربي جيبيلي قشي

قلعت رنا تجري جابت قش يما .. وهي لبساتو لتم خف خف ورحنا نجريو لدارهم ..

دقدقنا ..
حتى فتحت وحدة من بنات احمد ..
دخلنا انا ويما نجريو كي المهابل ، حتى قابلتنا جميلة

جميلة : ااه صليحة ونضال !! وش راكم ؟

لالا المرا هاذيا قلبها ابرد من روسيا !! منيتها !! الطفلة تتعذب الفوق وهي تسقسي فينا اذا رانا ملاح !!

يما : وش بيها نيرة ؟

جميلة : ما بيها والو .. راها مع راجلها برك

يما : بصح ...

جميلة (قاطتعها) : ما بصح ما والو ، هايا نشربو القهوة فالصالون

انا تقلقت وحبيت ندخل فجميلة هاذيا بدماغ .. لالا كي قالونا مريضة كان عندهم الحق !!
رفدت روحي ورحت نجري لفوق فالايتاجات نحوس عليها .. حتى لحقت للايتاج اللخر ، وبديت نسمع العياط تاعها .. لحقت للشمبرة لي كان فيها الضرب والعياط ، بديت ندقدق ونعيط

نضال : افتح !! يووونس !! افتح الباب !! يوونس !! يووونس !!

نيرة : نضا...اااااااااااا...نضااااااال .. تت..تتعيشش ..

غير سمعت اسمي من عندها ، رجعت نشوف كلش كحل قدامي وتعميت خلاااص .. بديت نضرب فالباب ونعاود ، مي محبتش تتفتح .. بديت نتحول لغول فذيك الدقيقة ، وانا الغضب تاعي وحدو !! نرجع وحدوخر !!

نضال (بالعياط) : افتح البااااااب ، دوووووك ، افتح الباااااب .. يا يوووونس يا *** يا الطحااان يا **** يا الكلب يا **** يا ****