DISTANT (Love Series 2)

CHAPTER 48

A/N Elise/Aubrey's Point Of View

"Ate. How can I unwrap this one" nakanguso kong tanong kasabay ng paglahad sa kanya ng simpleng regalo. Pinakita ko sa kanyang hindi ko iyon mabuksan kaya naman humingi kaagad ako ng tulong sa kanya.

"Leave me Elise" diin nyang sagot bago lumayo sakin at umupo sa silya na malapit sa veranda.

Matanda ng pitong taon sakin si Ate Thalia. Some says, hindi raw siya totoong Anak ng mga parents ko ngunit hindi ako naniniwala lalo na't isang tunay na kapatid ang turing ko sa kanya.

I was five that time. Walang muwang, walang alam at walang sapat na nalalaman sa mundo. I just want to play, play and play. Daddy was too busy. May time sakin si Mommy ngunit hindi naman ganon kadalas kaming magkasama. Sometimes, naglalaan siya ng oras na makipaglaro sakin kaya naman tumataba rin ang puso ko. Never kong naramdaman ang pagkukulang sa kanila-- maliban na lang kay Ate Thalia na palaging nakabusangot sa twing makikita ako.

"Ate please" nakanguso kong pakiusap bago sumampa sa bangko. "Ate please !" Pangungulit ko pa pero agad rin akong nagitla nang bigla na lamang ako nitong itinulak dahilan upang mag unang ulo ako sa sahig.

"I told you to stop making fun of me Elise !" Sigaw nya bago nagtatakbo papasok sa loob.

Nakaramdam ako ng pamamanhid sa ulo at kirot sa palibot nito pero naging panandalian lamang iyon. Ang mas nakapukaw sa atensyon ko ay ang sugat na umukit sa paa ko. Maliit lamang iyon pero sobra ang kirot na nararamdaman ko. "Yayaaaa !!" Hiyaw ko nang makakita ako ng dugong lumabas ron.

Hapon nang marinig ko si Mommy na sumisigaw. Tila ba binubulyawan si Ate Thalia dahil sa sugat na nakita nya sakin. I feel sorry for Ate Thalia.

She doesn't deserve this kind of treatment.

"You want to go somewhere?" Namumugto ang mata nya habang mahigpit na nakahawak sa dalawa kong braso. Nasasaktan ako sa totoo lang. Pero sa twing makikita ko si Ate Thalia na tila ba frustrated sakin ay mas naaawa ako sa kanya. "You know how much I hate you Elise. I just want you to drag outside of this house. I want you to leave our house. I want you to leave us alone" patuloy nyang sambit.

Dahil sa medyo bata pa ang isip ko ay hindi ko maintindihan lahat ng sinasabi nya.

"Where are we going?" Tanong ko habang hinihila nya ako. Maraming tao sa paligid. Maraming shop sa kung saan. Hindi pamilyar sakin ang lugar pero maraming tao ang nagkalat sa kung saan.

"I will drag you to hell" bulong nya sa sarili ngunit hindi nakatakas sa pandinig ko. Agad akong natigilan nang makita ko si Tita na may halong gulat sa mata habang tinatanaw kami ni Ate.

Dali dali siyang lumapit sakin at binuhat ako upang yakapin.

"What are you doing here Princess?" Tanong nya. Nakatanaw ako sa maraming tao kaya naman hindi ko nakikita ang itsura nya. Nang maalala ko ang sinabi ni Ate Thalia ay parang gusto kong magsumbong sa kanila.

She wants me out of our family without knowing na ako ang totoong anak.

Funny isn't it?

"She wants me to leave our house" nakanguso kong sambit.

The next thing I knew, sinampal ni Tita si Ate.

Hindi roon natapos ang lahat dahil maging sa pag uwi ni Tita ay nag sumbong ito kay Mommy.

"Alam mo namang bawal magsinungaling Anak di ba?" Mahinahong tanong sakin ni Daddy nang maiwan kami sa sala.

"I'm stating the fact Dad. Sinabi ni Ate sakin" ani ko na hindi nya na sinagot.