"Tyrell! Hindi mo ba talaga kakalabanin yun?!" Napatakip ako sa tenga ko nang biglang sumigaw si Jace sa harap ko! Nakapamewang siya at may nagsasalobong na kilay na nakatingin sa akin.
"Ano ba?! Kung gusto mo, labanan mo siya!" sagot ko. "At 'wag kang basta-basta sisigaw diyan!"
Isang linggo na ang nakalipas mula nang nangyari ang tungkol sa post ng babae na kinaiinisan ni Agatha. Mukhang ako na ngayon ang ginagago. Sa nakalipas na linggo, wala pa akong impormasyon tungkol sa debate. Sinubukan ko nang makausap si Cassandra, pero sabi niya, wala ring sinabi sa kanya! Maliban na maghintay daw ako.
Nainis tuloy ako! Tapos dinagdagan pa ako ng babaeng nagngangalang Camillie! Buwisit.
Walang araw na hindi siya nagpaparinig sa akin sa Twitter at maging sa Facebook. Nakakainis kasi! Masyado siyang agaw-pansin, hindi niya alam na naiistorbo niya ang iba. Walang manners!
"Ty! Ginagago ka na nun! Dapat ginagago mo rin!" Patuloy pa rin ang pagsisigaw ni Jace sa akin.
Pwede bang bigyan niyo ako ng ilang araw ng kapayapaan? Di ba nila nakikita na wala akong pakialam sa ginagawa ng babaeng yun? Bakit di nila ako puwedeng hayaan na makaramdam ng kapayapaan?!
Nandito na ako ngayon sa room, tapos na ang lunch time namin at wala man lang pumasok na teacher. Nabo-bored na ako.
"Tyrell Lex Reyes! Naghahanap siya ng away! 'Wag kang magpapatalo!"
Napapabuntong-hininga ako. "Jace De Lapaz! Kanina ka pa! Sabi ko nang ayaw ko ng sakit ng ulo! Hayaan mo na yung babaeng yun!"
"Tyrell, trending na ang away niyo sa Twitter! Kunin mo ang phone mo at labanan ang tama!"
Napairap ako at kinuha ang phone ko. Gaya ng dati, pagbukas ko pa lang ng cellphone ko, sunod-sunod na notifications agad ang pumutok. Sunod-sunod din akong napasinghap.
Magla-lag ang phone ko nito!
Bumungad sa akin ang napakaraming notifications, at puro tungkol sa mga post ng babae sa akin. Isang linggo ko nang hindi pinansin ang ginagawa niya, kaya naisipan kong bisitahin ang account niya.
Cams @camilliedioson
•The meaning of beauty is me•
657 Following. 2,068 Followers
Ang icon niya ay nakabikini siya, habang ang header naman niya ay beach kung saan nakatalikod siya. Maayos ang pagkaka-edit nito.
Cams @camilliedioson
Ugly like her suit for being a trash.
Gaya ng dati, ganun pa rin ang mga tweets at replies — marami pa rin. May mga kaklase rin akong nagreply sa post niya.
Cams @camilliedioson
Takot yata kayong malaman na pangit siya kaya hindi na lumalaban. What a pussy.
YOU ARE READING
My Ex-Boyfriend Is My Professor (New Version)
RomanceTyrell, an architecture students struggles to move on from past that hurt and hunt her but still deeply missed. Just as she try to forget, fate unexpectedly brings the person back into her life-Draven, her first love and forcing them to confront unr...
