#حلمي
__________________
الحلقه الثالثة والعشرون
_____________________________
كتابة : BOSHRA HADIA
حلا : هاجر تضحك ! .. واخيراً ياربي ❤️ .. لكن من يلي معاها وخلاها تضحك ؟
حلا : السلام عليكم
ايمن : وعليكم السلام
حلا : طلعت انت ايمن !
ايمن : اي انا من تحسابيني 😂؟
حلا : مش عارفه قلت مرات تعرفت على واحد اجنبي 😂
هاجر : من امتى انا نتعرف على الاجانب 😂؟
حلا : وين نعلم بيك انا 😂😂! .. عموماً هاك هدا عصير خديتهولك من الكافيه ، وتفضل ايمن حتى انت خود هذا
مهند : وانا مانحصلش ؟
حلا شافت فيه بتوتر : تو ناخدلك .. وجت بتمشي
مهند شدها مع يدها : غير قعمزي نبصرو مانبيش
حلا فكت يده منها : هي شنو هاجر تخشي ؟
هاجر : مازال نص ساعه على الموعد !
حلا : نعرف لكن الجو صقع هنا
ايمن : الجو صقع ولا رومانسي ؟
حلا : وين تشوف فيها انت الرومانسيه 😂😂؟
مهند : هدا مأثرات عليه الافلام 😂
حلا : شكله وربي 😂😂
مهند : مش ملاحظه انك ستانستي بالضحكة معاي ؟
حلا : مافيش منها الدوة هادي ، ضحكت عفوياً بس ، ماتخليش تفكيرك يمشي لِـ بعيد ولا تحسابني ميته على الضحكة معاك
مهند : من وين حصلتيه اللسان هدا يا فرخة 😂؟
حلا : ماتقوليش فرخة
مهند : به فرختي 😂😂
حلا : مصح وجهك شن تحساب روحك انت ؟
مهند : بصارة ره قلتها عفوياً ماتخليش تفكيرك يمشي لِـ بعيد ولا تحسابيني ميت عليك ونبي ندلعك
حلا : تعاود فِـ كلامي .. قققققق
ايمن : تبو نسكافيه وارقيله لان حسيتكم بديتو تنسجمو فِـ الهدرزة 😊
هاجر : حشم حالك النسكافيه مايخدوش معاه فِـ ارقيله 🤦🏻♀️😂
ايمن : 😂😂😂😂😂
مهند : قويه نسكافيه وارقيله 😂
عهد ؛ تشوف مع الروشن في حلا وهاجر كيف يضحكو ومعاهم مهند وايمن
عهد : ماشالله ايمن ومهند معاهم !
سند : مع مني ؟
عهد : ءاءاا قصدي جو معانا كويسين ماشالله عليهم
سند : اي بارك الله فيهم الحق .. تتذكري زمان كانو يقرو معانا ؟
عهد : اكيد نتذكر فيهم ، قرو معانا من الصف اول ابتدائي
سند : اي .. حلا خيرها طولت هي وهاجر ؟
عهد : ءاا اكيده عجبهم الجو برا وهدرزو
سند : الجو مصقع تو هاجر تحصل بردة ومرات مايصيرش من الكشف .. اتصلي بِـ حلا وقوليلهم تعالو
عهد : اي تو نتصل بيها .. واتصلت
حلا : عهد تتصل ! .. وردت
عهد : هي خشو سند يبيكم
حلا : علاش ؟
عهد : خشي تو تعرفي
حلا : تمام .. وسكرت
هاجر : شن قالت ؟
حلا : قالت سند يبينا .. هي تعالي نخشو
هاجر : هي .. وخشو
مهند : شن هدرزتو انت وهاجر امبكري ؟ .. ولا تحبها؟
ايمن : عنجد تفكيرك المسوس !.. شني نحبها خيرك انت
مهند : امبكري مش عارف قبل ماتجيكم حلا حسيت ان في بيناتكم حاجه
ايمن :ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ، امتى حلي نعرفها انا باش تكون فيه بيناتنا حاجه ؟
مهند : نقص من ضحكتك به 😂😂
ايمن : الحسد الحسد
مهند : هي بلا تفاها تعالى نشوفو سند اكيد قاعد بروحه
ايمن : اي صح هي نمشوله تو يقول جايين معاي على الفاضي
مهند : لا جايين معاه على المعبي 😂😂
ايمن : 😂😂
أنت تقرأ
حلمي
General Fictionقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
