#حلمي
___________
الحلقه الرابعه والعشرون
_______________________
كتابة : BOSHRA HADIA
معاذ : خيرك مستفز ؟
جمال : نحس فيه مش طبيعي هذا
معاذ : فوته توا لأني مش طايق نسمع عليه كلام
جمال : دراه وربي ، المهم حجزت حتى انا معاك
معاذ : احسن شي ، ع الاقل خالد يقعد مع العيله هنايا واني نمشي غادي
جمال : اي هكي احسن ، شني ماكلمتش حد من غادي وماقلتلهمش بتجي ؟
معاذ : مازال ماقلتش حتى للي هنايا
جمال : باهي هيا نطلعك تمشي لِ عيلتك وتخبرهم وتجهز روحك !
معاذ : مايخلونيش نطلع
جمال : انت شني صحتك تقدر تنقز ؟
معاذ : كيفف ؟؟
جمال : يعني انا بنهربك وضروري تنقز مع الروشن
معاذ : مانقدرش ماهو رجلي جايه عليها ضربه
جمال : باهي استنى تو ندور طريقه كويسه انطلعك بيها
معاذ رقد ع السرير بتعب : بعدما تفكر خبرني ع طول
جمال ؛ شاف فيه وضحك
______________________
كتابة : BOSHRA HADIA
اميمة : تعرفي مش مصدقه ل توا
ميسم : الله غالب حبيبتي ربي يرحمه و انشاء الله ربي يعوضك خير
اميمة : امين
هنية تنهدت : ياحسرتي انا قلبي مش مطمن من ناحيه اختكم هاجر يلي ماشيه !
ميسم : حتى انا مستغربة ماحدش قاللها اقعدي !
هنية : هادي يلي محيرتني ان مافيش حد من خوتها ناقشها وقاللها اقعدي ؟
ميسم : خالد بس يلي يعلم ، معاذ ماعنداش العلم
هنية : اكيدة بعدما يعرف يهزب ويقول علاش مخليينها تمشي
ميسم : عادي يهزب ويسكت ، اهم شي غيرت جوها 😂
هنية : ربي يستر ان شاء الله ، ترا اتصلي بيها نشوفوها !
نورس : السلام عليكم
كلهم : وعليكم السلام
نورس : معقولة معاذ يطلع وماتقولوليش ؟
هنية : كيف !
نورس : انا خاشه لقيته قدام الباب سلم عليا ، كان قلتولي بيطلع اليوم راهو اقل شي اجلتها الطلعه وقعدت
هنية : قصدك معاذ روح !
نورس : كيف حتى انتي ماتعلميش ولا شني 😂؟
ميسم : تدوي بالرسمي ولا تبصري يا نورس !
نورس : لو مش متأكدة اطلعي شوفيه
ميسم : حي معناها تدوي بجديات .. وطلعت جري
معاذ : اي غ.. (وشاف ميسم جايه جيهته وتجري)
ميسم : معا... (وشافت معاه جمال خشت جري وهي تندب ع راسها من الحشمة 😂)
معاذ : ءءااا
جمال شاد ضحكته : خلاص معناها غدوا الصبح نتلاقو (ومعش قدر يسكت 😂) .. هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
معاذ : عنشكلك ماتحسابكش انت يلي معاي 😂
جمال : عادي عادي حصل خير ، هي تصبح توا
معاذ : تلاقي الخير
______________________
كتابة : BOSHRA HADIA
محمد يتكلم بالهاتف : مانبيشي يمشي ضروري تعطلوله المشيه ديرو اي سبله ولا اجلوا الرحله للأسبوع الجاي
مجهول : تمام ، نحاول كان قدرت
محمد : نبيك اطمني وتقولي ماصارش !
مجهول : عطيني ربع ساعه ونرد عليك
محمد : نستنى فيك .. (وسكر الخط)
محمد ؛ رقد ع سريره وهوا يفكر داخله ... ضروري تتعطل مشيته اقل شيء لعندما انا نحجز ونمشي قبله، لان مانبيش نخلي عهد معاه والساحه تفضاله وياخد راحته الحقير، والمشكله ان عهد مانوثقش فيها لأنها اديرهاااا وتخوني معاه، واصلا انا ملاحظها من قبل تميلله وديما تهدرز معاه لما يجيها هوا يدحنس! وخصوصا يوم الخطوبة خاطري نعرف شن قالتله وليش هوا طول ويتكلم معاها ؟ ..... اخخخخخخخخ ياعهد انتي ماتعرفيش قداش انا نحبك لاكن انتي مش مدورتيني ولا عاطيتيني حتى وجه 💔! ... لكن وربي انك ليا ومش لغيري ، وحناخدك مهما صار في الدنيا
أنت تقرأ
حلمي
Ficción Generalقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
