حلمي

الحلقه 3

#حلمي
__________________

الحلقه الثالثة
_____________________________
BOSHRA HADIA

على خشت وِداد وامها

نضنا سلمنا عليهم وقعمزو وقعدنا نهدرزو وورينالهم شن خدينا
وِداد : 😩😭😭
اني : خيركك؟!
وِداد : قلبي الصغير لا يتحمل شن الوان الطوافر هادي 😭😭😂
كلنا : 😂😂😂😂
اني : جبتلك حاجة متأكده ح تعجبك ❤️
وِداد : شن هـي!
اني طلعتلها زمالطوات واحد لونه بُرتقالي وواحد لونه اسود
اني : 😂 شن رايك ؟
وِداد : الله محلاه الاسود .. لكن شني اللون البرتقالي هذا كأنك جايبتيه لبنقلاديشي !
اني : الحق في اللي يجيبلك
وِداد : نبصر مش عاديات ❤️

خش سند بالصدفة ما يحسابش عندنا وِداد وامها
خش وبسرعه طلع تحشم 😂😂

قعدنا كلنا نضحكو عليه 😂
سند وهوا ورا الباب : عهد تعالي
اني : هي جاية
سند : بسرعه الحقيني في الجنان نبيك
اني : هي شوية تو نلحقك

(نسيت نقوللكم ان سند خو عهد التؤم يعني نفس العمر هوا وياها)

اني طلعتله : ها شن في
سند : بالله عليك ما تقوليش لا
اني : شني !
سند : كلميلي وِداد وقوليلها سند معجب فيك عادي يكلمك 😔😂!
اني : مصح وجهك 😂
سند : بالله عهد 💔
اني : باهي من امتى تحبها 😂
سند : مشعارف كل ما نشوفها نحس في قلبي بيطير من مكانه
اني : خلاص تو نشبحها ونقولك .. لكن مش توا خلي لين نروحو من العرس ونقولهالها على رواق
سند : تم
___________________________________

في مكان تاني وفي مدينة تانية وفي ايتراحه فيها ثلاثة شباب بس

الساعه : 12:00

معاذ : شني معش فيه تم
جمال : تم والله تو نوصي كريم قالو عنده بضاعة نظيفة
معاذ : خلاص شوفلنا منه راك تنسانا
جمال : تم
معاذ : واااك كساد للنم مشعارف شن بيفوته
صالح : هي نفوتوه !
جمال : بشن تفوته يا حمار 😂
صالح : كل واحد يقول نُكته من عنده لين تجي الساعه ثلاثة الليل 😂
معاذ : حتى هذا رآي 😂😂
جمال : هي انت يا صالح قول
صالح : مره في واحد كريم تزوج وحدة كريمة جابو تؤم سموهم كُرماء 😂😂😂
معاذ وجمال : 😂😂😂😂
جمال : مره في واحد امكسد مشى كسد مع الكساد 😂😂😂
صالح : قويه 🤣🤣🤣
معاذ : مره في واحد ركب في حافلة وقعد يسلم ع الناس يلي في الحافلة كلهم لين جي حدا السواق وسلم عليه قاله الراجل عرفتني ! قاله السواق لالا ! قاله الراجل معقولة يا راجل نسيتني! قاله السواق لالا ما عرفتكش مني! قاله الراجل اني يلي توا شيرتلك وركبتني 🤣🤣🤣🤣
صالح وجمال : 😂😂😂😂😂
جمال : يا بطني اخخخ 😂😂
معاذ : مرة في قهوة زعلانة وتبكي جتها قهوة صحبتها قالتلها Coffee عن البكاء 😂😂

(واستمرو ع الحال هذا لين رقدو 😂😂😂)
نعرفكم بيهم معاذ هذا يكون ولد عمة عهد يلي خوه العريس مواليد 1993
والباقيين اصحابه ونفس العمر حتى هما
________________________________
كتابة : BOSHRA HADIA

عندي اني في طرابلس طبعاً روحت وِداد وامها وخشينا كُلنا كل واحد لِداره
اني كيف جيت بنرقد خطرت عليا حاجه ونضت زي المفجوعه
حلا : بسم الله خيرك
اني : تو نجيي شوية بس .. وخديت نقالي وطلعت للجنان
في حاجه ما فكرتش فيها بكل كيف ما خطرتش عليا !
كيف بنمشي وبنسيب قرايتي وهي اهم شي عندي وما عمريش غبت على الجامعه وتوا بنغيب اسبوع وقصدي حتى كان بنتصل بالدكتور توا ونقوله لكن ليل الساعه 3 !
فكرت في شي قُلت نكلم هيام البنت يلي مبكري صاحبتها ونقوللها قوليلهم غدوا لما بتمشي وتاخد هي كل شي يفوتني !
بعتلها مسج ولقيتها فاتحة نت
اني : اهلاً
هيام : اهلين عهد شن الجو!
اني : الحمدلله شن جوك انتي ؟
هيام : بخير الحمدلله
اني : اسفه ازعجتك في الليل لكن بنقولك عادي غدوا تاخديلي امر وتسمعي المعلومات يلي بيقولهم الدكتور ع الامتحان لأن محاظرة غدوا مهمة واني بنسافر وبنغيب حوالي اسبوع !
هيام : حاضر انشالله ما تشغليش بالك
اني : صحيتي هيام بجد شكراً
هيام : ولو عفواً .. وانشالله توصلي على خير
اني : انشالله .. تصبحي على خير
هيام : تلاقي الخير

وكيف جيت بنسكر النت يجيني مسج من رقم غريب مكتوب فيه :
"بِمشيتك هاذي احلامك كلها ضاعت وتو تشوفي شن ح يصيرلك"

اني : خفت شوية لكن ما عدلتش حطيته في الحظر وخشيت لداري
حلا : خيرك شن في طلعتي زي المفجوعه
اني : لا شي غير تذكرت الجامعه وبنغيب غدوا وكلمت بنت معناها
حلا : اها .. اصلاً لاحضت مبكري ما خطرتش عليك قرايتك 😂
اني : ايي نسيت ماهو .. تصبحي على خير
حلا : وانتي من اهلي
______________________________
كتابة : BOSHRA HADIA

نضت ثاني يوم بنشاط توضيت وصليت وغيرت لبستي وطلعتلهم لقيتهم واتيين تصبحت عليهم وطلعنا

يتبع ..

كتابة : BOSHRA HADIA

شن تتوقعو يصير في الحلقة الجاية ؟!
ومن من تتوقعو المسج التهديدي يلي جي لـ عهد في اليل ؟!
تفاعلو 🧡🧡🧡.