#حلمي
__________________
الحلقه الرابعه عشر
_____________________________
كتابة : BOSHRA HADIA
سند وهوا طايح : نحبك 💔💔💔
وِداد وهيا طايحة جنبه : نموت فيك 💔💔
اني : لااااااااااا ... وجيتهم بسرعه ولقيتهم غارقين بالدم
اني : سند نوض بالله عليك ماتخلينيش بروحي انت عارف شن بيصير فيا من بعدك 💔؟ لاااااا سند خليك معاي 💔💔، وِداد ليش بتمشي وتخليني 💔؟ انا من ليا بعدكم ؟ .. لااا ياربي لاااااا 💔
وفي لحظة التمو عليهم الناس والشرطه تدور في من يلي رمى عليهم الرصاص ، وبعد الناس روحو ، وعهد مش قادرة توقف من الصدمة وهيام وحلا يبكو ومش عارفات شن يديرو 💔
وفِ وسط الزحمة هادي جاء شاب وشاف فِ حلا وحلا انصدمت لكن هوا مادورهاش ، شاف النبض متاع سند ووِداد ووقف
اني : ماتقوليش ماتو 💔💔؟؟
مهند : الحمدلله لِـ حسن حظهم ربي كتبلهم عمر جديد
اني ارتحت : الحمدلله ياربي
هيام : بالله عليك اتصل بي اسعاف ولا اي حد يجي يرفعهم للمستشفى قبل ماينزفو اكتر من هكي
مهند : تو نرفعهم انا الاسعاف ماتوصلش توا اصلاً
اني : هيا بسرعه بالله عليك
مهند : معليش تعالو يا شباب ساعدوني نرفعوهم للسيارة .. ور
حلا : تشوف بِـ صدمة وساكته
هيام : كلمت عزو ولد عمي ، وقالي نراجي فيكم فِ السيارة ، بيرفعنا نلحقوهم للمستشفى
اني : لا بارك الله فيك خليه تو نتصل بي بابا
هيام : عيب يا عهد مش بيناتنا ماتشغليش بوك توا !
اني : تمام .. وركبنا مع هيام ومشينا ورا سيارة مهند للمستشفى
_______________________________________
كتابة : BOSHRA HADIA
معاذ : هاجر
هاجر : نعم ؟
معاذ : بنمشي لِـ طرابلس بعد غدوا ، قالتلي عهد جيبها معاك ؟
هاجر : اي اي بنمشي م.. استنى ؟ .. امتى عهد انك بتجيهم ؟
معاذ تلبك : ءاا انا ءاا ماهو لما كانو هنا كنا نهدرزو كلنا وانا قلت بنجي لِـ طرابلس وهي قالتلي جيب معاك هاجر فهمتي كيف ؟
هاجر بِـ عدم تصديق : اها ، اي عادي اصلاً خاطري بنمشي
معاذ : تمام معناها وتي روحك ، ومش مطولين ره فترة اسبوعين بس عشان عرس اميمة
هاجر : اي حتى انا مانبيش نطول
معاذ : نظمي امورك معناها ، هي انا طالع توا
هاجر : شوف اميمة مبكري قالتلي لما يجي معاذ نبي نوصيه ع حاجات ماهو عربها جايين اليوم
معاذ : اي صح نسيت ، تو نشوف شن ناقصكم ونجيب
هاجر : تمام
__________________________________
كتابة : BOSHRA HADIA
اني : شن صار بالله عليك ؟
مهند : بالنسبه لِـ سند الرصاصه جاته فِ كتفه مش عميقه هلبا ، والبنت حسيتها متضررة لأن جاياتها رصاصتين ، لكن ان شاء الله تنفد منها
اني : ان شاء الله يارب ، بارك الله فيك لولاك انت ماحد رفعهم ، شكراً بجد
مهند : ماتشكرينيش هذا واجبي
اني : مشع..
حلا : عهد تعالي معاي شويه .. وشافت فِ مهند وقلبت عيونها
اني : تمام هي .. عفواً ماقلتليش شن اسمك ؟
مهند : اسمي مهند
اني : عاشت الاسامي ، شويه ونجي
مهند : خودي راحتك
أنت تقرأ
حلمي
General Fictionقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
