#حلمي
__________________
الحلقه السادِسة والعِشرون
_____________________________
كتابة : BOSHRA HADIA
محمد : جاب باقة معبية ورد وفيها هدية صغيرة..... ودق ع الباب وفتحتله عهد
عهد : انت ؟؟؟
محمد : انا اي.... نبي نتكلم معاك
عهد : لا
محمد : به خودي مني الباقة!
عهد : شافت فيها..... خودها وعطيها لبنت اردنية في الشارع ودير معاها علاقة احسن من ناخدها انا وتتلوح في الكناسة
معاذ ؛ كان طالع بعدين لمح محمد واقف على عهد ويتكلم معاها وقرر انه يسمع حديثهم
عهد : اسمعني كويس.... مش كان انت خطيبي معناها تبي اديري جو تجيبلي هدايا ونبي نحكي معاك وكل مرة جايني في موضوع!!
لااا مايمشيش معاي الجو هذا ومعاك انت بالذات لأن معروفه شن الغرض من هذا الزواج! ف ماتعيشش الدور وتفرح قلبك وتقول في عقلك ان انا عاجبني الجو!! بمجرد مانحس انك بديت تنسجم معاي... نردك لنقطة البداية ونهدملك كل شيء
محمد ؛ لوح الباقة وشد عهد مع يدها
محمد يتكلم بعصبيه : ومش كان سكتتلك مرة ومرتين معناها اديري يلي في راسك وكلمتك تمشيها عليا.... تستغلي الحب يلي نعطيلك فيه واديري كل شيء تبيه وتحرقيلي دمي!!
انتي عارفة انك نقطة ضعفي؟؟
عهد ؛ حولت يده من عليها وضحكت
عهد : اصلاً انا عايشة باش نحرقلك دمك
محم؛ ضربها كف
عهد ويدها على خدها : بتطلع توا وتقلب وجهك من عليا ولانخش انادي على بابا
معاذ ؛ انصدم من الكلام يلي سمعه وقبل بيطلع يعطي محمد طريحه مليحة، لاكن بعدين تذكر انه ماليشي دخل بيهم وخش
محمد : وشن بتقوليله بوك؟.... محمد جايني في الليل؟؟.... مش حيصدقك وانا حنقوله هيا نادتني
عهد : اوقح منك عيني ماشافت.... انت ولد عم؟ولاعدو؟.... ليش ادير فيا هكي؟؟؟..... انا كنت طول عمري كويسه ولاعمري جرحت حد ولا عمره اي حد بكى بسببي!.... كنت انسانة كويسه وفي حالي ديما نتمنى من ربي يبعتلي الشخص يلي يحبه قلبي ويكون هوا قد هالحب..... وبسرعه ربي استجاب لدعائي ورزقني بي امير❤
محمد ؛ توتر لما سمع اسم امير
عهد : لاكن بسرعه ما خداته الموت مني💔..... وعلى طول خشيت في حياتي انت ودمرتها ليا💔
محمد : اسف ياعهد ماكانش عندي حل تاني.... نوعدك اني حنسعدك بعدين وحنعوضك على كل دمعه حزن نزلت من عينك
عهد ضحكت بي هزوة : تمام تو نشوفوا ...... وخشت
_______________________
كتابة : BOSHRA HADIA
حلا : كيفف؟؟
يوسف : زي ماسمعتي غدوا بتروحي.... اصلاً العطله تمت والمدرسة ليها حوالي اسبوعين فاتحه وانتي مادة وجهك هنا
حلا : من بيروح معاي به؟
يوسف : انتي وسند ومحمد
حلا ؛ قبل بتتكلم وتقول مانبيش نروح بعدين تذكرت ان مهند بيروح غدوا وابتسمت
يوسف : هي نوضي ضمي شنطك لأن طيارتكم في الصبح
حلا : تمام.... وناضت
هاجر ؛ كانت مقعمزة في البلاكونة وتشرب في عصير وتستنشق في الهواء براحه.....
هاجر : اليوم انا بالذات مفروض نخلي ليلتي كلها دعاء وحمد لربي.... مش مصدقه اني بديت نتحسن وحالتي كل يوم كويسه اكتر من قبل؟
معروف خالي وصغاره ليا مستحيل ننساه.... بجد هما الكتف والسند اللي بينقال عليه❤
أنت تقرأ
حلمي
General Fictionقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
