حلمي

الحلقه 12

#حلمي
__________________

الحلقه الثاني عشر
_____________________________
كتابة : BOSHRA HADIA

وِداد : مصح وجهك انتِ وياه 😡😡
اني : خيرك 😨😨؟؟
وِداد : ءاا قصدي كيف هكي 🥺؟
اني : هذا هوا كلمني وقالي قوليلها من قبل يحبك ، ولما يشوفك قلبه يطير ومشاعره مشعارفه كيف المهم نفس شعور الحب ❤️
وِداد : يعني خوك سند الطرف يلي كنت معتبراته فارس احلامي في خيالي طلع حتى هوا يحبني 😩!!
اني : اي ياسعد حظك بِـ سند ❤️
وِداد : قوليله موافقه 😩😂.. اصلاً مفروض من دون حتى ماتسأليني قلتيله موافقه !
اني : لا عاد ضروري نسألك قبل ! .. باهي انتِ تحبيه ؟
وِداد : تبي الحق ولا بنت عمها ؟
اني : هاتي الحق
وِداد : حتى انا نحبه من طرف واحد من زمان ماقدرتش نقوله كنت خايفة يرفضني 🤧😂
اني : باهي علاش ماقلتيليش 😂؟
وِداد : قصدي مرات تقوليله .. وانا مانبيشي يعرف
اني : باهي عطيني جواب مؤكد توا !
وِداد : شني ؟
اني : موافقه تخشي معاه فِ علاقه حب ؟
وِداد : مدام حتى هوا طلع يحبني ! علاقة الحب بنخش فيها من دون ماتسألي 😌
اني : صايعه 😂
وِداد طلعت منها بالغلط : ماهو زمان حتى انتِ كنتِ تكلمي في امير 😂
اني : 💔💔💔
وِداد انتبهت لِـ كلامها : ءءاا حي عليا اسفه ماكنش قصدي
اني بنبرة حزن : لا عادي ، توا هوا في دار الحق ونحنا في دار في الباطل .. ربي يرحمه انشالله ويجمعني بيه فالجنة
وِداد : انشالله ، واسفه مرة ثانية لأن وجهك تغير
اني : خلاص انسي .. المهم توا سند جاني ، وتو نقوله انك كنتي تحبيه من طرف واحد و..
وِداد : لالااااااا
اني : علاش ؟
وِداد : مانبيشي يعرف خليه لعندما هوا يجيني ويعترفلي بروحه مش يدزلي معاك انتِ !
اني : اهاا طلع عندك عقل 😉 .. باهي لما بيسألني شن بنقوله
وِداد : قوليله هزبتني وقالتلي انا مش متاع جو العلاقات وهكي
اني : تم .. هي مع السلامة توا
وِداد : نتلاقو 👋🏼

___________________________________________
كتابة : BOSHRA HADIA

في سرت عند "اميمة"

اميمة مقعمزة في دارها وجاها مسج من معتز مكتوب فيه ( ردي نبيك ضروري )
اميمة : غريبة هذا توا ليه قريب شهر لا اتصل ، ولا دور ! وتوا يبيني نرد عليه !!
اتصلت بيه ..
اميمة : الو شن تبي
معتز : شن تبي هكي طول ! لاكيف حالك لاشي ؟
اميمة : ع اساس يهمك حالي اليوم ليا شهر كامل ما اتصلت ولا دورت بكل حتى بِـ مسج ! وتبيني اني يلي ندورك ؟
معتز : خيرك متغيرة وتحكي معاي هكي ؟
اميمة : والله تصرفاتك معاي غيرتني
معتز : كان نفهم شن مداير بس؟
اميمة : بِالله شن تبيني نفهمك ترا ؟ تي برا اسأل روحك انت كيف لا تسأل لا تتصل زي الناس ، ديما انا يلي نتصل وانا يلي نسأل ، كأنك خاطبني بالغصب !
معتز : باهي افهميني انا ضروفي ماتسمحليش اني نكلمك وانتِ 24 ساعة تتصلي وانا مش فاضيلك !
اميمة : يعني توا طلع الغلط مني انا ؟ .. يعني اهتمامي وحبي ليك كان غلط!
معتز : مش غلط بس انا مانحبش البنت يلي اهتمامها يكون زايد
اميمة : تمام خلاص ، من اليوم تو مازال تشبح حتى ربع اهتمام مني بكل وح نتغير صدقني
معتز : ياريت تتغير بس للأحسن
اميمة : هه .. المهم علاش متصل شنو الشيء الضروري يلي شاغلك وخلاك تتصل بيا !
معتز : اي صح بنقولك ان العرس قريب يعني احتمال بعد شهرين بس .. جهزي روحك !
اميمة : تمام
معتز : توا نستأذنك بنسكر عندي ماندير
اميمة : لاعادي خود راحتك حتى انا مش فاضيتلك