#حلمي
__________________
الحلقه الرابعه وثلاثون
الجزء الثاني
_____________________________
للكاتبه : BOSHRA HADIA
🔥بشرى ادريس هدية🔥
ايمن : جايات لجهة استراحات الفرخات!
زعما شن بيديروا؟؟
اكيدة شيء خطير...كنت عارف اني من قبل ضروري نكشفهم اليوم
نهى : تسوق بحذر عشان محمد مايشوفهاش...خايفه يضيع مني
هاجر : لا مايريحش تو اني نركز عليه انتي الهي في السواقة
عهد : حطت يدها ع خدها بتوتر...كل يلي نبي نعرفه شن قالو هما الاثنين!!
هاجر : وقفي وقفي...محمد بيلود سيارته مع الشارع الرئيسي
نهى : وقفت سيارتها...الباين انهم تكلموا وخلاص محمد مروح
عهد : به روحي بينا للحوش وخلاص نحنا مش حنعرفوا شيء هكي
هاجر : توا مشى هيا حركي سيارتك خلينا نلحقوه
نهى : لبست نظاراتها...يالله وراه وراه
ايمن : شكلي ضيعت وقتي ع الفاضي
البنات كملوا طريقهم وماشيات عادي غير انا يلي تفكيري مسوس، خلنروح بالله عندي ماندير مش فاضيلهم...ولود سيارته ورد مع طريقه
جهاد : لاااااا لااااا لااا تي كيف درت هكي!!
محمد : مالقيتش حل تاني
جهاد : النممم قتلته؟؟...توا ماعندكش وين هارب اكيدة الاستراحه فيها كاميرات وصوروك
محمد : ماتخافش الاستراحه طلعت قطعة ارض وعليها صور بس مافيهاش شيء يتركب عليه كاميرا
جهاد : حط يده ع رأسه...اسمعني من اليوم لانعرفك لاتعرفني يامحمد خلاااصص...وسكر في وجهه
محمد ؛ ابتسم بخيبة وحط تليفونه بهدوء بحداه وكمل يسوق
_____________________________
للكاتبه : BOSHRA HADIA
🔥بشرى ادريس هدية🔥
مهند : وين كنت؟
ايمن : في النادي...يرا في الطريق درت حادث شنيع
مهند : بفزع...شن صار في السيارة؟
ايمن : تي غير بالشويه عليك ماصارلها شيء
مهند : وانت شني؟
ايمن : انا واقف قدامك ونكلم فيك عادي معناها انا شنو؟
مهند : انت بخير
سند : لنقنكم تافهين، مش عارف كيف تسايروا في بعضكم
ايمن : ايي انت هنا...حقا اليوم لقيت ءاا...وسكت
سند : لقيت شنو؟...تكلم
ايمن : حط يده رأسه بتوتر وقال بصوت واطي...غبي قبل كنت بنقوله
سند : شكلها حاجه تافهة ولا؟
ايمن : ءاا ايي ايي قبل بنقولهالك بعدين قلت تو ياخذ عليا فكرة اني تافه
سند : ضحك...هيا بنمشي انا بنبات عند عمتي اليوم
مهند : غير خليك بات معانا
سند : لا الليله بنمشي غادي وفي الصبح بنطلع نلاقي العيله في المطار مروحين
مهند : اها...يوصلوا طيبين
سند : ان شاء الله...وطلع
نهى : نعست وربي معاش قادرة نشوف في الظلام
عهد : مدتلها امية...خوذي اشربي بالله صحصحي شويه مانبيكش تستسلمي ويمشي الجري هذا كله ع الفاضي
نهى : المشكله ان هوا مازال يمشي قدامنا وماتعبش!
عهد : تنهدت...توا تقريباً طلعنا حتى من طرابلس وخشينا في ضواحيها؟
نهى : اي من مبكري
عهد : حي عليا...حاسه ان بيصير شيء مش كويس، وخصوصاً البوابات الوهميه الليليه كاثرات فهالوقت
نهى : شافت للسلاح يلي بجنبها ودساته زين...مع نهى انسي الخوف...وابتسمت بخبث
عهد : هاجر وينك ساكته؟
نهى : خيرها ماتردش ههاذي؟
عهد : تلفتت وراها...راقده طيح سعدها😂
نهى : جيتها معانا ع الفاضي مافيش منها فايده
عهد : ع اساس نحنا يلي درنا الفايده...وقعدت تنوض فيه هاجر
نهى : توا بنديروها الفايده...شوفي شوفي انتي وياها
هاجر : تحاول تذكر وين قاعده... ن صار؟
عهد : مححححمممد بدا يخفف في السرعه متاعه هدييي سرعتك نهى
نهى : ايي ايي توا بندرس وبنشوفه شن بيدير فهالصحراء...ودرست السيارة
هاجر : راقبوه زين راهو انا مش قادره نركز كيف نايضه
عهد : طلعت تليفونها وبدت تصور في محمد كيف ينزل من السيارة وشن يدير
نهى : بصوت واطي...احسن شيء
أنت تقرأ
حلمي
Ficción Generalقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
