#حلمي
__________________
الحلقه الثانيه وثلاثون
الجزء الثاني
_____________________________
للكاتبه : BOSHRA HADIA
🔥بشرى ادريس هدية🔥
حلا ؛ طول الطريق ساكته لعندما وصلنا ودرست السيارة ع البحر
مهند شاف فيها : هي انزلي
حلا ؛ فتحت الباب ونزلت
مهند وهوا يمشي جيهة الشاطئ : ماتبيش تعرفي؟
حلا : مهند انا مش جايه باش ندهور ولانغير في جو، اكيده نبي نعرف تكلم
مهند وقف ومسك يديها : لكن ماتنصدميش وقت تعرفي
حلا نفخت : به مش حننصدم قولي من العروس؟
مهند ابتسم : انتي❤
حلا ؛ ارتاح بالها وابتسمت
حلا : كنت شاكة اصلاً❤....وقربت منه وحضناته
مهند ؛ زاد حضنها بالقوة وفنفس الوقت مازال مستغرب من لقطتها الجريئه وخصوصاً اول مرة تصير بينهم حاجه زي هكي😂❤
حلا ؛ بعدت من عليه والابتسامه مازال ع وجها
مهند ضحك : نحنا اغبياء صح😂😂؟
حلا : علاش؟
مهند ؛ قعمز وهوا مازال يضحك
حلا : شن في؟؟
مهند : كرها مع يدها وقعمزت .... نحنا نحبوا بعض لكن مش معترفين😂😂؟؟
حلا ضحكت : اول مرة نلاحظ الشيء هذا، مع اني نكلم فيك يومياً لكن مش معترفين لبعض وماعمرناش جبدنا سيرة حبنا😂😂
مهند : قتلك اغبياء اصلاً😂😂
عهد : معاذ تقدر تجاوبنا؟؟
معاذ : دقيقه تو نقوللكم... ورفع شعره للخلف بتوتر
محمد : ءاا عهد انتي ليش مُصرّة تبي تعرفي مرات بنت داخت ويبي يوصلها لحوشهم!
عهد ؛ شافت فيه بمعنى اسكت
محمد : احمم احم
معاذ : جايين تغيروا جوكم انتم؟
عهد : اي
معاذ : اها، خودوا راحتكم معناها انا نبي نمشي توا نستأذنكم
عهد : استنى
محمد ؛ شاف فيها بصدمه
معاذ تلفت : نعم؟
عهد : البنت هاذي م...
سارة نزلت من السيارة : معليش اسفه خوي خدتني نومه ورقدت
معاذ : لا عادي
سارة : اهم شيء صلحت السيارة؟
معاذ : اي تمام امورها تقدري تتحركي بيها
سارة : شكراً هلبا تعبتك معاي
معاذ : ولا يهمك
سارة ركبت في السيارة : ءاا ماقتليش شن اسمك؟
معاذ يتكلم بداخله : شني الحصله هادي ناقصني انا
معاذ : ءءاا م معاذ
سارة : وانا سارة❤
عهد ؛ مصدومه ومش قادره تتكلم
محمد : اتصل تليفونه وشاف في الرقم وبسرعه بعد من عليهم ورد وهوا خايف
محمد : الففف مرررة نقولك معاش تتصل بيا بدون علم ياراجل بتنفضح مادخليش فيك بعدها!
مجهول : نادم💔💔....كيف قدرت نبيعها مقابل فلوس💔
محمد تنهد وحط يده رأسه : اسمعني توا هيا تزوجت انساها معاش تفكر فيها حتى التفكير وماتنساش انا نكون راجلها
مجهول : مشعارف كيف خليتلك الطريق اني!!
محمد : انت شن تبي بالزبط؟
مجهول : نبيها هيااا
محمد : بعد من طريقي احسنلك وفوتها
مجهول : ماااقدرررتش مااقدرتششش....نبي كل شيء يولي زي قبل خلاص معاش نقدر نتحمل انييي
محمد : ماتعصبنيييش....تبي فلوس صح؟؟...تو نبعتلك قداش ماتبي اهم شيء خليك بعيد ولانعرف كيف نتصرف معاك وقتها
مجهول : تتصرف معاي!!...بعدين تعرف حياتك شن بيصير فيها صح ولا؟... عارك كله عندي محمد ماتنسااااش عارك عندي!!
محمد : سكر الخط في وجهه وهوا معصب
أنت تقرأ
حلمي
General Fictionقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
