حلمي

الحلقه 15

#حلمي
__________________

الحلقه الخامسه عشر
_____________________________
كتابة : BOSHRA HADIA

عهد خشت على سند : نعم
سند : وِداد وين ؟ مبكري سألتكم ماجوبتونيش !!
عهد : ءاا وِداد قاعده ماناضتش نراجو فيها
سند يتكلم بِـ صعوبه : شنو يعني ؟
عهد : يعني دارولها عمليه اليوم ف الصبح ومازالت ماناضتش من المخدر
سند تنهد بِقله صبر : وين جايها الرصاص ؟
عهد : فِ جنبها
سند : مازال ماعرفتوهمش من يلي ضربو ؟
عهد قعمزت ع الكرسي : لالا من امس لما دارو الهجوم الشرطه شددت فِ البوابات والاماكن العامه
سند : خاطرني نفهم شنو هدفهم بس ! قصدي ضربو وهربو وانا اصلاً ماعنديش اعداء هكي لِـ درجة القتل !
عهد : انا خايفه ان يسمعو بيكم مازالتو حيين يجو من جديد 💔
سند : معش يقدرو
عهد : كيف عرفت ؟
سند : لان هادوم مش همهم انموتو ولا ، كل همهم انهم ينتقمو ! لكن من شنو قاعد مافهمتش
عهد : ربي يستر ، صراحه خايفه انا 💔
سند : ماتخافيش مش حيصير شي انا متأكد ، المهم وِداد تنوض بِـ خير والباقي يتعوض

مهند : انا طالع لِلمستشفى
ايمن : لابأس من مريض ؟؟
مهند : الله لا يوريك بأس ، امس صارت دعكه فِ طريق الشط وانضربو ولد وبنت وسعفتهم
ايمن : شن صارلهم
مهند : واللهِ مانعرف توا ماشي بنشوف شن صار
ايمن : تعرفهم انت ؟؟
مهند : اي صح ترا قول من يلي مضروب ؟؟
ايمن : منو ؟
مهند : سند يلي كان معانا فِ الثانويه السنوات يلي فاتو
ايمن : حي قصدك سند يوسف ؟؟
مهند : اي هوا ، تعرف تغير هلبا ما اعتقدش يعرفنا
ايمن : بِـ نمشي معاك ! .. واااك قداش لي عليه من لما سافرنا انا وياك للأردن معش سمعنا عليه اخبار
مهند : لينا 4 سنوات تقريباً صح ؟
ايمن : اي اربعه ، هي خلينا نمشو نشوفوه ! سبحان الله من قال ان مازال بنتلاقو معاه 😂؟
مهند : اي ، كان تشوف اخته التؤم يلي زمان يدافع عليها 😂
ايمن : استنى خليني نتذكر اسمها 😂😂 .. اسمها هدهد ولا مشعارف شني المهم فيه حرف الـ ه 😂
مهند : عهد 😂😂
ايمن : ايواه 😂😂، هيا خلينا نمشو نشوفوه متشوق هلبا
مهند : اطلع هي

________________________________
كتابة : BOSHRA HADIA

عهد : كنت مقعمزة حدا حلا فِ كرسي المستشفى وفجأة يتصل هاتفي ونرد عليه
محمد : خير عهودة شن الجو
عهد : زي ماتعرفه جوي
محمد : يعني حلو
عهد من راس خشمها : اي وهلبا
محمد : به كويس ، عُموماً مانبيش نكثر معاك كلام الاسبوع الجاي بنجيكم انا وعيلتي عطي علم لِـ بوك وخوك
عهد ناضت من مكانها : انت بِـ عقلك ؟ وين تحساب روحك بالله ؟ خوي راقد فِ المستشفى وصاحبتي مانعلموش بِـ حالتها شنو وانت قاعد تنسق من غادي وتحدد فِ يوم تجي فيه ! لا وزياده تقولي فيها بِـ كل عين صحيحة !
محمد انصدم : مادخليش فِ حد انا ، بعدين وين نعلم بِـ فيته خوك ولا صاحبتك م..
عهد قاطعاته : رد بالك تغلط !! رد بالك محمد تغلط فِ الكلام بعدين تعرف مصيرك عندي
محمد :هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه ، مصيري عندك ؟
انتِ بعقلك عهد ؟ شنو الكلام المفترش هذا ؟ .. من امتى مصيري عندك ؟ .... اي صح نسيت ممكن من الصدمة  انتِ بديتي تفترشي 😂😂
عهد : كل يوم نزيد نكرهك عن يوم وكل يوم نتحسب فيك اكثر من يوم ، ربي مايسامحك ان شاء 💔
محمد : دعوتك مش مقبوله لانها فيها كره ليا 😂😂
عهد : فصلت فِ وجهه وردت قعمزت فِ مكانها

________________________________
كتابة : BOSHRA HADIA

اول ماوصلو مهند وايمن سلمو على يوسف واولاد خاله سند واقاربه يلي جوه فِ المستشفى ، بعدين خشو لِـ سند وسلمو عليه وهدرزو عليه وطلعو وقفو برا

مهند : شفتها هدهد 😂😂؟
ايمن : اي شفتها 😂، متغيرة هلبا
مهند : زمان كانت تحب تقرأ ومايفوت عليها شيء ، توا مانندري عليها شنو
ايمن : علاش يهموك اخبارها ؟
مهند : يا تافه مايهمونيش ، البنت كانت تقرأ معانا عادي وكان سألت نفسي عليها 🙂😂
ايمن : هي شن رأيك نديرو حل !
مهند : لِـ شنو ؟
ايمن : نعرفو من يلي قبل بَـ يقتل سند والبنت يلي معاه
مهند : تحساب روحك فِ الاردن ساهل تشد المجرم ؟ .. راك قاعد فِ ليبيا مرات تطلع حتى انت المجرم 🙂😂
ايمن : صح مرات 🙂😂

تسريع فِ الاحداث ، بعد مرور اسبوعين :

طبعاً معاذ وعيلته فِ الاول قعدو ايام عند خالهم يوسف ولما حصلو حوش انتقلو وسكنو فيه ،
ووِداد وسند اليوم بيـطلعو من المستشفى ومدايرين حفله فِ الحوشين ❤️، وطبعاً عرفو من يلي هجم على سند ووِداد وطلع شخص مش متوقع ابداً
ومحمد قاعد يضايق فِ عهد يومياً وكل مرة طالعلها بِـ رقم جديد ، ومهند وحلا مافيش بيناتهم آي شي جديد ، ومهند وايمن وقفو مع سند وماخلوشي بروحه ، وطبعاً اليوم زحمه فِ الحوشين :

فِ حوش يوسف :
ايه : شفتيهم الطروف يلي مع سند من امس
ايات : ووههعليا يهبلو
نهى بِـدون انتباه : اي الحق حلوين
ايه وايات شافو فيها بِـ صدمة
نهى انتبهت : هيي قلتها بِـدون قصد ره 🙂😂
اميمة : هادوم مايفوت عليهم شي 😂😂
نهى : بكل 😂😂
هاجر خشت تجري : سند وصل
عهد : ...

يتبع ..
اسفه لان الحلقه قصيرة بس والله تعبت من وانا نكتب عيوني يتسكرو نفتح فيهم 😭😂
عُموماً غدوا كان لقيت تفاعل ع الحلقه نعوضكم بِـ حلقه طويله واحداث مثيرة 💞.