حلمي

الحلقه 4

#حلمي
__________________

الحلقه الرابعة
_____________________________
BOSHRA HADIA

نضت ثاني يوم بنشاط توضيت وصليت وغيرت لبستي وطلعتلهم لقيتهم واتيين تصبحت عليهم وطلعنا

الساعه 9:00 ص

ركبنا السيارة والى سرت 🚗

اول ما ركبت السيارة بعتت رسالة لِـ وداد
اني كتبتلها طلعنا وردت عليا قالتلي
وِداد : توصلو بالسلامة انشالله .. اني توا ماشيه للجامعه نحس في روحي مشعارف شن ناسيه بلاك 💔
اني : تو نروح يا عيوني .. حسستيني اني مسافرة ومعش بنجي 🙂😂
وِداد : 😂😂😂
اني : هي باي توا
وِداد : مع السلامة 👋🏼

و سكرت نت
_____________________
عند هيام في الجامعه
تسجل في ادق شي يقول فيه الدكتور عشان تعطيه لي عهد ❤️❤️
وجتها وِداد وقعمزت حذاها وبدو يهدرزو
_______________________

عندي اني
طول الطريق ونحنا نهدزو ونضحكو لين وصلنا لِـ سرت

وصلنا الساعه 2:00 م

استقبلتنا عمتي هدى وبناتها الزوز وسلمنا عليهم  وما لقينا عندهم حد لان مازال اسبوع ع العرس
(ونحنا مش اول مرة نجو يعني من قبل ديما متواصلين مع العيله كلها)

هاج بنت عمتي هدى : شن جوك يا عهد
اني : الحمدلله .. شن جوك انتي
هاجر : بخير الحمدلله

ميسم بنت عمتي هدى : شن امورك يا حلا
حلا : الحمدلله وانتِ
ميسم : بخير .. صح بنقولك حاجه
حلا : شني
ميسم : بعدين شن رايك نطلعو انا وياك للمحلات على رجلينا قريبات منا
حلا : اايي عادي نشوف بابا ونمشو
ميسم : تمام في العشية تو نمشو

اميمة : شن اخبارك يا عهد وشن جو الجامعه
اني : الحمدلله مية مية.. وانتي شنجوك وشن جو معتز
اميمة : بخير قاعدين زي قبل نفس الفار والقطوس اني وياه 😂
اني : ربي يحفظكم لبعضكم
اميمة : انشالله
هاجر : وانتي يا عهد شن جو امير
اني للحظة استكيت معش عرفت شن نرد !  لما ذكرت اسمه خطرو عليا هلبا مواجع وقلبي زاد تكسر اكثر من قبل💔💔
قعدت ساكتة ومشو بيا الذكريات لسنة وحدة بس خطرو عليا هلبا حاجات حلوة لكن اخرتها شينة ااخخخ ودمعتي قريب نزلت
هاجر واميمة : عهد ؟! خيركك
اني فقت ع روحي : لالا شي تو نقوللكم بعدين
هاجر : فيه شي !
اني : بعدين نقولك
هاجر : تمام
اميمة : خلوني انوض انحط الغدي
اني : تو نجي نساعدك
هاجر : لا خليك تريحي جايا من طريق بعيدة وتعب  تو نمشي معاها انا
اني : لالا مهناش تعب تو انوض
مشيت معاها وحطينا الغدي عطينا للمربوعه وحطينا سفرة النساوين ومشيت اني خشيت للدار ، نادوني وقلتلهم ما عنديش نية خديت لبسة وجيت بنخش  ندوش في الحمام لقيته مقطوعه عليه المياه ، ركبت للدور الثاني فيه شقه العريس "خالد" وشقه معاذ مازال مش مكملينها لكن الحمام كامل خشيت لشقه معاذ بعدما تأكدت انها فاضيه ودوشت واني نبكي تذكرت امير وايامه من شهور واني ناسياته وتوا خطر عليا كل شي دموعي نزلو حارات ع وجهي 💔💔💔 ليش هكي حظي اني 💔💔 اخخخ علاش يا امير علاش اني حبيتك وانت تمشي وتخليني !💔
بكيت هلبا وكملت دوش وطلعت وشعري مبلول وعيوني حمر كيف بنطلع من الشقه يجي معاذ يخش 🤦🏻‍♀️

معاذ تفاجآ بيا : اااء اهلا
اني : تحشمت ووجهي ولا احمر معش عرفت شن نرد لان مش من عوايدي نهدرز معاه وتوا شافني بلا وشاح ، بسرعه حطيت المنشف ع راسي ورديت عليه
اني : اهلين
معاذ : ءااا
اني : جيت دوشت بس لان الحمام لوطه منقصه عليه المياه يعني نحساب ما فيها حد الشقه
معاذ : ااا لالا عادي خودي راحتك
اني : صحيت .. ونزلت نجري

معاذ ضحك : حي كبرت واجد وبدت سمحة انا ليا فتره معش حقيتها لكن شن اسمها هي !! حي عليا نسيته 🤦🏻‍♂️
___________________________
اني اول ما نزلت خشيت لدار البنات ومشطت شعري وبخيت من برفاني ودرت كريمة لوشن ولبست اكسسوارت بسيطه وتذكرت موقفي كيف لاقاني معاذ واني بلا وشاح ضحكت ع روحي وطلعت

(تعالو نعرفكم بي عائلتنا كلهم عشان ما تتلخبطوش في الرواية لان ح نقابلو هلبا ناس ،
عيلتنا نحنا : بابا يوسف ، وماما نورية ، واني عهد وعندي خوي التؤم سند
وعندي اخت وحده اسمها حلا وعمرها 15.

عيلة عمتي هدى : عمتي هدى ، وراجلها متوفي ، وولدها خالد "العريس" م 1990 ، ومعاذ م 1993 ولد طايش وما يهمه شي في الدنيا تافه لابعد الحدود حشيشته يكلم البنات وعنده ثلاثة صحاب وسبق وعرفتكم بيهم ، وهاجر م 1997 بنت لسانها طويل لكن طيبة وقلبها ابيض وتحب خوي سند حب من طرف واحد هوا ما يندريش عليها 💔 ، واميمة م 1996 بنت هادية وكويسة على نياتها ومخطوبة وتحب خطيبها هلبا ، وميسم بنت طايشة وديما هي واختي مع بعض عمرها 16 سنة.

عيلة عمي فوزي : عنده مرته مسمومة واسمها حميدة وعنده ولد اسمه محمد م 1992 حقير ودمه ثقيل ، وعنده اخت اسمها نهى كويسة وعلى نياتها م 2000 .

عيلة عمتي صالحة : عندها بنتين تؤم بس جوهم فري وفرفوشات ويحبوهم الناس كلهم  وديما يضحكو وحشيشتهم التقريم م 1999

وبس هضوما عائلتنا يلي ح ينذكرو بكثرة والباقي تو تتعرفو عليهم )

طلعت للصالة ولقيت ماما مدوشة هي وحلا
اني : صحه
ماما وحلا : سلمك
اني : وين درتو دوش الحمام هذا ما فيش مياه ؟!
ماما : عندهم حمام ثاني شني مالا نسيتيه يلي حدا المخزن !
اني ماخطرش عليا ان عندهم حمام ثاني : اها
حلا : وانتي وين درتيه علاش تسألي
اني : اااء لا حتى اني درته فيه غير نسأل فيكم معناها
جت ميسم
ميسم : بالله عليك عمتي نورية تخلي حلا تعدي معاي للمحلات يلي حذانا
ماما : علاش شن بتشرو
حلا : يا ماما ميسم ناقصاتها حاجات بسيطة بنمشي معاها
ميسم : والنبي يا عمتي خليها
ماما : اني عادي لكن تسأل بوها وخوها قبل
حلا : بابا ما يقول شي تو نكلمه
______________________________

عند الرجالة في المربوعه
سند : والله صار منك وبديت عريس
خالد : مالا شن تحسابني كيفك
سند : لا والله ما في خير من العزوبية
خالد : مص الليم يا سند باهي 😂
سند : 😂😂😂😂

خش معاذ وسلم عليهم
معاذ : اووو سند .. شن الجو
سند : ماشي شن جوك انت
معاذ : مية مية

وخشت حلا للمربوعه وفنص فيها سند طلعت شيرت لبوها من بعيد بمعنى تجيه
يوسف : خليها اختك يا راجل صغيره ولاد عمتها مش برانيه
طلع يوسف لحلا لقاها تستنى فيه
حلا : بابا عادي نمشي مع ميسم للمحلات !
يوسف : كانهم قريبات امشي وما تطولوش
حلا : حاضر يا احلى بو ❤️
__________________________

يتبع ..
تفاعلو يا بنات 🧡🧡.