#حلمي
__________________
الحلقه السادسة
_____________________________
كتابة : BOSHRA HADIA
عندنا نحنا
مرت علينا الليلة كلنا زي الجحيم ما فيش حد منا رقد
اني : نضت من جنب ماما بعدما جتني رسالة ع الواتس
طلعت للجنان وقعمزت وفتحت نقالي :
وِداد : عهد شن جوك وينك ما هدرزتيش عليا اليوم 🤧!
اني : طول اتصلت بيها وردت
وِداد : الو ! وينك يا عهد شن صاير معاك
اني : بديت نبكي 😭
وِداد : خيرككك !!
اني حكيتلها شن صار من البداية للنهاية 💔
وِداد : يا ناري هذا من اول ما وصلتو💔💔.. باهي شن جوها حلا توا
اني : كويسة ما فيها شي .. لكن سند بس كلنا خايفين عليه ينحبس 😭💔
وِداد قلبها انعصر وبدت تبكي : انشالله لا يا ربي 😭💔💔
اني : انشالله .. تعرفي سند نحبه هلبا مش لأنه كويس معاي ! لأنه تؤمي💔
تعرفي كان ينحبس وربي اني نموت 💔💔
وِداد : كل شي ح ينحل بإذن الله ما تخافيش .. وردي بالك من روحك 💔
اني : انشالله يارب
وِداد : طمنيني غدوا وقوليلي شن بيصير
اني : انشالله .. هي مع السلامة
وِداد : باي
وسكرت الخط
اني : لما سكرت من وِداد جيت بنخش لأن الجنان فيه ريح مسقع .. لكن سمعت صوت الباب بينفتح .. خديت عصا وقعدت خايفة وبنشبحه مني !
انفتح الباب ، وخش واحد متلثم جيت بنضربه بالعصا لكن غلبني وجا سكرلي فمي بيده ومشى بيا ورا الحوش
بنعيط لكن ما قدرتش لان مسكرلي فمي قعدت نحاول نفك روحي لكن ما قدرتش 💔
____________________________________
وِداد بعدما سكرت مني طول بدت تبكي
وِداد : لا ياربي انشالله ما يصيرله شي 💔
خشت عليها امها : وِداد !! خيرك تبكي بسم الله ؟
وِداد : كان تعرفي شن صار .. وبدت تحكيلها
امها : يناري عليهم .. انشالله ربي يسمعهم خير 💔
وِداد : انشالله
امها : توا ارقدي وغدوا نتصلو بيهم نشبحو شن بيصر
وِداد : حاضر .. تصبحي على خير
امها : تلاقي الخير.. وطلعت وسكرت باب الدار
وِداد تغطت بالبطانية وبدت تبكي بلا صوت 💔💔
( طبعاً وِداد عايشة مع امها ، وبوها متوفي وعندها خو واحد مسافر ويقرا برا وما عندهاش خوات)
____________________________________
كتابة : BOSHRA HADIA
عندي اني "عهد"
لما جابني ورا الحوش قعد مسكرلي فمي باش ما نعيطش
اني عضيته على صوابعه وحول يده من ع فمي
... : احححي يلعن شكلك
اني : حولت من علي وجهه الغطاء ونصدمت .. ههيييي ههذا انت !!
معاذ : لالا غولتي .. محرعضتك يا خرا 😒
اني : ككيف طلعت !! .. ووين سند ؟
معاذ : تعالي نخشو قبل
اني : لالا قولي سند وين قبل .. علاش ما طلعتاش معاك راهو تؤمي 💔!
معاذ : عارفينه تؤمك وانتِ تتفلحي بيه 🙄 .. خشي الجو بدا يسقع وتعالي نقولك !
اني : هيا باهي
خشينا للحوش ولقينا ماما تصلي في صلاة الفجر
وعمتي مقعمزة وتدعي معاها وهاجر راقدة ورقبتها معوجة 😔😂
وحلا رجليها فوق من وجه اميمة 😂، وميسم متلوحة بعيد بروحها 😂
اني ضحكت في عز بكيتي على منضرهم .. ومشيت معا معاذ
أنت تقرأ
حلمي
General Fictionقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
