حلمي

الحلقه 16

#حلمي
__________________

الحلقه السادسة عشر
_____________________________
كتابة : BOSHRA HADIA

هاجر خشت تجري : سند وصل
عهد : حقا ؟
هاجر : اي توا دخلوه صحابه للمربوعه
ايه : اكيده صحابه الطروف ولا ؟
هاجر : ماشفتهمش ظلام
نهى : ايه وايات ضمنو روحهم ليهم 😂
هاجر : خليهم يعبرو عن شعورهم 😂😂
ايات : خلونا عايشين ف الحلم خيركم انتم 😂؟
نهى : مدام الحلم بِـ بلاش احلمو ليش لا 😔😂
هاجر : 😂😂😂😂
عهد : 😂😂، خليني نمشي نمدلهم سفر العصير
نهى : تو نجي معاك هي

عند الرجاله :
سند يتكلم بِـ شويه : طلعو هما صح ولا ؟
معاذ : اي هما ، لان اليوم يلي انضربت فيه هما كانو مش قاعدين ف سرت
سند تنهد : موتتهم على ايدي ان شاء الله
معاذ : هما حطوك فِ راسهم توا احتمال كبير يولو من جديد عليك وينهوك ، وانا مرات دوري بعدك 😂
سند على صوته : تي النم يقتلوني انا باهي هيا شن دخلها البنت ؟ شن ذنبها تموت معاي ؟؟؟

الرجاله يلي ف المربوعه كلهم سكتو ويشوفو لِـ سند

معاذ : حشمتنا يا راجل خيرك الزح ؟؟
سند : ديرلنا حل معاهم
معاذ يحاول يلطف الجو : وين يا استاذ يوسف كيف تتزوج مرة تانيه من ورانا ؟

الرجاله قعدو يضحكو ويسألو ف يوسف يلي متحشم

معاذ : يصير مني ف تغيير المواضيع ولا 😂؟
سند : هلبا 😂😂
محمد : اوو سند الحمدلله ع سلامتك
سند : الله يسلمك
معاذ شاف ف محمد ووقف : تو نجي
سند : وين ؟
معاذ : تو نفهمك بعدين

_______________________________
كتابة : BOSHRA HADIA

حلا : وفوق من هذا طلع صاحب سند من ايام الثانويه وانا خايفه منه يحكيله
ميسم : بِـ صراحه حقير الولد ، لكن حتى انتِ حقيرة كيف تطلعي تلاقيه وراء المدرسه ؟
حلا : ماتفكرينيش والله نادمة هلبا على يلي درته
ميسم : انسي حبيبتي معش تشغلي بالك فيه ، ما اعتقدش يقوله لأنه ولد اصل
حلا : كيف عرفتيه ولد اصل شني معاشرتيه انتِ ؟
ميسم : يا غبيه الولد باين عليه كويس لأنه لما طلعتي وتلاقيتي معاه هوا هزبك وخوفك وقالك كيف تطلعي تلاقي ولد ! معناها ولد اصل ويخاف عليك زي ما يخاف على خواته ومش حيقول لِـ سند متأكدة
حلا : ان شاء الله يطلع كلامك صح ، بس اتصدقي عجبتني شخصيته هكي كيف كانت ردة فعله
ميسم : اي توا النوعيه هادي معش فيه منها نادر ماتلقي واحد زيه
حلا : صح اي
ميسم : عموماً نسيت نقولك
حلا : شنو ؟
ميسم : ...
_______________________________
كتابة : BOSHRA HADIA

سند : تعرفو الايام الجايه بِـ نمشي معاكم للأردن
مهند : ياريت اصلاً نبو من يرافقنا بروحنا واعر علينا
سند : في طروف غادي 😂😂؟
مهند : مانحكيلكش عليهم بكل 😂😂
ايمن : انت غير قول بنمشي والتذكرة ماتشغلكش بكل
سند : خلاص معناها لما تطلعو قولولي بس 😂😂
مهند : تم يا قلم
معاذ : محمد
محمد : نعم ؟
معاذ : تعال معاي شويه
محمد ؛ استغرب كيف اول مرة يناديه ، ومشى معاه
سند ؛ يشوف فيهم لين طلعو وهوا مش فاهم شي

محمد : شن في ان شاء الله خير ؟
معاذ ؛ لوح الدخن وعفس عليه وقبل بيتكلم بِـ جديه بعدين غير رأيه
معاذ : تعال جيب معاي السفر
محمد : توا مناديني على خاطر السفر بالله عليك ؟
معاذ : وانت شن ادير ماد وجهك ف المربوعه ! جيب معاي مش براني راك
محمد ؛ ف الاول طارتله بعدين تذكر انه حيشوف عهد وابتسم

فاتو خمس دقايق ومحمد ومعاذ واقفين قدام الحوش ، بعدين طلعو البنات جايبات السفر ، ومحمد كان يحاول يتعمد انه ياخد السفرة يلي جايبتها عهد ويتلمس ف ايديها ومعاذ لاحظه ، وعهد خشت ماكنتش متوقعه ان محمد جاي !

معاذ : معش فيه سفر تانيات ؟
نهى : استنى مازالت اخر سفرة تو نجيبها
معاذ : ابعتيها مع عهد ، وشاف ف محمد
نهى : تمام ، وخشت

نهى خشت للمطبخ : عهد ارفعيها انتِ السفرة
عهد : مصح وجهك رفعت مبكري
نهى : تي ظهري يوجع فيا ارفعيها
هاجر : هاتي تو نرفعها
نهى : لااالاا ، ءاا قصدي خلي عهد ماهو مارفعتش هلبا انتِ من بكري تخدمي
عهد : اوووف باهي ، وخدت السفرة وطلعت وفِ سرها تدعي انه يكون معاذ يلي جاي مش محمد

عهد : وصلت ف الباب ولقيت معاذ واقف وحمدت ربي
معاذ : هاتي .. وقرب على وذنها .. خشي ومعش تطلعي بروحك فِ الليل
محمد : كان يراقب فيهم وبيموت .. هيا يا راجل جيب السفرة
معاذ : شاف فيه وقال نكته ف وذن عهد خلت عهد تضحك ، ومشى
محمد : قعد يشوف فِ عهد فترة وتمنى يهجم عليها ويقتلها ، لكن عهد خشت بسرعه بعدما شافت نضراته يلي يخوفو

_______________________________
كتابة : BOSHRA HADIA

الساعه 1 ف الليل :

-طبعاً روحو الناس وقعدو اقاربهم بس ، وقعمزو ف الجنان متاع الحوش

عهد : ضروري نمشيلها اليوم مانقدرش نقعد عليها ساد اليوم ماكنتش معاها
سند : بِنمشي معاك انا يلي بنوصلك
عهد : لالا تريح تو يوصلني حد تاني
سند : تحسابيني بندير فيك عمل خير وبنوصلك ! راهو غير حتى انا ماشي بنوشفها
عهد : عارفاتك متاع مصالح اصلاً ، عموماً شوفلي حد يوصلني
سند : شوفي معاذ ولا محمد
عهد : ءاءااا تو نشوف معاذ ، وينه هوا معاذ اصلاً ؟
سند : وتي روحك اكيده تو تلقيه مقعمز مكسد ف سيارته
عهد : تمام نلبس ونطلع

اميمة ؛ كانت مقعمزة وسط البنات وفاتحة فيس وتتصفح ، جتها رساله من ايميل مجهول وردت عليه ، وهوا طبعاً جمال ومثل عليها على اساس انه مش هوا وقعد يتعرف عليها ❤️.

هاجر : كانت تشوف فِ سند يلي مش منتبه لِـ عيونها ولا معبرها اصلاً ، كانت تتابع في ابسط تفاصيل يديرها وابسط تحركاته ❤️.

نهى : كانت تهدرز على ايه وايات وعقلها مش معاها بكل ، عقلها مع الشاب يلي دخل سند للحوش وكان معاه لحظة بِـ لحظة اللي هوا ايمن ، خذالها عقلها من دون ماتدري ❤️.

حلا : صح حلا كانت صغيرة والبعض منكم يقول كيف ممكن تصير معاها قصه زي هكي او ما شابه ! لكن فِ الحقيقه صايرة ومازال ح يصير ❤️.

_____________________________
كتابة : BOSHRA HADIA

عهد : طلعت وبرا الحوش ولقيت معاذ فِ سيارته ومولعها ، ركبت معاه بِدون مانشوفه وطلعت بيا السيارة

محمد : نورتي سيارتك المستقبليه
عهد انصدمت : هذا انت ؟؟؟
محمد : اي انا
عهد : من الخوف فتحت الباب ونزلت من السيارة وهي تجري 💔💔
محمد : ...

يتبع ..

رأيكم في الحلقه ؟؟