حلمي

الحلقه 11

#حلمي
__________________

الحلقه الحادي عشر
_____________________________
كتابة : BOSHRA HADIA

يوم جديد واحداث جديده ✨

الساعه : 8:00 ص

عهد : مقعمزة على كرسي وتشرب في نسكافيه
ماما : عهد خيره وجهك اصفر الايام هذي وحسيتك امورك ملخبطه ! .. صايرة معاك حاجة ؟؟
عهد تلخبطت وماعرفتش شن ترد : يا ماما عادي من العرس ومانرقدش زين غادي ونسهرو
ماما : معش تسهري مرة ثانيه ، واليوم عندك محاضرات ! كيف بتركزي
اني : تو بعدما نروح نركها نومة للمغرب .. حي سند ع اساس نوضته اكيده رقد من جديد ، خلنمشي نشوفه .. مشيتله وخشيت عليه ولقيته راقد في سابع حلمة 😂
اني : ســنــــد
سند ناض مفجوع : خير فيتك يا خرا ع الصبح
اني : عبيت عليك والله ، مش ع اساس بتوصلني ؟ وقلتها بروحك امس ، كان خليتني نمشي مع وداد راهو توا مبكري واصله
سند : خلاص باهي نايض ، حقا شن صار كلمتيها ؟
اني : مازالت مرات نكلمها بعدين
سند : احسن تديري فيا خير .. وهيا توا اقلبي وجهك خليني ندوش
اني : باهي ماطولش نستنى فيك

اني مشيت لِـ حلا وع اساس بنلقاها راقده لقيتها نايضه وتلبس فِ وشاحها
اني : ماشالله نايضه بكري .. فايقه ورايقه ومش متضايقه وعسل يضربو بيها المثل ... كملي 😂
حلا : مانعرفهاش 😭😂
اني : شن صاير فِ الدنيا وحلا نايضه بكري ؟
حلا بدون تركيز : اليوم بنتلاقى مع مـ .. ءااا قصدي بنتلاقو انا وصحباتي فهمتي 😅
اني : كيف بتتلاقي انتِ وصحباتك ؟ مش هما معاك فِ المدرسه ؟
حلا : تي قصدي بيجو بنات جدد مرات
اني : باهي علاش مكياجك هلبا .. بسرعه خشي امسحيه بسرعه
حلا : تي واااك خليني بنطلع
اني : مافيش طلوع سند يشبحك هكي يقتلك ، انتِ ماشيه لِـ مدرسه راهو مش مكان عام !
حلا : حتى المدرسه يلي نقرا فيها عامة 😒
اني : يعني من اسمها مدرسه مش عرس ولا حفله
حلا : نننننن ، باهي تو نمسحه
اني : ننصح فيك لمصلحتك ، وخديت هاتفي وطلعت

___________________________________
كتابة : BOSHRA HADIA

عهد مقعمزة فِ الصاله وتراجي فِ سند ،
بعدين طلع

اني شفت فيه بصدمة : الله
سند : شن رايك فيا 😌؟
اني : محلاك يا عنفيتك كان مش خوي راهو واخداتك من زمان 🥺😂
سند حدفني بي مخدة : اطلعي قدامي
اني : هيا 😂😂

وصلني الجامعه وخش معاي ونص الناس يشبحو فينا كيف نشبهو لِـ بعض ، واني نمشي بِثقه وفرحانه ، بعدين لاقتني وِداد وتفاجأت بِـ سند وفرحت فِـ نفس الوقت ، وسند اول ما شافها ابتسم ابتسامة عريضه 😂

اني مشيت لِـ وداد وسند قعد واقف يشبح فينا

وِداد : عهد استاحشتك يا كلبه 😭😂
اني : مش اكتر مني 😂
وِداد بإستعباط : من الطرف يلي معاك ؟
اني : ع اساس ماتعرفيشي ،سند
وِداد : باهي خيره طرف هكي 🥺؟
اني : ماهو انا تؤمه نشبهله
وِداد : حقا خيرك رايحه هكي متبهدله كأنك كنتي تحاربي فِ الحرب العالميه الثانيه !
اني : تعبانه الايام هذي ومريضه جيت بالسيف اليوم
وِداد : لالا اكيده فِ شي ! .. عاد مش لِـ درجه هذي ! نحس فيك نفسيتك صفر
اني : اخخخخ لو تعرفي شن صاير فيا بس ، انا مدمرة مع بعضي 💔
وِداد : وين سارحة ؟
اني : هيا نخشو تو نحكيلك بعدين ، وتلفتت وراي شفت فِ سند ودارلي بِـ يده بِـ معنى تو نوريك 👌🏻😂، بعتتله مسج مكتوب فيه (تو نكلمها بعدين لما نطلعو)

__________________________________
كتابة : BOSHRA HADIA

عند حلا :
نزلت من السيارة وخلت بوها لين يروح ، وبعدما تأكدت انه اختفى ، مشت وراء المدرسه بِـ تردد وخوف ، وقفت وقعدت تراجي فِـ الشخص يلي تعرفت عليه ع النت وقاللها تعالـيلي وراء المدرسه 🤦🏻‍♀️، ومش عارفـه شن هي المصيبه يلـي تراجي فيها

حلا : خيره عطل شكله مش جاي يكذب، خليني نخش نقرا احسن ، وجت بتمشي وقفتها سيارة تبيب

حلا : تلفتت وراها وشافته نزل وابتسمتله بِـ خوف
مهند ضحك بِـ خبث : طلعتي حلوة نفس ماتوقعت
حلا : مِن ذوقك
مهند بِـ جديه : انتِ ما سألتيش روحك علاش جايه ؟ انتِ غبيه ؟
حلا : كيف ؟
مهند : انتِ وين عقلك يا خفيفه ؟ طالعه لِـ شخص تعرفتي عليه ع النت وقالك نبي نتلاقى معاك وقلتيله باهي !
حلا خافت : ءاا انا بنمشي الحصه بدت
مهند : استني .. انتِ قاعده فِ سن مراهقه وشكلك مافيش من علمك ، توا مافكرتيش في بوك يلي واثق فيك ونايض من الصبح باش يوصلك للمدرسه وانتِ مدايرة مواعيد من وراه ، كان يعلم بيك شن يديرلك ؟
تعرفي انا نختبر فيك قبل مانبيش نتلاقى معاك ، لكن قلت خليني نختبرها وطلعتي بلا عقل ووافقتي تتلاق معاي ، توا تصوري انا طلعت شخص مش كويس وخطفتك ! وقتها شن ح ديري ؟
حلا : بدت تبكي
مهند : اسمعي زين ، انا مش ح نديرلك شي ولا ح نزيد نكثر معاك كلام ، يلي بنقولهولك انه خلي عندك عقل وارزني شوي يا خفيفه .. ومشى
حلا بدت تبكي وتندم في روحها ع الشي يلي هي دارتها

_____________________________________
كتابة : BOSHRA HADIA

الساعه 12:00 م

عندي انا عهد

وِداد : تعرفي هيام بعدما تعرفت عليها طلعت بنت كويسه
اني : اي واضح عليها كويسه
وِداد : اهيا جايه شكلها شافاتك
هيام : جت سلمت علينا وقعمزت حدانا
اني : كيف حالك
هيام : الحمدلله وانتِ ؟
اني : بخير والله
وِداد : هيام شن صار امس قلتيلي تو نجيك اليوم
هيام : اي صح ، لكن ماصارش طلع عندي عرس وبنمشي 😂
وِداد : خزي ع وجهك قبل نبيك تجي
هيام : اسمعي خليها يوم تاني وتجي معاي حتى عهد
وِداد : اي صح
اني : في شاب جاي جيهتنا منو ؟
هيام شافت فيه وابتسمت : عن اذنكم يا بنات بنروح توا
وِداد : عادي حبيبتي مع السلامة
هيام : مع السلامة .. ومشت
اني : حيي حبيبها بيروح بيها؟
وِداد : اي ولد عمها وحبيبها ف نفس الوقت
اني : ماشالله قنين
وِداد : اي كان شفتي امس جابلها باقة ورد كبيرة لِـ درجة لفتت نظر الناس
اني : ماشالله ربي يخليهولها
وِداد : اي .. نوضي حتى انتِ جاك خوك 😂
اني : شفت فِ سند وفهمت من علامات وجهه يسأل فيا قلتيلها ولا 😂😂
اني : اي صح بنقولك
وِداد تركب فِ اظافرها : قولي يا حنه
اني بتردد : ءاا سند يحبك ويموت فيك
وِداد : طاحو منها الاظافر ومادرتش اي ردة فعل
اني : وِداد سمعتيني ؟ .. عارفه انك نصدمتي كيف وهكي لكن..
وِداد : استني .. عاودي شن قلتي ؟؟؟
اني تنهدت : سند يحبك وقالي شوفيهالي
وِداد : قعدت سكتت وقعدت تشبح فيا بعدين تكلمت
وِداد : مصح وجهك انتِ وياه 😡😡
اني : خيرك 😨😨؟؟
وِداد : ...
يتبع ..

كتابة : BOSHRA HADIA

تفاعلو الحلقه الجايه حلوة وطويله 💙💙