حلمي

الحلقه 5

#حلمي
__________________

الحلقه الخامسة
_____________________________
كتابة : BOSHRA HADIA

العشيه 5:00
مشو ميسم وحلا للمحلات على رجليهم خشو لمحل عطور
حلا : ميسم هدا خيره يشوف هكي
ميسم : ما تدوريشي هي نكملو ونروحو بسرعه خير ما تصير مصيبه
ميسم : لو سمحت عندك عطر Davi doff !
الشاب ابتسم بخبث : اايي فيه تلقيه مع الجهة الثانية
ميسم : تمام
مشت ميسم لنهاية المحل وحلا قعدت واقفه حدا الولد وتشبح في المكياج ،
بحركة سريعه الولد خدا المخدر وحطه على خشم حلا لين داخت وبدون صوت رفعها وحطها في المخزن 💔
بعدين جت ميسم ..
ميسم : ما فيش غادي ترا عدي انت طلعها ليا .. هييييييي وين حلا
وطلعت تجري برا المحل وتدور
_______________________
عندي اني "عهد"

مقعمزة ونهدرز مع البنات
هاجر : بندير كيكة من بتجي معاي
اني : هي تو نجو كلنا
اميمة : هي

ماما مقعمزة مع عمتي هدى وتهدرز
ماما : تعرفي نحس في قلبي ينخس فيا 💔
عمتي هدى : خيرك بسم الله الرحمن الرحيم .. هاك خودي اميه اشربي
ماما شربت اميه : نحس في روحي مشعارفة كيف اول مرة تصيرلي
عمتي هدى : انشالله لابأس عليك
وكملو يهدرزو

اني نخلط في النسكافيه : الله امتى يجو بنات عمتي صالحة خاطرني فيهم
اميمة : كلمتهم امبكري قالو مرات يجو غدوا
اني : ياريت .. حتى نهى كان تجي غدوا خير
هاجر: تو نكلمها بعدين ونقوللها انك عندنا اكيدة تفرح طول
اني : اايي غالية عليا نهى
هاجر : باهي شن صار ف..
خشو سند ومعاذ للمطبخ
معاذ : غريبة هاجر تدير في كيكة اول مرة
هاجر زعلت لان احرجها قدام سند : في عينك ومن قبل من يديرلك فيها
معاذ : نبصرو وخيرك قلبتي وجهك
سند : زعلت راضيها 😂😂
هاجر : ما نزعلش اني لاني واثقة من روحي 😉
سند : اوووو الثقه ↗️😂
هاجر : تو تضوقها بعدين واحكم انت ورايك
سند : من قالك بناكل منها اصلاً 🙂😂
معاذ : 😂😂

______________________________________
كتابة : BOSHRA HADIA
عند ميسم لفت على محلات الشارع كلهم ودورت على في كل مكان لكن ما لقتهاش
ميسم : حي عليا وحي .. وين اختفت يا ربي 💔.. احسن شي نرد لأول محل ونسأله !
ميسم : جيت لجهة المحل وكيف جيت بنخش قعدت نسمع في صاحب المحل  يكلم في صاحبه
الشاب : يا برو حاجه صح قتلك
الشاب 2 : احلف !وين حصلتها !
الشاب : والله مبدري جت هي وصحبتها ولهيت صحبتها عليها وبعدين مسكتها وخدرتها وتوا قاعده عندي
الشاب 2 : خلاص خليها عندك شوية وجايك
الشاب : تم
ميسم : قعدت واقفه فِ مكاني برا المحل ومخليتاش يشبحني ومصدومة نزلو دموعي وطول مشيت جري للحوش الناس كلها تشبح فيا واني نجري و نجري لحد ما وصلت واول ما خشيت عيطت بصوت عالي
ميسم واني نعيط ونبكي  : يا معااااااااااااااااذ يا سند يا عميييي تعاااللو
عهد وهاجر واميمة وسند ومعاذ طلعو يجرو من كثر عياط ميسم
معاذ : خيرك شن في !!!!!
اني : وين حلا !!
ميسم وهي تبكي : الحقو على حلا بسرعه 😭😭
سند : تي شن فيها حلا وينهااااا !؟😳