حلمي

الحلقه 2

#حلمي
__________________

الحلقه الثانية
_____________________________

كتابة : BOSHRA HADIA
هدرزنا نحنا وهيام وروحنا وحسيت هيام بنت كويسة وتنحب بسرعه ،

وصلتني وِداد للحوش وروحت هي لحوشهم
اول ما خشيت لقيت ماما وحلا يوتو في الشناطي ويطلعو فيهم انا استغربت
اني: السلام عليكم كيف حالكم
ماما وحلا : وعليكم السلام الحمدلله شن جوك انتي
اني : الحمدلله كويسة .. وين عالخير موتيين الشناطي ؟!
ماما : بنمشو لعرس ولد عمتك هدى في سرت كلمونا مبكري وتوا وتينا الشناطي
اني قعمزت فوق الطاولة : غريبة علاش ما قالوش قبلها بوقت كان هدا وتينا روحنا وشرينا !
حلا : قصدي معروف هوا مخطوب معناها عرسه قريب ☺️
اني : حشم حالك خاطب هوا ولد مش مخطوب 😂😂
حلا : ما يهمش المُهم وصلت المعلومة 🙃
اني : باهي امتى العرس ؟!
ماما : الاسبوع الجاي مازال فيه وقت باش تشرو شن ناقصكم اصلاً احنا طالعين غدوا الصبح
اني : باهي نطلعو العشية باش نكملو حاجتنا
حلا : اي بنشري هلبا حاجات باش نقهر الفرخة ميسم على يلي ادير فيه
ماما : خشي غيري لبستك وتوضي وصلي وتعالي تغدي على ما جي الفرخ سند قاعد يدور عند صحابه
اني : هي ماشية

خشيت لداري خديت توتة ومشيت للحمام "اكرمكم الله" توضيت وطلعت صليت ونزلت تغديت وغسلت صونيتي وامتديت في الصالة باش نتريح شوي .

جت العشية _ 5:00
نضت توضيت وصليت العصر وغيرت لبستي وكلمت وِداد
اني : شن الامور
وِداد : لوز اللوز وانتِ ؟
اني : الحمدلله
وِداد : شن مدايره ؟!
اني : ما درت شي 😂
وِداد : 😂😂
اني : حقا وِداد عندنا عرس ولد عمتي يلي في سرت بنطلعو غدوا الصبح
وِداد : حقا كيف صار فجأة .. ووااك توا كيف بندير بروحي 💔
اني : عادي اسبوع ومروحة .. حقا تو تلقي هيام صحبتنا الجديدة
وِداد : اي حقا
اني : لكن ردي بالك تصاحبيها اكثر مني 😂
وِداد : كان طولتي هذا 😂😂
اني : المهم توا طالعين للمحلات باش نشرو شن ناقصنا
وِداد : اها .. ديري بالك ع روحك تو نجيك في الليل اني وماما
اني : خلاص معناها نتلاقو
وِداد : باي
كتابة : BOSHRA HADIA
وسكرت الخط وطلعت للصالة
لقيت ماما وحلا واتيات وسند وبابا مقعمزين
اني جيت سلمت على بابا : كيف حالك يا بوي توا ؟
بابا : الحمدلله بخير .. وانتِ شن جوك ؟
اني : الحمدلله ماشية
سند : شن الجو يا احسن اخت
اني : ماشي الحمدلله .. شن صاير في الدنيا سند يسأل على جوي 🙂!
سند : لا غلاوتِك عندي تكفي يا عوهو
اني : اممم عوهو مرة وحدة .. قول قول شن تبي هي
سند : بعدين نبيك في خدمه عارفك ما تقصريش لان اسمك عهد ويلي اسمهم عهد يوفو بالعهد 😉
اني : توا ما عهادتكش اني 🙄
سند : جي يجري وشد في يدي عاهديني بأنك توفي بالعهد هيا
اني : حول يا مهبول 😂
كلهم : 😂😂😂😂
سند : خلاص عاهدتيني المهم ما تخلفيش العهد وتو نقولك في شن نبيك
اني : يصير خير غير هيا طلعنا للمحلات

طلعنا انا وماما وحلا رفعنا سند للمحلات تقريباً لف بينا ع محلات طرابلس كلهم باش حلا خدت يلي تبيه 😂

وروحنا خشينا وقعدنا نقيسو في شن خدينا
اني خديت قفطان لونه احمر ومعاه كعب احمر وروج احمر وظوافر حمر
واكسسوارت ع الاحمر وخديت لبسة تانية بسيطة يلي هي عبارة عن قونة قصيرة موردة وركبتلها كت لونه ابيض واكسسوارت بيض وسبيدرو ابيض
وخديت توتين
وحلا خدت المحلات كلهم ما فيش داعي نقول لان كان بديت نقول معش نسكت 😂

على خشت وِداد وامها

يتبع ..

كتابة : BOSHRA HADIA

تفاعلو يا بنات ع الحلقه عشان انزل يلي بعدها 🧡.