#حلمي
__________________
الحلقه الواحد وثلاثون
الجزء الثاني
_____________________________
للكاتبه : BOSHRA HADIA
🔥بشرى ادريس هدية🔥
هاجر : ياربي البنت هاذي بتجيبلي الغضروف في الكبد🤦🏻♀️
نهى : عهد
معاذ توتر : خيرها؟
نهى : عندها قصه ومش قادره تحكيهالك
هاجر ؛ خشت عليهم
معاذ شاف في هاجر : تعرفي شن تبي تقول هادي؟
هاجر ؛ اشرت لِنهى بعيونها ونهى فهمت وطلعن عشان الزوز مايبوش يخلو معاذ في موقف محرج
معاذ : هيا تكلمي!!
هاجر : عهد ومحمد مايحبوش بعض
معاذ ؛ انصدم لاكن دار روحه عادي
معاذ : باهي يعني شني انا بنخليهم يحبوا بعضهم ولاكيف؟
هاجر : لا مش هكي القصه خليني نكمل ومعاش تقاطعني
معاذ : تمام
هاجر قعمزت : محمد تزوج عهد قدامنا كلنا لأن في مصلحه بيناتهم وبيتموها لاكن مافيش حد عارف شن هيا المصلحه هادي!!
وعهد طلبت نخبروك انها هيا ماتحبش محمد ولا حتى طايقاته وهيا نادمه اليوم انها تزوجاته لاكن الضروف غلبتها وخلتها ادير شيء هيا ماتبيش اديره
معاذ ؛ ساكت ومش قادر يتكلم
هاجر : وبس يعني هكي عهد قالتلنا نقولولك
معاذ تنهد : ارفعي معاك العشاء وطفي الضيء وراك
هاجر ؛ انصدمت لاكن دارت نفس ماطلب منها وطلعت
سند : اهما مفاتيح السيارة
يوسف : وصلت يلي قتلك عليهم!؟
سند : مالحقتش لان صار موضوع
يوسف : شنو يلي صار؟؟
سند : وِداد صاحبه عهد ماتت اليوم
يوسف : ماتقولهاش💔
سند : اي والله...ضربتها سيارة قدام الصاله امبكري
يوسف : ان لله وانا اليه راجعون.... قلت لحد من العيله؟؟
سند : لا ماقدرتش نقولهالهم توا
يوسف : به خلي في الصبح قوللهم وعهد ماتخبروهاش مرات تصيرلها صدمه ولا حاجه وهيا عروس💔
سند : اي لا مش حنخبروها.... المهم توا تصبح على خير بنرقد
يوسف : خليك غادي الليله في الحوش
سند : اي عارف وطلع
__________________________
للكاتبه : BOSHRA HADIA
🔥بشرى ادريس هدية🔥
تاني يوم :
طبعاً تفركس العرس ولغوا الاسبوع بسبب موتت وداد يلي صارت فجأة وعهد ماكنتش تعلم بشيء ولما سمعت ان الاسبوع التغى فرحت فرحه للسماء.
عهد ؛ توتي في الفطور على الطاوله
محمد ؛ طلع من الدار وهوا لابس وموتي روحه صباح الخير... ماشالله نايضه بكري
عهد : صباح النور.... اي خير من نرقد
محمد قعمز : مرة تانيه ارقدي في الدار مش حلوة تقعدي في الصالون.... امس غير اول يوم خليتك ع راحتك بس
عهد : تمام... امتى بنسافروا؟
محمد شاف فيها بصدمه : وين ان شالله؟
عهد : ع دبي
محمد بدي ياكل : اها يعني قاعده مش ناسيه
عهد : اكيد.... تعرف مادا بيا نمشي من الاسبوع الجاي
محمد : لا خليها شويه اقل شيء بعد شهر
عهد شافت فيه بتحدي : بعد اسبوعين بس
محمد سكت شويه بعدين تكلم : تمام
عهد : شكراً
محمد : عهد نبيك تنسي كل شيء صار بينا قبل الزواج يعني سواء مشاكل او مواقف او اي شيء يعني خلينا نبدو صفحه جديدة ونظيفه ونكونوا صحاب مع بعض وصادقين اهم شيء!
عهد ؛ سكتت فترة وقعدت تفكر بعدين ردت عليه بإبتسامه
عهد : تمام
محمد : يالله الحمدلله هي وتي روحك من بيجيك اليوم ولا وين بتمشي!
عهد : تعرف ان الاسبوع لغوه!؟
محمد : كء كيف؟
عهد : مانعرفش السبب بس قالو ان المعازيم روحوا من الحوشين وماقعدش حد ف الغوه
محمد نفخ : مايجيش هكي.... واتصل بأمه
أنت تقرأ
حلمي
General Fictionقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
