#حلمي
__________________
الحلقه الخامسة وثلاثون
الجزء الثاني والاخيرة في الجزئين
_____________________________
للكاتبه : BOSHRA HADIA
🔥بشرى ادريس هدية🔥
نهى : كلكم تعرفوا ان محمد مش خوي من بوي، ومن لما كنا صغار ماكناش متعلقين فبعض هلبا؛ يعني محمد يعتبر مش خوي
هاجر : والمعنى؟
نهى : يعني مايهمنيش سواء مات ولا عاش لأنه كلب ويستحق لو مادارش الغلط راهو ماحدش وصل فيه، اليوم بعتله الفيديو يلي صورتهوله عهد وقلتله يا اما اطلقها يا اما الفيديو هذا ينتشر
عهد : شن رد علييييك
نهى : ابتسمت...طبيعي بيوافق
هاجر : كيف خليتيه ياخطيرة؟
نهى : لأن الفيديو يلي عندي ضده مش ساهل، وكان تسلم في ايدين الشرطة بيعدموه اكيد
عهد : بفرح...انا مش مصدقة واخيراً بدت تزهالي
هاجر : بس قبل ما تطلقي ضروري تشوفي محمد وتحكي معاه
عهد : مافيش بيناتنا كلام معاش طايقه نشوف وجهه انا كل يلي نستنى فيه ورقتي وبس
حنان ؛ خشت رافعه السفرة وسمعت اخر كلام يلي قالاته عهد
عهد ؛ شافت في امها وفي داخلها متمنيه تكون ماسمعتهاش
حنان ؛ وقفت وقعدت تشوف في عهد
عهد ؛ خلت روحها طبيعيه ووقفت عشان تاخذ منها السفرة
حنان : حطت السفرة ع الطاولة وابتسمت...قبل بنقعمز معاكم لكن لقيتكم شاردات في الهدرزة مع بعض قلت نخليكم بروحكم
هاجر : تعالي قعمزي والله تحلى الهدرزة لما تجي
حنان : لا خليها بعدين توا بنمشي نحدد بدلة سند غدوا عنده جامعة
هاجر : وقفت...بنجي معاك😍
حنان : تعالي معناها الحقيني😂😂...وطلعت
هاجر : اقعدوا فيها بنمشي للجو كله
عهد : غبر فيك شكلها ماما عارفتكم
هاجر : ايي عارفة😂
نهى : وبكل صحة وجه بتمشي معاها وتخشي لداره😂
هاجر : طز...هيبايي
نهى : مهبولة وحق ربي
عهد : مدت لنهى عصير...تعرفي الحمدلله ماما شكلها ماسمعتنيش امبكري
نهى : ايي سترك ربي
عهد : ابتسمت...روايتي شكلها طولت شن رأيك نقدموا في الاحداث ونختصروا كل شيء بيصير ونعرفوا نهاية قصتي شني؟
نهى : حتى انا من رآيي نقول هكي
_____________________________
للكاتبه : BOSHRA HADIA
🔥بشرى ادريس هدية🔥
بعد مرور ثلاثة سنوات كاملات :
ايمن تزوج نهى❤
وسند نفس الشيء تزوج هاجر وحالياً عندها بنت❤
وجمال تزوج اميمة وعندهم ولدين تؤم❤
ومهند بعد شهور عرسه هوا وحلا❤
وعهد تغيرت حياتها وبدت نفس ماتبي واحسن بعدما طلقها محمد وعاشت مع معاذ في دبي❤
_____________________________
في دبي في فندق فخم :
عهد ناضت من النوم مرتاحة ولأول مرة في حياتها تعيش هالشعور الحلو❤️
من بعد هالتعب يلي مرت بيه كله ؟ واخيراً وصلت للشيء يلي هي تخططله من صغرها
تحقق حلمها ❤️❤️، حلمها يلي ضحت عشانه الف مرة
عهد : واخيراً انا في المكان يلي مفروض نكون فيه من زمان .. نضت من على سريري فتحت روشن الغرفة يلي انا فيها وشفت الشيء الخيالي والحلو يلي كنت نشوف فيه في التلفزيون بس، انا نحلم ؟؟ لالا هذا حقيقة ❤️، واخيراً قدرت نطلع من الكابوس يلي انا كنت فيه
تلفتت وراها وشافت معاذ مبتسم
معاذ : عهد
عهد : عيونها
معاذ : لو يرد بينا الوقت لأربعة سنوات مروا ويجي اليوم يلي كنا راكبين فيه في السيارة انا وياك وتجي اللحظة يلي اعترفتلك فيها!
شن تردي عليا؟
عهد : حيكون نفس ردي يلي رديته عليك من قبل
معاذ : ولو توا قلتلك نحبك مرة تانيه شن حيكون ردك؟
عهد : ردي حيكون انا نحبك اكتر منك
معاذ : ابتسم وحضنها
طق الباب
معاذ : تفضل
نهى : خشت...اسفه خشيت هكي لكن ضروري تنزلوا توا
عهد : شن في؟
نهى : مانقدرش نقول بسرعه الحقوني
عهد : تتمامم...وشافت في معاذ
معاذ : هيا
نهى : انا نازلة توا
عهد : لاحقينك...وغيرت عهد لبستها ونزلت هيا ومعاذ ع السريع
لوطى كانوا فيه نهى وايمن وهاجر وسند وحلا ومهند واميمة وجمال ويوسف وحنان وهنية
نزلت عهد مصدومة لما شافتهم كلهم مع بعض ومشت تجري لبوها حضناته بعدين سلمت ع امها وسند وحلا والباقي
معاذ : بفرح...كيف جيتوا؟
جمال : بالطيارة
معاذ : مبردك قصدي كيف خطرلكم مع بعضكم؟
اميمة : العيد قرب وقررنا نجوا كلنا نعيدوه معاكم
معاذ : مليح هلبا❤
وبدو يسلموا ع بعض وفرحانين لأن من بعد ماتزوجت عهد مشت هيا ومعاذ ونهى وايمن لدبي ع طول وماشفوش حد الا توا❤
لكن سكتوا كلهم لما شافوا محمد خاش من بعدهم
عهد : شدت في معاذ وهيا خايفه
معاذ : ضغط ع يدها وهوا يشوف لمحمد
محمد : ماشالله إجتماع عائلي وفرحة حلوة؟
يوسف : امتى جيت؟
محمد : مفروض سألتني شن تبي جاي
سند : به شن تبي جاي؟
محمد : مانحبش عيد الاضحى يعني بما انه هوا غدوا ف مانبيش نشري عيد ونذبحه لأن مانحبش الدم
لكن عشان عيون معاذ نبي نخليه يشوف دم اليوم...وطلع سلاحه ووجهه ع عهد وضرب تلات طلقات والكل عيطوا💔💔💔
معاذ : يشوف في عهد كيف تموت قدامه ومش قادر يدير شيء
عهد : بصوت متقطع...كك ءككنت عع عارفه اا انه بيدير شيء
معاذ : ينزلوا دموعه بدون مايتكلم وهوا شاد في عهد
عهد : لل لكك لكن اهم شش شيء تحقق جزء مم من حلمي وو وعشت مع معاا معاك...وسكتت
معاذ : عيط بصوت عالي...لااااااااااااااااا
جت الشرطة وشدت محمد واعتقلوه
_____________________________
كانت فاجعه كبيرة لكل شخص انذكر في الروايه يوم ما ماتت عهد💔
وكانت صدمة لمعاذ يلي معاش نطق بحرف من يوم ما ماتت💔
وكانت سبب في يوسف انه يخش في غيبوبه معاش ينوض منها💔
وكانت سبب في مرض سكري لحنان💔
وكانت سبب في دخول سند لحالة الاكتئاب يلي معاش قدر يطلع منها💔
وكانت سبب في دمار لقلب كل شخص مقرب ليها💔
وكانت سبب لبكاء عيون ناس غريبه وقريبة لشهور💔
-نعرف النهاية صعبه لكل شخص قري الروايه واسفه كان بكيتوا ونتمنى تكون الروايه عجبتكم من بعد ماتعبت فيها شهور وانا نرتب في الاحداث يلي وصلوني، وطبعاً الحلقه الاخيرة حبيتها تكون قصيرة عشان نختصر فيها كل شيء صار والحمدلله بسطتها ليكم، ونحب نشكر كل حد يدعم فيا وانا نكتب فيها وشكراً واجك لكل شخص اعطى رآيه ولو بكلمة حلوة❤.
#النهاية
أنت تقرأ
حلمي
General Fictionقصه ليبية تحكي عن بنت تسعى وراء تحقيق حلمها لكن هل هي ح تنجح في تحقيق حلمها؟! وح تواجه هلبا صعوبات وتحديات حتى توصل للشيء يلي هيا تتمناه ،! وفيه قصص حب ح تصير وبعض من الكوميديا والغموض في الرواية 🧡
